Filipus 2:12 - Fanawbuid tagsibaliwas Fakayabian

¹² Nu katanya, ku fakesugun ku ngay faduksay, kata ebi nu gfaning am gugat ku ngay foyungan ayu, faugati yap nu gfaning am deyud au sanya. Alimui tadtaruyani nu gugatan am gfakamulun at masine yakmay am antuyan te, masadi wam,

Filipus 2:12 Referans Kwoze

1 Kurintu 15:58

Nu katanya, ku fakesugun fag ngay faduksay, faksvni ay amatanganan, ay dangay glamlamangan. Ay kabavn maseganamai tua nu gfakamulun am tam Fun at fakamulun, dakngani saful am te, wa ban umfangulan fagayu ay nainlufuyan.

Ebreu 4:11

Nu katanya, masine nu gugatan tua tam nangadasug sanya fag fagfiangalayan, laman ban di tam umkata ebi fag ngay taw at nafamabo.

1 Pedru 2:11

Ku fakesugun ku ngay faduksay, maksvn nu glong au sa ayu te, am takata sik ngay betaw tagbanwan ste swa daga, ubuni wan ay mauri fag fakaylatun tagfawayan ayu.

Mateu 11:29

Folii sa ayu ku fantungud liug, ay faningi fagayu ku foyungan ayu, aroro mafanyan ktua ay malukme, ay gfafiangalay ayu.

Filipus 1:27

Nu katanya, ugatani nu gfaning am tam Fun Isus at Masine fag Barita. Aroro, nu katanya tua ay fakamulun, umdasug kman sanya ay duan, antuyan kwa fia te, takadungug si ayu maksvn nu masadi am ay nu ggudgubukan am gfabadbaboan laman ban tibak taw gafanud sat Masine fag Barita,

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

2 Pedru 3:18

Fataglayuni nu kaksvn am si tam Fun Isus tam tagfalangfe at fagmagalangun ay at fagsafulun. Si wa anya fagmasineun katsi ay kabavn ban. Anud.

Ebreu 5:9

Ay kanya nu nafakamulun wan takatanya, kanya nafon tua at yud e fakatabuan fag fakalangfean sas fagayu taw tagfaning anya.

2 Timuteu 2:10

Ay nu katanya, gagwantan au fagayu nusnge wain laman sas Dius at nafili fag ngay taw, laman siginan tam Fun Isus kanya fagayu umlangfe ay mul at yud e fakatabuan fag fagmasineun.

Fangatulun 13:4

At mamomuy fag taw wa mabul at ngay fakaylatun, dewa katanya, at maseganama fag taw, at fagmafabulun gtungud yay at ngay naylatan.

Ebreu 4:1

Dius nafatuyanan sa antam te, manangadasug tua ban tam sat fagfiangalayan. Nu katanya, masine nu mafalganan tuam gugat laman ban nusdi sadi si ayu diam yud umdasug sanya.

Ebreu 12:1

Nu katanya, dakngani maligung tam ngayuk taw tagfatuyan, gubun watam fagayu tagsalag antam ay tam asalanan tagfatawad gugat antam, ay gugatan tua tam gfataglayun gafanud, kata nu ggudgunan tam.

Filipus 4:1

Nu katanya, ku fakesugun ku ngay faduksay, faksvni ay fagmasadiun sa tam Fun. Gyalagun au ayu. Am wan ku fagusegananun ay ku fakamatungudunun.

Ruma 2:7

Ay Dius ban gfon leleg at yud e fakatabuan, sa sangay taw tagfakamulun tua gugat at masine, laman grvbvy fagmasineun, ay famauseganan, ay fagyudun kabul.

1 Tesalunika 1:3

Ay guseganan ami sa tam Dius tam Mama at daga salubangan galay ami namatang ay ngay nafakamulun siginan ay fagafanudun, ay anggan ay nafakamulun at masine siginan nu mafangesug am, ay nu gagwantan am siginan ay fagsegun sa tam Fun Isus.

Filipus 1:29

Dius nu gfon sa ayu at fagmabalyananun gfaning tam Fun Isus bundi lang siginan ay fagafanudun nu bunway siginan yangay ay fagagwantanun aroro sa anya.

Alubad. 119:120

Gtadtaruyan au kalimu emu, kalimu au am fagnamakamulunun fag ngay faugali.

Alubad. 2:11

Fakamuluni at ke fakalimuun sas Yawi, ay fauseganani sa anya.

2 Kurintu. 7:15

Titu maksvn nu kesug ayu, kaugat wan nu namatang way sabaliwa nu mafamaning am, ay nu namatang yangay ay nafasakboan anya, ay nu kesug am anya.

1 Kurintu 2:3

Ay gina au glao sa ayu, mamomuy kway ay kalimu ay gtadtaruyan.

Efesu 6:5

Ngay fagsuguan, faningi tua ay ngay tagfayafun sas fagdaul ay fagmasuyuun. Faningi ay matuyani kata nu gfaning am tam Fun Isus.

Isayas 66:5

Fagayu am tagfaning Yawi at longan, dungugani at ngay foyungan: “Aroro matuyan tuam sa angku, ay ngay iba ankuri ay naiyan ayu. Kanya fagayu gfalingun glong te, ‘Yawi nangus gfalag wan sa ayu at fagmabalyananun laman lumag ami nu guseganan am!’ Kanya ban fagayu umkapla way.

Fangatulun 10:16

At fon sat matuyan fag taw, at mabayan ay tangaba tua fag leleg. Dewa katanya, at fon sat mauri fag taw, faurianan way.

Mateu 11:12

Ay siginan Uan Tagfasurung nu nanfamoyung dasug katsi, Dius at fagfagtainanan anke maidap siginan tagfangauri fag ngay taw tagugatan gasanyaun ay gfabulun gagoan.

Esra 10:3

Nu katanya, katsi, gfatuyanan ami te, gfaning tua ban ami am ngay foyungan sa emi, ay gfaning yangay ban mi ngay tagfaning tam Dius at ngay suguan. Nangawat ami sik nasadian sa tam Dius te, gaiyan wami em ngay mangena tagsiginan tibak gaban taw anggan at ngay sisian. Ay namaning ban mi tam Dius at Faugali.

Filipus 1:5

aroro siginan nu bagu am gafanud dasug katsi, ggubuk tuam kamoyung at Masine fag Barita.

Fakamulun 9:6

Alindugi, ay loi sas furuan, ay sanya ro e gfoyung emu am fakamulun ban.”

Filipus 2:19

Gseg kwa fia te, tam Fun Isus nu kaylat, gsugu au sa ayu Timuteu laman sumaful au ngay barita sabaliwa ayu laman gfaksvn ku amatanganan.

1 Kurintu 4:14

Ku fagnarirukun takatatuy kwa namapla ayu, nu bunway gfararang kway sa ayu, aroro am wan ku fakesugun ku ngay sisian.

Filipus 4:15

Nasaful wam gina am gfasigad gafanud sat Masine fag Barita ay gina au glao sanyaginans Masidunya, am yay lang at kinsadi sa ku fagidapun siginan nu gfon am ay fanggubukun sa angku.

Fakamulun 16:29

Ay tagulit get salung ay gtadtaruyan nangakbang ay namalub sas Pablu ay Silas at daga salubangan.

Filipus 1:6

Natuyan au te, Dius at nafasigad sa ayu fag fakamulun at masine, kanya ban gfataglayun yakmay tam Fun Isus anfoli.