Filipus 3:1 - Fanawbuid tagsibaliwas Fakayabian

¹ Ku ngay faduksay, gfataglayun au glong te, useganani sa tam Fun. Kwa kalufuy gdog griruk sa ayu tuy fagayu, aroro sa ay fagmasineun.

Filipus 3:1 Referans Kwoze

Filipus 4:4

Kabavn useganani sa tam Fun. Gdog au glong te, useganani!

Ruma 5:11

Bundi lang katanya, nu bunway guseganan tam sas Dius aroro at nafakamulun siginan tam Fun Isus. Siginan anya, ansadi tua tam sas Dius.

Santiagu 1:2

Ku ngay faduksay, useganani dewa ndasug sa ayu ngayuk famaskud.

1 Pedru 4:13

Nu bunway useganani yakman aroro kataip am sa tam Fun Isus at ngay naidapanan, ay gina ban at fagmasineun ansure, maksvn yangay ban nu guseganan am.

1 Tesalunika 5:16

Kabavn useganani,

Filipus 4:8

Ku ngay faduksay, sat fakatabuan, fabanwani si ay amatanganan at matuyan, ay at mauseganan, ay at yud e kalong, ay at masine, ay at maksvn nu maylat.

1 Pedru 3:8

Katatuy taguyan ku suguan ayu: masadii tua, ay gudgubukani. Ay aroro sik ngay tagfaduksayan am, edkesugani tua, ay adkafanyuani, ay famababauni.

2 Kurintu. 13:11

Ku ngay faduksay, ste way tsigon ku rirukan. Ugatani tua fia sat matuyan. Ay aloi kata em suguan ayu. Masadii tua ay amatanganan, ay banwani manabayan. Nu katanya tua, Dius at fakesugun ay fagmanabayanun si tua gugat ayu.

2 Pedru 3:1

Ku ngay fakesugun, tuy wan at fadua ginan au griruk sa ayu. Nariruk au sa ayu takatatuy laman gugatan au gfulo ay amatanganan sat matuyan siginan ku ngay famamatang.

Efesu 6:10

Ay sas fakatabuan ku longan, maksvni tua nu masadi am sa tam Fun ay siginan at fagmabalyananun at gubuk.

Lukas 1:47

Ay ku falad guseganan sas Dius, ku Tagfalangfe.

Sakaryas 10:7

Ay anggan ngay taw Efraim umkata yangay ngay tagfawayan at mabitsug, ay kanya fagayu umke fagusegananun. Ay at ngay fufu ban gamatang at nababoan, ay guseganan sa ku ngay nafakamulun.

Sefanias 3:17

aroro Yawi gufud tua ayu. Kanya kata sik maseganama fag tagfawayan at namalangfe ayu. Yawi guseganan ayu ay aroro kesug tua ayu, kanya gfon ayu sik bagu fag leleg. Kanya galubad guseganan laman sa ayu,

Sefanias 3:14

Sefanyas glong te, “Ngay taw Israel, useganani uroi! Ay am fag ngay taw tagbanwan sis Siun, fag furuan Erusalem, alubadi ay useganani sas fagdaul ay amatanganan!

Uel 2:23

Am fag ngay taw tagbanwan sis Siun, useganani sa tam Dius Yawi, aroro nafadasug sa ayu taguna fag arak laman gfalag te, matuyan. Kanya gfadasug tua gugat taguna ay taguyan fag arak kata ebi ginan.

Alubad. 37:4

Useganani sas Yawi, ay kanya gfon emu am fakaylatun.

Alubad. 32:11

Am at matuyan fag ngay taw, useganani sas Yawi! Am, tagugali at matuyan, uroi useganani!

Ub 22:26

Ay nu katanya tua, Dius gfae fagmanabayanun emu, ay di o kapla nangakbang anya.

1 Krunika 29:22

Ay ginanya fag menit kanya fagayu maful guseganan gfangon ay gmamaman sis Yawi at daga salubangan. Ay sanya ginan, kanya fagayu gdog yay gfoyung te, Sulumun, Dabid at baguama, sik fun ay naugwag sas Sulumun langis sis Yawi at daga salubangan laman sik fun, katanya yangay at nafakamulun sas Saduk laman sik tagfon fanggalangun.

