Filipus 4:8 - Fanawbuid tagsibaliwas Fakayabian

⁸ Ku ngay faduksay, sat fakatabuan, fabanwani si ay amatanganan at matuyan, ay at mauseganan, ay at yud e kalong, ay at masine, ay at maksvn nu maylat.

Filipus 4:8 Referans Kwoze

Santiagu 3:17

Fagsafulun tagsiginans Dius: taguna, di e malong, ay manabayan tua, ay malukme, ay mafamaning, ay mafangafanyu ay masine, ay di e fagfili, ay di kamuag.

Titu 2:7

Sas fagayu am fakamulun falagi te, sik fagfaningan o, ay fagayu am foyungan matuyani dangay kata nu alaman.

2 Kurintu. 8:21

Gugatan ami gfakamulun at masine, bundi lang sa tam Fun at daga salubangan nu bunway anggan tua sas fagayu taw at daga salubangan.

Galasya 5:22

Dewa katanya, katatuy tua takalag si sik taw at leleganan siginan at Masine fag Falad at gubuk: kanya mafangesug tua, ay guseganan, ay manabayan, ay magwanta, ay mafangafanyu, ay e fagmasineun, ay mafamaning,

1 Pedru 2:12

Ugalii at matuyan si sangay taw at yud e fagafanudun, dewa kafag ngay taw gfantabugan te, mauri am. Ay kanya ban fagayu nu nalag ay fakamulun at masine, sumeg tam Dius gina ban kanya kadasug.

Ebreu 13:18

Darangini emi. Natuyan ami te, masine tua em amatanganan, aroro kaylat tuami gugali at matuyan sas nusnge wain em fakamulun.

1 Timuteu 4:12

Dangay o e kafalingun siginan nu mabaguama yay o. Nu bunway ugatani laman sik fagfaningan tuo sas fagayu tagafanud, siginan am aringang, am ugali, am fakesugun, am fagafanudun ay am fagyudun e malong.

Efesu 5:9

Aroro tagsis fagmayamagun at rawvg masine tua ay matuyan ay mafanud.

Titu 1:8

Nu bunway kanya gfasakbo tua sat bale nusnga sinu fag taw, ay kaylat tua at masine, ay malukme tua, ay matuyan sat ngay iba, ay galo fia Dius ay saful tua gfaragang at sadili.

1 Uan 3:3

Ay fagayu taw at ke fagsegun takatanya, matuyani fia at ugali kata tam Fun Isus nu matuyan.

1 Pedru 1:22

Siginan nu gfaning am at matuyan, katsi masine tuam ay kedkesugan laman sik ngay tagfaduksayan. Nu katanya, faksvni ay famafanudi fia nu kedkesugan am.

Titu 3:14

Ay foyungi sa tam ngay faduksay te, fakamuluni tua at masine laman fagayu di e gayudan, ay laman ban di nfangulan ay leleg.

Ruma 13:13

Ugalii tua at masine aroro si tua tam sad mayamag, ay di tam si ya sad madulum. Ay saruyi takatatuy fagayu: fakamasaweun nu guseganan, fagfanlanguanun, fagfanugtugun, ay at mapla fag fakamulun, fagawayanun, ay fagfangalabianun.

Fangatulun 20:7

Sik matuyan fag taw di e mauri. Ay at ngay sisian mauseganan tua nu nafaning tua anya.

Santiagu 1:27

At matuyan fag fagafanudun at yud e malong sas Dius tam Mama at daga salubangan katatuy tua: ggubuk tam at yud e fagtainan ya, ay ngay fagbubayun nu e fagidapun, ay gdiri tua tam tam sadili laman di tam gafaylatan ste swa daga fag ngay mauri.

1 Uan 3:18

Ku ngay sisian, nu kesug tam tam ngay iba, dangay lang si tam longan, falagi tua siginan tam fakamulun at matuyan.

Titu 2:2

Foyungi sat mafagtainan fag ngay mangama te, malukmei tua, ay safuli tua faragangi at sadili ay faksvni tua nu gafanud, ay esugi fagayu taw, ay agwantani.

2 Kurintu. 13:7

Gdarangin ami sas Dius te, dangay am nangus gfakamulun at mauri. Gfakamulun ami takatanya bunwa laman ngay taw lumag te, ami at matuyan, nu bunway laman gfakamulun tuam at masine, dewa tibak taw gamatangan te, bunwa ami at matuyan fag ngay nasugu.

Kulusas 4:5

Mamatangani tua nu gfadgaloan am at yud gafanud ay lag gfangulan ay buknga.

1 Pedru 4:8

Tagtungud sas fagayu, fagayu am matuyani tua nu kedkesugan am, aroro fagkedkesuganun kanya wan tagfalyam ngayuk asalanan.

