Filipus 1:8 - Fanawbuid tagsibaliwas Fakayabian

⁸ Dius nasaful wa te, kesug au ayu fagayu kata tam Fun Isus nu kesug ayu.

Filipus 1:8 Referans Kwoze

Filipus 4:1

Nu katanya, ku fakesugun ku ngay faduksay, faksvni ay fagmasadiun sa tam Fun. Gyalagun au ayu. Am wan ku fagusegananun ay ku fakamatungudunun.

Ruma 1:9

Gfaning au Dius sas fagdaul ku fakaylatun nu kamoyung au at Masine fag Barita sabaliwa at Baguama. Ay Dius nasaful wa te, gdarangin au gugat ayu,

2 Timuteu 1:4

Galay au namatang nu gwayway o, maksvn nu gyalagun emu laman guseganan au.

1 Tesalunika 2:8

Guseganan ami gfoyung Dius at Masine fag Barita sa ayu, aroro maksvn nu kesug ami ayu. Bundi lang kanya, nafon wami sa ayu anggan em leleg.

Ruma 9:1

Siginan ku fagmasadiun sa tam Fun Isus, garingang au at matuyan ay kwa kamuag. At Masine fag Falad gfatuyan sa angku te,

Filemun 1:12

Katsi gfafoli kwan sa emu ku fakesugun ku sisian Unesimu.

Eremyas 31:20

Yawi gbalus te, “Ngay taw Efraim, o nunda am wan ku fakesugun ku ngay sisian? Dewa malayun nu glong au sa ayu at mauri, kesug ktua gugat ayu. Kaylat ktua gugat ay kafanyu ayu.

Kulusas 2:1

Kaylat au nu sumaful am te, se aksvn nu gugatan au gfakamulun laman sa ayu, ay sas fagayu tagafanud sis Laudisya ay anggan yangay sas fagayu at yud batang glag angku.

Galasya 4:19

Ku ngay sisian, gdog au gidapan kata sik mangena tagafasalugun yakmay kban nalag te, siwa ayu tam Fun Isus at ugali.

Galasya 1:20

Ku rirukan sa ayu matuyan. Dius saful wa te, kwa kamuagan.

2 Kurintu. 7:15

Titu maksvn nu kesug ayu, kaugat wan nu namatang way sabaliwa nu mafamaning am, ay nu namatang yangay ay nafasakboan anya, ay nu kesug am anya.

2 Kurintu. 6:12

Di oma e kurang nu kesug ami ayu, dewa katanya, am, nu kesug am emi wa maksvn.

Lukas 1:78

aroro tam Dius mafangafanyu tua ay mafangesug sa antam, ay namadasug sa antam sik tagfalangfe, kata menit nu bagu kasure,

Isayas 63:15

Damai emi siginans banwa, am fagbanwanan at yud e malong ay at masine. Wain am fagyudun ggubuk ya emi, ay am fagyudun gfasure ya am fagmabalyananun sa emi? Wo kesug ya ay kafanyu emi.

Isayas 16:11

Nu katanya, kabalu au at kindasug sas Muab kata sik fagfawangun ke ngay bakyang at mabalu fag awang. Ay kabalu kyangay at kindasug sas Kir-Kareset.

1 Uan 3:17

Sik taw nu e kwa ay kanya nu nalag at faduksay nu gayudan, ay nu dway nagubuk, o Dius at fakesugun si anya?

Filemun 1:20

Ku faduksay, nu katanya, glong au sa emu te, aylati ku fagetun sa emu aroro sa tam Fun. Fae fagmanabayanuni ku amatanganan aroro tagfaduksay ta sa tam Fun Isus.

1 Tesalunika 2:5

Saful wam te, em fakamoyungun bundi siginans famaylatan fag longan ay bundi siginans famuagan fag foyungan laman kae ramraman ami. Dius wan tagfatuyan takatanya.

Kulusas 3:12

Nu katanya, aroro am wan Dius at nafili ay at nafasaman ay at fakesugun, masine nu kedkesugan tuam fia, ay nu magalang am, ay nu kamababaun am, ay nu malukme am, ay nu mafangagwanta am.

Filipus 2:26

Kanya maksvn nu gyalagun ayu, ay kabalu aroro nadungug am te, kanya e fakasaitun.

Filipus 2:1

Dakngani maksvn wan ay amatanganan siginan ay fagmasadiun sa tam Fun Isus, ay gsudsunan am sat fakesugun, ay e fagmasadiun tuam sat Masine fag Falad, ay mafanggubuk tuam ay kedkesugan,

2 Kurintu. 13:9

Maksvn nu guseganan ami dewa ami mamomuy, am nu mabitsug tuam. Gdarangin ami ayu laman kaugat tua nu gfakamulun am at masine.

Ub 16:19

Katsi ku tagfatuyan tagsi tuas banwa; kanya tagfatuyan te, kdi e asalanan.

Galasya 3:26

Siginan nu nsadi am sa tam Fun Isus, anngayan am te, Dius at ngay sisian, aroro gafanud am sa anya.