Filipus 4:9 - Fanawbuid tagsibaliwas Fakayabian

⁹ Fakamuluni fagayu ay nasaful, ay nabul, ay ay nadungug, ay ay nalag siginan angku. Nu katanya tua ay fakamulun, Dius takamon fagmanabayanun si tua ayu.

Filipus 4:9 Referans Kwoze

Santiagu 1:22

Dangay am sik tagdungugan lang Dius at longan, nu bunway faningi tua. Aroro nu dway am gfaning, gdaya way am ay sadili.

Filipus 3:17

Ku ngay faduksay, masadii faningi ku ugali, ay faningi yangay tibak taw tagugali kata em nafalag sa ayu fag fagfaningan.

2 Pedru 1:10

Ku ngay faduksay, ugatani atuyani te, Dius tuam at ngay nafili. Aroro nu katanya tua ay fakamulun, di ban am kamomuy.

Uan 13:17

Mauseganan tuam, nu natogdungug tuam takatanya fagayu.

Filipus 4:7

Nu katanya, Dius at yud e gfasud at fagmanabayanun tagdiri ay amatanganan siginan ay fagmasadiun sa tam Fun Isus.

Ruma 16:20

Dius takamon fagmanabayanun munakbang wan nu gfasa ay daga darafa ay fawayan Satanas. Sumawa nangus fia ayu tam Fun Isus at fagmagalangun.

2 Kurintu. 13:11

Ku ngay faduksay, ste way tsigon ku rirukan. Ugatani tua fia sat matuyan. Ay aloi kata em suguan ayu. Masadii tua ay amatanganan, ay banwani manabayan. Nu katanya tua, Dius at fakesugun ay fagmanabayanun si tua gugat ayu.

Lukas 6:46

“Wain ro ay fagngayanun angku te, ‘Ku Fun, ku Fun,’ nu dway ngap am gfaning ku longan?

Mateu 28:20

Foyungi sa anya fagayu, laman gfaning fagayu ku longan sa ayu. Matuyan, si ktua ban gugat ayu, sitsigons fagdaul daga at fakatabuan.”

Mateu 7:21

“Bunwa ban fagayu taglong sa angku te, ‘Ku Fun, ku Fun,’ at kumful sas Dius at fagfagtainanan, kayu way ban tagfaning ku Mama sas banwa at fakaylatun.

2 Tesalunika 3:4

Maksvn nu gafanud ami sa tam Fun sabaliwa ayu te, galo am ay gfataglayun am gfaning em ngay suguan.

1 Tesalunika 1:6

Ay nafaning tuam emi ay tam Fun. Ay dewa maksvn ay nadalan fag ngay fagidapun, naylat tuam at Masine fag Barita, siginan at Masine fag Falad at fon ayu fag fagusegananun.

1 Tesalunika 5:23

Dius gfon fagmanabayanun, ay kanya nangus gfasine ayu laman diam e malong. Dius wa nangus fia tagbakvd fagdaul ay falad, ay ay amatanganan, ay ay bilug, laman diam e malong gina ban tam Fun Isus andasug.

Ruma 15:33

Dius, tagfon fagmanabayanun sumawa nangus fia ayu fagayu. Anud.

Uan 2:5

At mina glong sa sangay fagsuguan te, “Fakamuluni nusnga setaw at longan ayu.”

Lukas 8:21

Ay Isus nalong te, “Tagdungugan ay tagfaning Dius at Longan, kanya tua ku mina ay ku ngay faduksay.”

1 Tesalunika 2:14

Em ngay faduksay, at kinfasludan sa ayu kata yangay at kinfasludan sas Dius at ngay taw sis talun Udea at kinsadi sa tam Fun Isus. Ay kaiban nafauri ayu kata ngay taw Udyu nu gfauri ngay tagafanud sis talun Udea.

1 Kurintu 10:31

Nu katanya, nusnga setaw ay fakamulun, dewa am gfangon ay ginum, fauseganani tua Dius.

Deuterunumyu 5:1

Muisis nafaful fagayu taw Israel ay nalong sa anya fagayu te, Ngay taw Israel, dungugani ngay suguan ay ngay faugali ku fagnamonun ayu katsi fag menit. Asafuli ay faningi tuy fagayu.

Fakamulun 9:6

Alindugi, ay loi sas furuan, ay sanya ro e gfoyung emu am fakamulun ban.”

Isayas 41:10

Lag o kalimu aroro au wan am Dius. Namabitsug au ay nanggubuk emu. Ku fagmabalyananun tagfaksvn emu ay tagfalangfe.

2 Timuteu 4:22

Tam Fun sumawa nangus emu. Ay at fagmagalangun sumawa nangus fia ayu fagayu.

1 Kurintu 14:33

aroro tam Dius wa kaylat nu e fagbadbaboanun nu bunway fagmasadiun tua. Ay katanyai yangay fagayu tagafanud at ugali.

Uan 15:14

Am wan ku ngay fagadgalangan nu gfaning tuam ku ngay suguan.

1 Uan 3:22

Ay mabul tua tam tam fagetun sas Dius, aroro gfaning tua tam at ngay suguan ay gfakamulun tua tam nusnga setaw tagfauseganan anya.

Mateu 1:23

“Sik baguina ban gfafion ay namasalug sik munama. Ay e gfangayan ban anya te, Emanuel.” (At masuad te, Dius si antam.)

Isayas 8:10

Nusnga setaw ban ay nafalganan fag fakamulun laman gfawayan am emi, wa ban umfasludan kata ay algan, aroro Dius gufud tua emi.

1 Kurintu 4:16

Maksvn nu glong au sa ayu te, faningi ku ugali.