Filipus 2:11 - Fanawbuid tagsibaliwas Fakayabian

¹¹ ay kanya fagayu gfoyung te, Isus tam Fun, laman gfauseganan Dius tam Mama.

Filipus 2:11 Referans Kwoze

1 Uan 4:15

Nusnga sinu fag taw tagfoyung tua te, Isus tam Dius at Baguama, Dius gbanwan si anya ay kanya gbanwan yangay sis Dius.

Ruma 14:11

Aroro at Rirukan nafoyung wa te, “Tam Fun nalong te, ‘Au, tagleleg fag Fun, gfatuyan au te, fagayu ban taw nangalub sa ku daga salubangan, ay galay ban at sadi gseg angku.’ ”

Uan 13:13

Nafangayan am angku te, Takamoyung ay ay Fun, anud, matuyan ay nalong.

1 Uan 4:2

Katatuy ay fagsafulan te, Dius tua at Falad tagbanwan si sik taw: kafag taw nu gfoyung tua te, Isus andasug ste swa daga kata fia sik taw. Kanya at falad siginan fias Dius.

Ruma 14:9

Aroro tam Fun Isus at faginbulun ay at fagnadogun naleleg laman kanya wan at ngay tagleleg ay at ngay mabulan at Fun.

1 Kurintu 12:3

Nu katanya, gfasaful au sa ayu te, Dius at Masine fag Falad nu gbanwan tua sas nusnga sinu fag taw, kanya fag taw di glong te, “Fagumfaurianan Isus.” Ay at Masine fag Falad nu dway nafamatanganan sik taw, kanya wa malong te, “Isus tam Fun.”

Uan 14:13

Ay nusnge wain ay fagetun sa ku ngayan, gfakamulun au laman au, at Baguama, gfalag au sa sangay taw te, ku Mama mabalyanan.

1 Pedru 1:21

Aroro siginan anya gafanud tuam sas Dius, at nafadog nafaleleg ay at nafauseganan anya. Nu katanya, e fagafanudun tuam ay e fagsegun sas Dius.

1 Kurintu 8:6

nu sa antam sadi way tam Dius tam Mama at nawat fagayu nusnge wain, ay gleleg tam laman gfaning tam anya. Ay sadi way tam Fun, Isus, ay siginan anya ankawat fagayu nusnge wain, ay siginan yangay anya tam fagelelegun.

At Nafasure 3:5

Nusnga sinu ban at nababo umke lanbung yangay malaksi, ay kdi ban grarus at ngayan sis fagrirukan at ke leleg tua ban kabavn. Nustua gfoyung kban sa ku Mama ay sat ngay tagbarita at daga salubangan te, kanya ku taw.

Mateu 10:32

“Nusnga sinu tagfoyung sa tiba te, ‘Gafanud au sas Isus,’ gfoyung kyangay ban sa ku Mama sas banwa te, ‘Kanya ku taw.’

Fakamulun 10:36

Ay nasaful wam sabaliwa at Masine fag Barita, Dius at nafoyung sa emi fag ngay taw Israel te, ngay taw umke fagmasadiun sas Dius siginan nu gafanud sas Isus, Dius at nafili fag Fun, kanya wan fagayu taw at Fun.

Fakamulun 2:36

Nu katanya, ngay taw Israel, masine nu gsaful am te, ay nafabul fag Isus sas fasulungan kayu, sia wan Dius at nafili laman tam Fun.”

Uan 9:22

At fagtainan at fagnalongun katanya, aroro kalimu taw Udyu at ngay tagfangguna, aroro kanya fagayu ansadi te, aiyani wan siginans bale fakafulan nusnga sinu tagfoyung te, Isus, Dius at nafili fag Fun.

Uan 5:23

laman fagayu taw gseg angku, at Baguama, kata nu gseg ku Mama. Nusnga sinu at yud gseg angku, at Baguama, wa yangay gseg ku Mama, at nasugu angku.

Alubad. 110:1

Yawi nalong sa ku Fun te, “Gewan, malunggung o si ku siun baliwa yakmay kban nafababawan ay nafasam daga darafa am ngay fawayan.”

2 Uan 1:7

Ngayuk tagfandaya nalo sas fagdaul daga. Kanya fag ngay taw at yud gafanud te, Isus ansik taw. Ay kanya fagayu gfandaya ay gfawayan tam Fun Isus.

1 Kurintu 15:47

Taguna fag taw tagste ginan ways daga aroro at fangawat anya daga way, ay dewa katanya, at faduak taw siginan tua sbanwa.

Ruma 15:9

ay kanya ndasug yangay laman ban at yud Udyu fag ngay taw gseg tua Dius aroro sat fakafanyun. Kata at Rirukan te, “Gfauseganan au emu sis salubangan yud Udyu fag ngay taw, ay galubad au sa emu.”

Uan 20:28

Ay Tumas nalong te, “Ku Fun ay ku Dius.”

Uan 17:1

Isus nu nafoyung wan takatanya, natangda sas banwa ay nalong te, “Mama, andasug wan at buknga. Fauseganani angku, am Baguama, laman namauseganan kyangay emu.

Uan 12:42

Dewa katanya, ngayuk taw Udyu at tagfangguna at nafanud sa anya, ay kanya fagayu wa gfasaful sas nusnga sinu aroro kalimu te, ngay taw Fariseu manangaiyan ban anya fagayu siginans bale fakafulan,

Lukas 2:11

Aroro katsi ay Tagfalangfe ansalug wan sis fun Dabid at furuan, ay kanya tam Fun, Dius at nafili.

Eremyas 23:6

Ay gfangayan ban kanya fag fun te, ‘Yawi wan Tam Fagmatuyanun.’ Ay ginanya ban Uda umlangfe, ay umke fagmanabayanun sas fagdaul talun Israel.

Alubad. 18:49

Nu katanya, gfauseganan au emu sa sangay talun at ngay taw. Yawi, galubad au sik ngay alubad tagfauseganan emu.

Uan 14:23

Ay Isus glong te, “Takesug angku gfaning tua ku longan, ay ku Mama kesug anya, ay gbanwan ami magamut si anya.

Uan 13:14

Au, ay Fun ay ay Takamoyung nu nafegus ktua ay darafa, anggan am fedfegusani tua ay darafa.