Filipus 4:6 - Fanawbuid tagsibaliwas Fakayabian

⁶ Lag am gafanawa nusngewain ay fagayudanun, abat ngate, eti way sas Dius siginan ay darangin gasfuan nu guseganan am.

Filipus 4:6 Referans Kwoze

1 Pedru 5:7

Fatigwanani wan sa anya fagayu ay fagafanawaun, aroro kanya wan takesug ayu.

Alubad. 55:22

Fadasugi sas Yawi am ngay fagabyatanun, ay kanya gfalyam, ay gtabanan gbakvd emu. Ay kabavn Dius di gfabayan ay di gfababawan ngay taw at matuyan.

Mateu 6:8

Ay lag am gfaning takatanya fag ngay taw, aroro ay Mama nasaful wan nusnge wain ay fagayudanun fagayu gina am gaetun sa anya.

Eremyas 33:3

“Darangini sa angku ay gbalus au emu, ay namoyung au sa emu nusnga setaw at madulo ay at masuksuk am fagyudun yay saful.

Fangatulun 16:3

Fatigwanani sas Yawi fagayu am fagnamakamulunun, ay am ngay algan umfasludan.

Alubad. 62:8

Dius at ngay taw, afanudi sa anya kabavn! Ay fasurei sa anya fagayu ay namatangan, aroro kanya wan tagdiri ayu.

Kulusas 4:2

Fataglayuni nu mafandarangin am, ay fasfuani mafalganani ay useganani.

Efesu 6:18

Ay kaduge am gfakamulun katanya, kabavn darangini siginan at Masine fag Falad at gubuk. Darangini fagayu ay fagdaranginun. Ay darangini tua gugat Dius at nafili fag ngay taw.

Kulusas 3:17

Ay fagayu ay fakamulun, ay anggan ay longan, fakamuluni sa tam Fun Isus at ngayan, ay siginan anya useganani sas Dius tam Mama.

Lukas 18:1

Isus nafansulitan sat ngay tagadal sabaliwa sik faydayuanan, laman kanya fagayu wa kamomuy ay wa kalufuy gdarangin.

Lukas 12:22

Sanya ginan, Isus nalong sat ngay tagadal te, “Lag am gafanawa te, daginan ban ay fakonun, ay ay lanbung.

Alubad. 51:15

Ku Fun, foyungi angku ngay longan, laman gfauseganan ktua emu.

Kulusas 3:15

Fabanwani si ay ngay amatanganan fagmanabayanun siginan tam Fun Isus. Aroro siginan at nauroan ayu, antap am te, tam Fun Isus am at bilug at ngay afud. Ay kabavn useganani.

1 Samwel 30:6

Dabid maksvn nu gafanawa, aroro at ngay tagfawayan kadotama anya, ay e algan namana anya gang. Kanya fagayu maksvn nu kabalu aroro natabanan wan at mesa talnayan. Dewa katanya, at Dius Yawi nafabitsug at amatanganan.

Efesu 5:20

Kabavn fauseganani tam Dius tam Mama aroro sas fagayu nusnge wain, siginan tam Fun Isus at ngayan.

Alubad. 55:17

Galay balabag ay swabilug menit anggan sfafun, gfoyung au gugat ku ngay fagidapun, ay gfandeng au laman get gubuk sas Yawi. Ay kanya gbalus tua angku.

Lukas 10:41

Tam Fun nabalus anya te, “Marta, Marta, ngayu am fagafanawaun ay am fagasalaganun.

Lukas 18:7

Anggan tam Dius ggubuk at filian fag taw nu guro sa anya fagngabak menit ay fagngabak yabi, o kin? O Dius gfadugean nu ggubuk?

Mateu 10:19

Ay nu nataban ban ayu, lag am gafanawa te, tain siring ay longan, ay nataw ay foyungan. Aroro ginanya ban e gfamatanganan ayu sik longan at masine, laman ban e foyungan tuam sanya fag ngay taw.

Fangatulun 15:8

Yawi kauri way at mauri fag ngay taw at fanggalangun, dewa katanya, kaylat tua at matuyan fag ngay taw at darangin.

Lukas 12:29

“Lag gafanawa sabaliwa ay fakonun ay ay fanginum.

1 Samwel 1:15

Ay Ana gbalus te, “Duan, kwa galangu, kwa batang ginum nusnge wain fag fanlangu. Ku fakataun tuy gfatigwanan kway sas Yawi ku fagidapun si ku amatanganan.

2 Kurintu. 1:11

siginan ay darangin at gubuk. Nu katanya, ngayu ban tagseg Dius aroro nafon tua sa emi nusnga setaw at masine, at famalus ay ngay darangin.

1 Kurintu 7:32

Ku fakaylatun nu ddi am e fagafanawaun. Sik mangama yud e mangena at fagamatanganun sa tua baliwa tam Fun, aroro kanya kaylat gfauseganan tam Fun.

1 Pedru 4:7

Fagayu nusnga setaw gakatabuun wan. Nu katanya, malukmei tua, ay kabavn famasinei ay amatanganan laman mafalganan tuam gdarangin.

Mateu 13:22

Ay at kintong fag ngay bvtang sas wa makmak at madugi, kata ngay taw at nadungug Dius at Longan, ay dewa katanya, kanya fagayu gafanawa way at leleg ste swa daga, ay kesug way at fagmaramramanun, ay kanya nafaut at nadungug fag longan, ay wa narawvg.

Daniel 3:16

Kanya fag tulu nabalus te, “Em fun, wami e fagmalongun sanya baliwa.

2 Krunika 32:20

Ay fun Esekyas ay taglong Isayas, Amus at baguama, nadarangin sas Dius tagsis banwa.

1 Samwel 7:12

Sanya ginan, Samwel nabul sik gang ay nafasis wabilug Mispa ay Sen. Ay kanya nafangayan kafag gang te, Ebeneser, aroro kanya nalong te, “Dasug katsi, Yawi ggubuk tua emi.”

Sulumun at Alubad 2:14

Kata o sik labikung gsuksuan sis baltak gang. Falagi sa angku am kamatan at masine, ay fadungugi yangay sa angku am aringang at maluayan.

1 Kurintu 7:21

Nu sik fagsuguan o gina Dius guro emu, lag o gamatangan ya. Dewa katanya, nu e buknga tuo kalfas, ugatani laman umkalfas o.

1 Fun 8:28

Dewa katanya, Yawi, ku Dius, dungugani angku, am fagsuguan, nu get au gfainfanyuan sa emu katsi.

Eremyas 32:16

Ay nu nafon kwan em nasadian sas Baruk, Nerya at baguama, nadarangin au te,

Daniel 6:10

Ay Daniel nu nasaful te, fun Daryu nawat wan kafag faugali, kanya noli sat bale ay nasakbo sa tiba tungud fag salug. Sanya at fagbanawanan gsalubang sas Erusalem. Ay Daniel natudan ay gdarangin sas Dius tulu ginan sik menit, kata at fakamulun gugat.

Mateu 6:34

Aroro katanya, lag gafanawa katsi te, ‘Tain ban balabag?’ Balabag ya ban nu gamatangan am tiba. Lag gfamut ay fagafanawaun katsi.

1 Timuteu 2:1

Taguna, gfalukmeanan au sa ayu te, darangini laman sas fagayu taw. Fadasugi sas Dius ay ngay fagetun laman sa anya fagayu, ay useganani.

1 Timuteu 5:5

At matuyan fia fag fagbubayun, at yud e kalongan ya, ay siginan way langs Dius at fagsegun, ay kanya gdarangin kayu menit ay yabi laman get gubuk sas Dius.