Filipus 4:1 - Fanawbuid tagsibaliwas Fakayabian

¹ Nu katanya, ku fakesugun ku ngay faduksay, faksvni ay fagmasadiun sa tam Fun. Gyalagun au ayu. Am wan ku fagusegananun ay ku fakamatungudunun.

Filipus 4:1 Referans Kwoze

Filipus 1:27

Nu katanya, ugatani nu gfaning am tam Fun Isus at Masine fag Barita. Aroro, nu katanya tua ay fakamulun, umdasug kman sanya ay duan, antuyan kwa fia te, takadungug si ayu maksvn nu masadi am ay nu ggudgubukan am gfabadbaboan laman ban tibak taw gafanud sat Masine fag Barita,

1 Kurintu 16:13

Mafalganani tua ay maksvni ay fagafanudun, magarasi tua ay mabakvdi.

Filipus 2:16

kaduge am gbakvd tagfon leleg fag longan. Ay nu katanya tua ay fakamulun, e fakamatungudunun kban gina tam Fun Isus gdog kafoli, aroro saful au te, di ban umfangulan ku ngay nafakamulun sa ayu.

Alubad. 27:14

Afanudi sas Yawi! Faksvni ay amatanganan, ay dangay kamomuy. Afanudi tua sa anya!

1 Kurintu 15:58

Nu katanya, ku fakesugun fag ngay faduksay, faksvni ay amatanganan, ay dangay glamlamangan. Ay kabavn maseganamai tua nu gfakamulun am tam Fun at fakamulun, dakngani saful am te, wa ban umfangulan fagayu ay nainlufuyan.

Filipus 1:8

Dius nasaful wa te, kesug au ayu fagayu kata tam Fun Isus nu kesug ayu.

Ebreu 10:23

Faksvni tua tam fagsegun ay lag tam gawabilugan, aroro at nafatuyanan sa antam matuyan tua.

Ruma 2:7

Ay Dius ban gfon leleg at yud e fakatabuan, sa sangay taw tagfakamulun tua gugat at masine, laman grvbvy fagmasineun, ay famauseganan, ay fagyudun kabul.

Uan 8:31

Isus glong sa sangay taw Udyu tagafanud sa anya te, “Nu gfataglayun tuam gfaning ku foyungan ayu, am wa fia ku ngay tagadal.

2 Timuteu 2:1

Ay o, ku sisian Timuteu, maksvni tua am amatanganan siginan tam Fun Isus at gubuk sa emu.

Filipus 2:26

Kanya maksvn nu gyalagun ayu, ay kabalu aroro nadungug am te, kanya e fakasaitun.

2 Kurintu. 1:14

deyud am fia togdungug. Fakatanyaun laman ban e fakamatungudunun tuam sabaliwa emi, gina tam Fun Isus andasug fag menit, kata nu kamatungudun ami ayu.

Fakamulun 11:23

Ay Bernabe nu ndasug sanya, guseganan nu nalag Dius at fagmagalangun sa kafag ngay taw. Ay sas fagdaul at amatanganan kanya gfoyung sanya fag ngay taw Dius at longan, laman gfaning tua gugat tam Fun.

Fakamulun 2:42

Ay kanya fagayu gfataglayun tua nu gdungugan Isus at ngay nasugu at foyungan, ay gfataglayun yangay nu nangaful, ay nu kon tam Fun at Yafun, ay anggan nu gdarangin.

Alubad. 125:1

Fagayu tagafanud sas Yawi, di kauig kata Buksul Siun, ay katanya tua gugat.

2 Pedru 3:17

Nu katanya, ku ngay fakesugun, dakngani nasaful wam takatanya, madiriani tua laman ban diam gatabanan at mauri fag ngay taw at foyungan, ay manmomuy ay maksvn fag fagafanudun.

Ebreu 4:14

Nu katanya, dakngani e tiba tungud tam at mabalyanan fag Tagfon Fanggalangun at nasakbo sas banwa, we tiba nu bunway Isus, Dius at Baguama, maksvni tua nu gbakvd tam tam fagafanudun.

Ebreu 3:14

Fagayu tam ansadi watam fia sa tam Fun Isus nu maksvn tua ban gugat nu gafanud tam sa anya sitsigons fakatabuan.

2 Tesalunika 2:15

Nu katanya, em ngay faduksay, bakvdi tua gugat em ngay foyungan, dewa sis longan ay sis rirukan.

Kulusas 4:12

Epafras tagsiginan ayu, tam Fun Isus at fagsuguan at sadi, glong ayu te, O manabayan tuam? Kabavn kanya maksvn nu gdarangin ayu, laman maksvn tua ay matuyan nu gfaning am tam Dius at fakaylatun.

Galasya 5:1

Katsi bunwa tam sik fagsuguan ya, aroro tam Fun Isus nafalfas tua antam. Nu katanya, mabakvdi tua sa ay fagafanudun, ay lag am gdog ya nangafagsuguanan.

Fakamulun 14:22

ay nafaksvn ngay tagafanud at ngay amatanganan, ay nalong te, “Banwani matuyan sa ay fagafanudun.” Ay nalong yangay te, “Dumalan tam ngayuk fagidapun laman Dius gfagtainan tua ban antam.”

1 Tesalunika 3:13

Kanya nangus gfabitsug ay amatanganan laman diam e malong, ay diam e mauri sa tam Dius tam Mama at daga salubangan, gina ban tam Fun Isus gdog andasug, gasfuan at ngay nafili.

Mateu 10:22

Ay ginanya ban fag ngay menit, fagayu ban taw kauri ayu, aroro gafanud am sa angku. Ay dewa katanya at namabakvd sat fagafanudun sitsigons fakatabuan umlangfe tua ban.

Ub 31:36

Ay gfasanan kro kafag rirukan, ay mannga gfasi au ku tungud alfuyu kata sik sangbo, laman namalag au sas fagayu taw te, mafalganan au gsalubang nusnga setaw fag kamatoanan.