Filipus 3:3

Amatangani te, itam wan Dius at ngay sisian, ay gseg tam anya siginan at Masine fag Falad, ay guseganan tam aroro siginan tam fagmasadiun sa tam Fun Isus, ay tam fagsegun bunwa siginans taw at faugali.

Mateu 5:12

Useganani ay aylati dewa katanya, aroro ngayu ban Dius at fon ayu sas banwa at maksvn nu masine. Aroro katanya yangay nu e gfauri Dius at ngay taglong at naguna ayu.

Isayas 61:10

Guseganan au sas Yawi ku Dius, aroro kanya nafalangfe tua ay nafae fagmatuyanun angku, kata nu nafae lanbung angku. Ay ankata au sik mangama at nangadadwa at ke lanbung masine kata ngay tagfon fanggalangun, ay kata yangay sik mangena at nangadadwa at mafasinean.

Isayas 41:16

Nanlayap o laman umlayug, ay sik maksvn fag tagmara namarapyag. Ay dewa katanya o nanguseganan tuo sas Yawi, ay nanseg tuo Israel at Dius at yud e Malong.

Alubad. 149:2

Ngay taw Israel, useganani sa ay Takawat, Ay am fag ngay taw tagbanwan sis Siun, useganani sa ay Fun Dius.

Alubad. 97:1

Yawi gfunan, nu katanya, fagdaul daga ay fagayu furu tagsis swabilug dagat, useganani anya.

Alubad. 42:4

Gidapan au gamatangan nu namatang kway ebi gina au gfangguna ngayuk taw taglao sam bale, laman nangalubad ami nanseg ay nangudguroan namauseganan emu.

Alubad. 5:11

Dewa katanya, guseganan tua nangus fagayu tagseg emu. Ay kabavn galubad tua guseganan. Dirii fagayu takesug emu laman kanya fagayu guseganan maksvn.

Nemyas 8:10

Ay Nemyas nalong yangay te, “Useganani, oni at mataba fag ngay fakonun, ay inumi at mayayum fag ngay fanginum. Ay foni fakonun sat yud e fakonun, aroro tuy fag menit sik nafalganan sa tam Fun. Lag am gafanawa, aroro Yawi at nafon sa ayu fag fagusegananun, tagfaksvn tua ayu.”

1 Krunika 16:10

Segi anya, tam Dius at yud e malong. Fagayu am at kinkakbang sas Yawi, useganani tua.

1 Krunika 15:28

Ay ngay taw Israel guro guseganan gbuba Fagsuadan Yawi at Nasadian ay gfawang ngay budyung, fagfadkalinganun, ay gfawang yangay ngay fagfawangun ke ngay bakyang.

1 Samwel 2:1

Sanya ginan, Ana gdarangin te, “Guseganan au sas Yawi! Aroro sat nafakamulun, nafalyam tua ku fakaplaun. Katsi kase ktua sa ku ngay fawayan. Guseganan au aroro kanya nafalangfe tua angku.

Deuterunumyu 16:11

Ay nanguseganan am sa ay Dius Yawi at daga salubangan, sit nafili fag buknga nu inda nu gfauseganan am anya, gasfuan ay ngay sisian, ay ngay fagsuguan, ay ngay taw Lebi tagbanwan si ay ngay furuan, ngay betaw, at yud e fagtainan ya, ay anggan ngay fagbubayun tagbanwan si ay furuan.

Deuterunumyu 12:18

Nu kon ban am takatanya fagayu sa tua ban am ay Dius Yawi at daga salubangan si ban at nafili fag afud talun, gasfuan ay ngay sisian, ay ngay fagsuguan, ay anggan ngay taw Lebi tagbanwan si ay ngay furuan, sanyai yangay ban nu namauseganan am ay Dius Yawi sis fagayu ay fakamulun.

1 Tesalunika 4:1

Em ngay faduksay, ebi nafoyung ami sa ayu te, fakamuluni at mauseganan sas Dius, ay nafakamulun tuam takatanya. Katsi, gurungan ami glong ayu te, sa tam Fun Isus at ngayan, faugati yap takatanya ay fakamulun.

Isayas 65:14

Ku ngay fagsuguan ban galubad tua guseganan, dewa katanya am ban gwayway wayam kabalu ay gidapan ay ngay amatanganan.

Alubad. 33:1

Am fag ngay taw at matuyan, alubadi useganani sas Yawi! Masine nu gfakamulun am takatanya.