2 Samwel 23:3

Yawi, Israel at fagsarirungan fag gang, nalong sa angku te, ‘Nusnga sinu at matuyan nu gfunan ay tagfaning Dius,

Ruma 13:3

Fagayu tagfakamulun at masine di e fakalimuun sa sangay funan, nusnga sinu way tagfakamulun at mauri takalimu. O kaylat o laman di o e fakalimuun sa tam ngay funan? Fakamuluni at masine ay kanya gfauseganan emu.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

Filipus 3:1

Ku ngay faduksay, gfataglayun au glong te, useganani sa tam Fun. Kwa kalufuy gdog griruk sa ayu tuy fagayu, aroro sa ay fagmasineun.

Ruma 2:29

At matuyan fag taw Udyu, bunwa at nafae fakatoglagan aroro gfaning Muisis at Faugali, nu bunway at natubus tua at amatanganan siginan nu gfaning at Masine fag Falad. Dius guseganan tua takatanya fag taw, ngay taw deyud kaylat anya.

Isayas 26:7

Ay at matuyan fag ngay taw at dalan madatag tua, ay o wan, Dius at Matuyan at nafadatag.

Fangatulun 31:31

Nu katanya, foni tua sa anya sik famonun, ay fauseganani anya sis fagngayuan taw aroro sat nafakamulun.

1 Timuteu 2:2

Darangini ngay fun ay at ke ngay fanambagun fag ngay taw, laman manabayan tua nu gleleganan tam ay nu gfaning tam fia tam Dius, ay matuyan tua tam ugali.

1 Timuteu 5:10

ay at nafakamulun tua fia at masine, kata nu gfagurang at sisian, ay nu guseganan gfasakbo sat bale at fagyudun toglag fag ngay taw, ay nu ggubuk Dius at ngay nafili ay ngay tagayudan, ay nu gfon at sadili sas nusnge wain fag fakamulun at masine.

Deuterunumyu 16:20

Fagmatuyanun tua nangus gugat tagsi ayu, laman mabanwan am si ay Dius Yawi at nafon ayu fag daga.

Efesu 6:14

Nu katanya, mafalganani tua gugat ay taudani at matuyan sabaliwas Dius. Ay fakamuluni gugat at matuyan tuga famalabag si ay dubdub.

1 Tesalunika 4:12

laman at yud gafanud sas Dius lumag te, manabayan tua nu mabanwan am, ay diam gsefu ay iba.

Efesu 4:25

Nu katanya, lag am kadkamuagan ya, nu bunway matuyani tua sas galay am at sadi, aroro fagayu tam masadi tam si sik bilug.

2 Kurintu. 6:8

E gfauseganan emi, ay e gfalingun emi, ay e glong at masine sabaliwa emi, ay e glong at mauri. Ay e nafangayan emi te, sik ngay takamuag, dewa matuyan em foyungan.

Fakamulun 10:22

Ay kafag tuluk mangama nabalus te, “Kurnelyu fag fun tagfawayan nasugu emi. Kanya matuyan ay gseg Dius, ay fagayu taw Udyu gsuyu tua anya. Ay sik tagbarita nalong anya te, nantaban ami emu sas Kurnelyu at bale laman kanya gdungugan am longan.”

Uan 7:18

Nusnga sinu tagfoyung nu siginan way at sadili foyungan, kanya gfauseganan way at sadili. Ay dewa katanya, nusnga sinu tagfoyung nu gfauseganan tua sat nasugu anya, kanya wan at matuyan ay at yud e asalanan.

Lukas 2:25

Sis Erusalem e sik taw at ngayan Simyun. Kanya sik matuyan fag taw ay gafanud sas Dius, ay at Masine fag Falad si yangay anya. Ay kanya mafanyan tua gugat ngay taw Israel at tagfalangfe nu kadasug.

Markus 6:20

aroro Erudes kalimu Uan, ay nasaful te, masine at ugali ay we asalanan. Ay kanya ggubuk Uan. Ay Erudes nu nadungug Uan at foyungan, galakayan at amatanganan. Dewa katanya, Erudes kaylat gdungugan.

Fangatulun 11:1

Yawi kauri sik taw tagfandaya nu gfabudbungguan, dewa katanya, guseganan nu kasakan tua.

Rut 3:11

Baguina, lag o gafanawa. Namakamulun kban fagayu am fagetun, aroro fagayu ku fasabale saful te, sik matuyan tuo fag mangena.

Lukas 16:15

Ay Isus nalong te, “Dewam gfoyung sa tibak taw te, ‘Matuyan em fakamulun,’ Dius saful ay amatanganan. Aroro ngay taw at natuyan te, mafanud, kanya Dius kauri way.

