Filipus 2:16 - Fanawbuid tagsibaliwas Fakayabian

¹⁶ kaduge am gbakvd tagfon leleg fag longan. Ay nu katanya tua ay fakamulun, e fakamatungudunun kban gina tam Fun Isus gdog kafoli, aroro saful au te, di ban umfangulan ku ngay nafakamulun sa ayu.

Filipus 2:16 Referans Kwoze

1 Kurintu 9:26

Nu katanya, gtarung au sat matuyan fia fag fakadasugan. Ay kata sik taw tagawean tagfalang at daluap sat usama, nu gfugfug au, kdi gfasas tagmara.

Galasya 2:2

Anfoli kway sas Erusalem aroro Dius nafasaful angku te, sanyai fag furuan. Ay gina au sanya, nafayamag au sa sangay tagfangguna sabaliwa at Masine fag Barita ku nafoyung sas yud Udyu fag ngay taw. Ay nafakamatoan au anya fagayu gina yud sanya tibak taw, aroro kwa kaylat nu dway ban e tungkul ku nainlufuyan at kinlangfe ay anggan katsi.

1 Uan 1:1

Griruk ami sa ayu em nadungug sabaliwa Tagfon leleg fag Longan. Ay siginans fakasigadan kafag Longan sanya wan, ay nadungug ami fia, ay nalag ay nated anya.

2 Kurintu. 1:14

deyud am fia togdungug. Fakatanyaun laman ban e fakamatungudunun tuam sabaliwa emi, gina tam Fun Isus andasug fag menit, kata nu kamatungudun ami ayu.

Uan 6:68

Ay Simun Pedru gbalus te, “Em Fun, dada ban em fagnangakbangan? Ay si wa emu ngay longan tagfon leleg yud e fakatabuan.

1 Tesalunika 3:5

Ay aroro kwa magwanta ya, nasugu au sa ayu Timuteu laman gfadungug emi sabaliwa nu gafanud am. Ay namatangan au te, manafaylatan am Satanas, nu katanya, umfangulan ban em nainlufuyanan.

Uan 6:63

At Masine fag Falad tagfon leleg, ay we taw mafafakamulun takatanya. Ku ngay foyungan ayu siginan at Masine fag Falad, ay kanya wan tagfon leleg.

Lukas 12:8

“Ay glong au ayu te, nusnga sinu tagfoyung sa tiba te, ‘Gafanud au sas Isus,’ anggan au, Taw at Baguama, gfoyung kyangay ban sas Dius at ngay tagbarita te, ‘Kanya ku taw.’

Ebreu 4:12

Dius at Longan gleleg ay maksvn tua ay amaglat yap tua sik fiso tagsumbalian at uyup. Kanya gurus antam ay gtalfus sa tam falad ay sa tam amatanganan ay anggan sa tam ngay lufuan ay tam basad bini, ay saful yangay ngay taw at amatanganan ay at ngay algan.

1 Pedru 1:23

Nadog am ansalug, bundi siginans taw at fakamulun, nu bunway siginan tua tagleleg ay yud katabu fag Dius at Longan.

1 Tesalunika 2:19

Aroro am wan em fagsegun, ay em fagusegananun ay em fakamatungudunun em foyungan ban sa tam Fun Isus at daga salubangan gina ban anfoli.

Galasya 4:11

Nu katanya, gafanawa au te, fangulan way ban manga ku ngay nainlufuyan laman sa ayu.

Isayas 49:4

Ay nalong au te, “Ku ngay nagdalanan fag fagidapun we fanambagun; nafangulan kway ku fagmabitsugun.” Yawi nafalganan wan at fagnamonun sa angku tagalvngvdan ku nafakamulun.

Alubad. 71:17

Dius, siginan nu masisian au nafoyung o sa angku sabaliwa am ngay nafakamulun at madulo. Ay dasug katsi gfoyung kyay gugat sa sangay taw sabaliwa am ngay nafakamulun at madulo.

At Nafasure 22:17

At Masine fag Falad ay Tupa Riangan at bubay glong te, “Gewan.” Ay fagayu at nadungug tuy at masine nu glong yangay te, “Gewan.” Ay nusnga sinu takadanum, akbangi, ay nusnga sinu takaylat, buli at yud e famayad fag mamam tagfon leleg.

Fakamulun 13:26

“Em ngay faduksay, Abrayam at ngay kasugfunanan ay am at yud Udyu fag ngay taw tagfaning Dius, sa antam at fagfonan kanya fag barita sabaliwas fakalangfean.

Mateu 10:27

Ay fagayu ku longan ayu sis dulum, longi sis mayamag, ay ku naibugan sa ayu, foyungi laman fagayu taw dumungug.

Alubad. 40:9

Nafoyung au sam ngay taw am fagmatuyanun. Yawi, saful way o te, kwa gfaragang nu gfoyung au takatatuy.

1 Kurintu 1:8

Kanya yangay tagbakvd ayu sitsigons fakatabuan, laman ban diam e malong gina ban tam Fun Isus kafoli fag menit.

Filipus 1:6

Natuyan au te, Dius at nafasigad sa ayu fag fakamulun at masine, kanya ban gfataglayun yakmay tam Fun Isus anfoli.

Filipus 1:10

laman saful tuam gfili fagayu at masine. Nu katanya tua ay amatanganan, diam e malong ay diam e fagmauriun gina ban tam Fun Isus andasug fag menit,