Filipus 4:17 - Fanawbuid tagsibaliwas Fakayabian

¹⁷ Dewa katanya, kwa grvbvy ay famonun, nu bunway kaylat au gyalagun ay fakamulun at masine nu kafamut.

Filipus 4:17 Referans Kwoze

Titu 3:14

Ay foyungi sa tam ngay faduksay te, fakamuluni tua at masine laman fagayu di e gayudan, ay laman ban di nfangulan ay leleg.

Ebreu 6:10

Dius matuyan tua. Nu katanya, kanya di ban kalyam ay nafakamulun ay nu kesug am anya, ay dasug katsi gfataglayun tuam gfalag takatanya siginan nu ggubuk am at nafili fag ngay taw.

Uan 15:8

Gfafauseganan am ku Mama nu ngayu tua ay rawvg, ay nu katanya tua, gfatuyan am te, am wan ku ngay tagadal.

1 Pedru 5:2

Alagai Dius at ngay tupa tagsi ayu. Dangay am gafabulunan, nu bunway useganani tua fia sa ay amatanganan, ay bunwa te, aroro kaylat am gyabulun salapi. Katanya tua Dius at fakaylatun.

Titu 1:7

At masine sik fagtainan di e kafoyung te, mauri, aroro kanya sik fagfatigwanan Dius at fakamulun. Ay kanya di kamabatun, ay di gfangadotama, ay di glanguan, ay di kamawayan, ay di gfangalabian salapi.

Filipus 4:11

Dewa au glong sa ayu takatanya, kwa grvbvy ay fanggubukun. Annanad kwan guseganan nusnga setaw tagsi angku.

1 Tesalunika 2:5

Saful wam te, em fakamoyungun bundi siginans famaylatan fag longan ay bundi siginans famuagan fag foyungan laman kae ramraman ami. Dius wan tagfatuyan takatanya.

2 Kurintu. 9:5

Nu katanya, nafaguna kwan sanya tiba tam faduksay, laman namalganan ay famonun kata ay fatuyanan. Nu katanya, gafanud au te, mafalganan wan ay famonun, ay siginan takatanya ay famonun ay nafalganan tua, ay diam nafabulunan.

Ruma 15:28

Ay gina kban nanamuba ku nalong ayu fag fanggubukun sa tam ngay faduksay sis Erusalem, gdalan kban sa ayu gina au sas talun Espanya.

Uan 15:16

Bunwam at nafili angku, nu bunway nafili au ayu laman glo am ay grawvg am, ay laman ay rawvg gbanwan kabavn. Ay ku Mama namon ayu nusnge wain ay fagetun sa ku ngayan.

2 Kurintu. 11:16

Gdog kyay glong sa ayu te, nusnga sinu am, lag am gamatangan te, au kata kway at yud e amatanganan. Ay dewa katanya, nu katanya wan ay amatanganan, gfaning kwan laman anggan au kamatungudun kwan kata sik yud mamatanganan fag taw.

Malakyas 1:10

Yawi at Mabalyanan nalong yay fia te, “Am tua ban nangus at sadi tagdingding ku sakbawan bale, laman wam namae afuy sas fagirugan nu dway matuyan! Dewa katanya, kwa guseganan ayu ay kwa kaylat ay ngay fanggalangun sa angku.

Fangatulun 19:17

Nu ggubuk tuo at maidap fag taw, kata nu nafaulbus o sas Yawi, ay Yawi ban gfafoli sa emu.

Udas 1:11

Afanyuan kafag ngay taw! Aroro kanya fagayu nafaning Kain at fakamulun; ay maksvn nu galabian salapi kata Balaam; ay kamabo kata Kura. Nu katanya, kafag ngay taw umfaurianan yangay ban.

2 Pedru 2:3

Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.

1 Timuteu 3:3

ay di glanguan, ay di gfangagras nu bunway malukme tua, ay di gfangalabian salapi,

Filipus 1:11

ay anggan si tua ayu tam Fun Isus at fon at masine fag ugali, laman gfae fagmasineun ay gfauseganan Dius.

Mikas 7:1

Mikas nalong te, “Afanyuan au! Kata au sik taw takalunus ay tagrvbvy wat ubas at rawvg, ay fun kayu igus at ngay rawvg at sawad, dewa katanya, kwe nalag nusdi sadik rawvg.

2 Pedru 2:15

Kanya nasaruy at matuyan fag dalan ay nafaning Balaam, Beur at baguama, at ugali. Ay kaylat gbul famayad laman namakamulun at mauri.

1 Timuteu 6:10

Aroro fakesugun salapi, kanya wan fagsigadan fagayu fagmauriun. Tibak taw naubun wan at fagafanudun aroro kesug salapi, nu katanya, ngayu at fakabaluun.