1 Kurintu 4:5

Nu katanya, kaduge tam Fun yud andasug, lag am gamatangan te, sik taw masine ay mauri. Tam Fun waban tagfasure fagayu nusnge wain at masuksukan sisad dulum ay anggan at masuksukan si sik taw at amatanganan. Ay ginanya ban fag menit, galay at sadi gbul famauseganan siginans Dius.

Fakamulun 22:12

“Ay sanya sik taw at ngayan Ananias, kanya gafanud sas Dius ay gfaning Muisis at Faugali, ay fagayu taw Udyu tagbanwan sanya gsuyu anya.

Sulumun at Alubad 5:16

At lislis matamis. Anud fagayu tagsi anya malabian mandi. Nafoyung au sa ayu fag ngay baguina sis Erusalem te, kata kanya ku fakesugun fag mangama at kawalungan.

Fakasigadan 18:19

Nafili au anya laman namafasludan sat ngay sisian ay sat kasugfunanan ku balyawvtan laman gfakamulun at matuyan ay at mafanud. Nu katanya, umfasludan ban ku ngay fatuyanan sa anya.”

1 Uan 4:1

Ku ngay fakesugun, lag am gafanud sas nusnga sinu fag taw dewa glong te, “Si wa angku at Masine fag Falad.” Nu bunway insafuli te, o at falad siginan tuas Dius, aroro ngayuk takamuagan fag taglong at kinrapyag sas fagdaul daga.

1 Timuteu 5:2

Ay nu gfakamatoan o at mafagtainan fag ngay mangena, katai tua nu am mina. Ay nu gfakamatoan o sik baguina, katai yangay nu am faduksay fia ay masinei tua am amatanganan.

Lukas 23:50

Sanya sik taw, at ngayan Use, siginan taw Udyu at furuan at ngayan Arimatea. Ay kanya ngay taw Udyu at tagfangguna at sadi, ay sik taw masine ay matuyan.

Fangatulun 31:29

“Ngayuk bubay at matuyan, dewa katanya, o wo wan at matuyan sas fagayu.”

Fangatulun 16:11

Yawi wa kaylat ngay taw nu gfandaya way nu gfabudbungguan at ngay famalaoun.

Fangatulun 12:4

At matuyan fag bubay, maylat tua ay mauseganan sat indugan, dewa katanya, sik bubay at mapla, kata way sik fakasaitun sit indugan at bini.

1 Timuteu 3:4

ay masine tua nu gfagtainan at talnayan, ay at ngay sisian gfaning tua ay gsuyu anya.

Fakamulun 6:3

Nu katanya, em ngay faduksay filii si ayu fituk mangama ay natuyan te, matuyan at ugali, ay at ke Masine fag Falad. Ay kanya ban at namakamulun sabaliwa ngay fakonun.

Mateu 22:16

Ay kafag ngay taw Fariseu nasugu at ngay tagadal sas Isus gasfuan fun Erudes at ngay taw ay nalong te, “Takamoyung, saful ami te, matuyan tuo, ay matuyan nu gfoyung o Dius at fakaylatun, ay di o gamatangan nusnga setaw taw at longan, ay di o e fagfili nusnga sinu fag taw.

Fangatulun 31:10

Maidap grvbvy at matuyan fag bubay. At kamafanudan gtungud tua sik mafanud fag ngay famasine.

Ebreu 11:2

Dius maksvn nu guseganan ebi taguna fag ngay taw, aroro gafanud tua sa anya.

1 Timuteu 3:11

Ay masine yangay at ngay mangena nu sik ngay fagsuyuun, ay nu ddi glong at yud masine sabaliwa at iba, nu bunway malukme tua ay mafatigwanan sas fagayu at fakamulun.

2 Kurintu. 8:18

Ay naylat ami at sadi tam faduksay nu nangalo Titu laman taggubuk anya. Fagayu furuan toglag anya aroro kanya maseganama nu kamoyung at Masine fag Barita.

2 Samwel 1:23

Ngay taw Israel maksvn nu kesug Saul ay Yunatan. Dewa sas fagmanabayanun ay sas fakabulun gadgaloan tua gugat. Ay kanya fagayu gina gfawayan, amasakit yap tua bio ay amabitsug yap tua sik liun.

2 Pedru 3:1

Ku ngay fakesugun, tuy wan at fadua ginan au griruk sa ayu. Nariruk au sa ayu takatatuy laman gugatan au gfulo ay amatanganan sat matuyan siginan ku ngay famamatang.

Alubad. 82:2

Ay kanya nalong sa anya fagayu te, “Seduge ya ban nu yud matuyan nu gfawabilugan am? Ay seduge ya ban nu gfadiuganan am gugat at mauri fag ngay taw?

Ruma 14:18

Tagfaning takatanya aroro sa tam Fun Isus, gfauseganan tua Dius, ay fagayu taw kaylat tua anya.