Filipus 1:6 - Fanawbuid tagsibaliwas Fakayabian

⁶ Natuyan au te, Dius at nafasigad sa ayu fag fakamulun at masine, kanya ban gfataglayun yakmay tam Fun Isus anfoli.

Filipus 1:6 Referans Kwoze

Filipus 2:13

aroro Dius tua tagfakamulun gugat sa ayu laman makatu am gfaning at fakaylatun.

Efesu 4:12

Kanya nafakamulun katanya laman gfalganan sabaliwas Dius at ngay nafili at fakamulun ban, laman tam Fun Isus at bilug kaksvn tua.

1 Pedru 5:10

Tam Dius magalang sas fagayu taw, ay kanya at nauro ayu sat yud e fakatabuan fag fagmasineun siginan tam Fun Isus. Wa ban glugo ya nu gidapan am, ay Dius ban namafia ay namabitsug ay namaksvn ayu.

Alubad. 138:8

Yawi, fafasludani am ngay algan sa angku. Nu kesug o, di e fakatabuan. Fafasludani wan am ngay nafasigad fag ngay fakamulun.

1 Kurintu 1:8

Kanya yangay tagbakvd ayu sitsigons fakatabuan, laman ban diam e malong gina ban tam Fun Isus kafoli fag menit.

2 Tesalunika 1:11

Nu katanya, gdarangin ami gugat te, tam Dius ggubuk ayu laman matuyan tua nu gbanwan am, am fag ngay nafili. Ay gdarangin yangay ami te, Dius at fagmabalyananun taggubuk ayu sas fagayu at masine ay fakaylatun gfakamulun aroro sa ay fagafanudun.

Ebreu 10:35

Nu katanya, lag am kamomuy ay amatanganan aroro e famonun at mafalganan sa ayu.

Uan 6:29

Isus gbalus anya te, “Katatuy Dius at fafakamulun sa ayu, afanudi sat nasugu.”

Filipus 1:10

laman saful tuam gfili fagayu at masine. Nu katanya tua ay amatanganan, diam e malong ay diam e fagmauriun gina ban tam Fun Isus andasug fag menit,

Ebreu 12:2

Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.

1 Tesalunika 1:3

Ay guseganan ami sa tam Dius tam Mama at daga salubangan galay ami namatang ay ngay nafakamulun siginan ay fagafanudun, ay anggan ay nafakamulun at masine siginan nu mafangesug am, ay nu gagwantan am siginan ay fagsegun sa tam Fun Isus.

Filemun 1:21

Ku amatanganan mabitsug nu griruk au aroro natuyan au te, namaning ban o angku. Nasaful au te, am fagnamakamulunun ban gtungud yay ku fagetun.

Filipus 1:29

Dius nu gfon sa ayu at fagmabalyananun gfaning tam Fun Isus bundi lang siginan ay fagafanudun nu bunway siginan yangay ay fagagwantanun aroro sa anya.

2 Tesalunika 3:4

Maksvn nu gafanud ami sa tam Fun sabaliwa ayu te, galo am ay gfataglayun am gfaning em ngay suguan.

Kulusas 2:12

Siginan nu kasurung am sasad mamam, kata wan nu nbul am, ay nafoli ayu gfasfuan anya, ay nafadog nafaleleg ayu gfasfuan yangay anya aroro gafanud am sas Dius at fagmabalyananun at nafadog nafaleleg tam Fun Isus siginans fagmabulanan.

2 Kurintu. 7:16

Katsi maksvn nu guseganan au aroro gafanud au te, matuyan tuam.

Fakamulun 11:18

Ay kanya fagayu nu nadungug takatanya, namaragangan ay gseg Dius. Ay nalong te, “Nu katanya, Dius nafon sik buknga sas yud Udyu fag ngay taw laman gubun at ngay asalanan, ay laman magbilug yangay leleg at yud e fakatabuan.”

Fakamulun 16:14

At sadi tagdungugan emi, at ngayan Lidya, kanya siginans furuan Tiatira. Kanya sik tagfalao at mafanud fag lanbung masialungan, ay sik tagseg yangay Dius. Ay Dius naluang Lidya at amatanganan laman gafanud Pablu at foyungan.

Galasya 5:10

Aroro siginan tam fagmasadiun sa tam Fun, natuyan au te, diam gfabadbalian ay amatanganan sabaliwa tibak foyungan. Ay natuyan kyangay te, Dius ban gfaurianan nusnga sinu fag taw at nafamomuy ay ngay amatanganan.

2 Pedru 3:10

Tam Fun munakbang wan nu kadasug kata sik tagfangkamul. Ay ginanya ban fag menit tam banwa umkalyam gasfuan sik awang daul, ay nusnge wain umkamin sasad afuy, ay nu katanya tam daga ay tam ngay nafakamulun umsaful.

2 Kurintu. 9:4

Aroro tiba ro ktaw Masidunya nu nanangalo angku sanya, ay nu nalag ro te, yam nafalganan ay famonun, kapla ban tam aroro maksvn wan nu gafanud ami sa ayu.

2 Kurintu. 2:3

Katanya ku longan si ku rirukan, laman ban nu ndasug au sanya, kdi e fakabaluun siginan sangay taw tagfauseganan nangus angku. Aroro natuyan au te, ay fagusegananun tagfae fagusegananun ban angku.

2 Kurintu. 1:15

Aroro gafanud au fia katanya, ku algan sa ban ayu taguna nu glao au, laman kaksvn ay fagusegananun.

Filipus 2:12

Nu katanya, ku fakesugun ku ngay faduksay, kata ebi nu gfaning am gugat ku ngay foyungan ayu, faugati yap nu gfaning am deyud au sanya. Alimui tadtaruyani nu gugatan am gfakamulun at masine yakmay am antuyan te, masadi wam,

Filipus 2:16

kaduge am gbakvd tagfon leleg fag longan. Ay nu katanya tua ay fakamulun, e fakamatungudunun kban gina tam Fun Isus gdog kafoli, aroro saful au te, di ban umfangulan ku ngay nafakamulun sa ayu.