Filipus 1:7 - Fanawbuid tagsibaliwas Fakayabian

⁷ At masine nu gamatangan ktua gugat takatanya sabaliwa ayu fagayu aroro matuyan te, kesug au ayu. Am ku faudgufudan gbul Dius at fagmagalangun, dewa gina au maubungan ay dewa gina au kamoyung at Masine fag Barita at kamatuyanan, ay gina au gfaksvn ngay taw at fagafanudun.

Filipus 1:7 Referans Kwoze

2 Kurintu. 7:3

Nalong au sa ayu takatanya, ku algan kwa namapla ayu, nu bunway kata ku rirukan te, maksvn nu kesug ami ayu, ay mafalganan ami gleleg ay kabul magamut ayu.

Filipus 1:5

aroro siginan nu bagu am gafanud dasug katsi, ggubuk tuam kamoyung at Masine fag Barita.

2 Timuteu 2:9

Aroro siginan takatanya, anke fagidapan au ay masiukan au salambitan kata sik tagasalanan. Ay dewa katanya, Dius at Longan we masiuk.

Kulusas 4:18

Au Pablu tagriruk tuy. Amatangani te, maubungan au. Dius at fagmagalangun sumawa nangus fia ayu.

Filipus 4:14

Ay guseganan au ay nafakamulun aroro nagubuk tuam angku sa ku ngay fagidapun.

Efesu 6:20

Dius nasugu angku laman kamoyung au at Masine fag Barita, ay kanya wan ku fagmasiukanun katsi. Nu katanya, darangini angku laman maseganama nu gfoyung au kata at masine.

Efesu 3:1

Aroro katanya, au, Pablu, maubungan au aroro kamoyung au sa ayu yud Udyu fag ngay taw sabaliwa tam Fun Isus.

Fakamulun 20:23

Ku fagsafulun te, at Masine fag Falad nafoyung wa sa angku ku fagnandalanan sas fagayu furuan te, tagfanya ban angku fakaubungun ay fagidapun.

1 Uan 3:14

Nasaful watam te, nlangfe watam siginans fakabulun ay andasug tua tam sas fagelelegun, aroro kedkesugan tua tam. Ay nusnga sinu nu dway kesug at faduksay, kanya si yays fakabulun at daga fagmabalyananun.

2 Pedru 1:13

Gamatangan au te, kaduge au gleleg ste sfagdaul daga, masine nu gfamatang au gugat sa ayu sabaliwa takatanya fagayu.

1 Pedru 4:13

Nu bunway useganani yakman aroro kataip am sa tam Fun Isus at ngay naidapanan, ay gina ban at fagmasineun ansure, maksvn yangay ban nu guseganan am.

Ebreu 3:1

Ku ngay faduksay sas fagafanudun, ay sik ngay nafili yangay kata angku laman at nangaful sas banwa, masine nu gamatangan tuam gugat sa tam Isus, kanya sik nasugu laman tam Tiba Tungud fag Tagfon Fanggalangun sa tam fagafanudun.

2 Timuteu 1:8

Nu katanya, lag o kapla gfoyung sabaliwa tam Fun ay sabaliwa angku at maubungan aroro sa anya, nu bunway, anggan o, inkidapani yangay fasfuani angku siginans Dius at gubuk, aroro sat Masine fag Barita.

1 Tesalunika 5:5

Ay fagayu am si tuam sad mayamag kata nu mamenit, ay diam katap tagsisad madulum kata nu mayabi.

Kulusas 4:3

Ay darangini yangay emi laman tam Dius gfon emi ngayuk buknga nu kamoyung ami Dius at algan at masuksukan sabaliwa tam Fun Isus. Kanya wan ku fagmaubunganun katsi.

Efesu 4:1

Au sik maubungan aroro siginan nu gfaning au tam Fun, maksvn nu glong au ayu te, ugalii tua at masine kata Dius at ngay nauro.

Galasya 5:6

Aroro nusnga sinu at kinsadi sa tam Fun Isus, we tungkul ya dewa e fakatoglagan ay yud e fakatoglagan. Nu bunway, at mafanud, ke fagafanudun tua takalag sit fakamulun siginan nu mafangesug.

2 Kurintu. 3:2

Am wan em tagfatuyan fag rirukan at marirukan si em amatanganan. Aroro siginan ay ugali, fagayu taw sumaful te, Dius tuami at nasugu.

1 Kurintu 13:7

ay mafanyan tua gugat, ay gafanud tua gugat, ay mafangagwanta tua gugat.

1 Kurintu 9:23

Gfakamulun au takatanya fagayu laman mafafamoyung au at Masine fag Barita, laman ban e kwa kyangay tam Fun at famonun.

Fakamulun 21:33

Kafag tagfangguna ankakbang ay nagamat Pablu ay gsugu te, “Siuki anya duak salambitan.” Ay nainto te, “Sinu tuy fag taw ay nataw at nafakamulun?”

1 Pedru 5:1

Maksvn nu glong au sa ayu tagfagtainan ngay tagafanud te, au sik fagtainan kyangay, at nalag tam Fun Isus at ngay naidapanan, ay e afud kyangay at fagmasineun takadasug yay ban.

Filipus 1:12

Ku ngay faduksay, kaylat au nu sumaful am te, at kindasug sa angku fag ngay maidap gbia at fanggubukun nu gfarapyag at Masine fag Barita.

Filipus 1:13

Aroro fagayu tagulit ay tiba yak taw sis fun at bale daul nasaful te, ku faginkubungun galo au fia tam Fun Isus.

Filipus 1:14

Siginan yangay nu maubungan au, ngayu tam faduksay at kinkaksvn at fagafanudun sas Dius, ay maseganama yangay nu kamoyung Dius at longan.

Filipus 2:22

Ay dewa katanya, nasaful wam Timuteu at kamatuyanan. Kanya nagubuk angku kamoyung at Masine fag Barita kata sik sisian nu ggubuk at mama.

Filipus 4:3

Ay get kyangay sa emu, at matuyan ku taggubuk te, gubuki duena. Aroro kafag duena naugatan nagubuk angku nu gfarapyag au at Masine fag Barita, gadgaloan Kliminti ay e tiba yay ku ufud tagfakamulun, at ngay ngayan marirukan sis fagrirukan at ke leleg ban.

Filipus 4:15

Nasaful wam gina am gfasigad gafanud sat Masine fag Barita ay gina au glao sanyaginans Masidunya, am yay lang at kinsadi sa ku fagidapun siginan nu gfon am ay fanggubukun sa angku.

Filemun 1:13

Ku fakaylatun nangus gfabanwan kyay anya ste, laman tagungbus emu taggubuk angku kaduge au maubungan aroro sat Masine fag Barita.