Filipus 1:5 - Fanawbuid tagsibaliwas Fakayabian

⁵ aroro siginan nu bagu am gafanud dasug katsi, ggubuk tuam kamoyung at Masine fag Barita.

Filipus 1:5 Referans Kwoze

Ebreu 3:14

Fagayu tam ansadi watam fia sa tam Fun Isus nu maksvn tua ban gugat nu gafanud tam sa anya sitsigons fakatabuan.

Filemun 1:17

Nu katanya, nu am fagadgalangan au fia, aylati wan anya, kata nu kaylat o angku.

Filipus 1:7

At masine nu gamatangan ktua gugat takatanya sabaliwa ayu fagayu aroro matuyan te, kesug au ayu. Am ku faudgufudan gbul Dius at fagmagalangun, dewa gina au maubungan ay dewa gina au kamoyung at Masine fag Barita at kamatuyanan, ay gina au gfaksvn ngay taw at fagafanudun.

1 Uan 1:3

Gfoyung ami ayu em nadungug ay em nalag, laman e fagmasadiun am sa emi. Ay e fagmasadiun tua tam sa tam Mama ay sat Baguama, Isus tam Fun.

Efesu 3:6

Katatuy Dius at algan at masuksukan: aroro ngay yud Udyu gafanud yangay sat Masine fag Barita, kanya fagayu mul yangay Dius at famonun kata ngay taw Udyu. Kafag duak gaban ansadi sa sik bilug, ay kanya fagayu mul Dius at fatuyanan fag famonun aroro siginan at fagmasadiun sa tam Fun Isus.

2 Kurintu. 8:1

Ku ngay faduksay, katsi kaylat ami gfasaful sa ayu sabaliwa Dius at fagmagalangun sa sangay tagafanud sa sangay furuan tagsis talun Masidunya.

Ruma 15:26

Aroro tam ngay faduksay sis talun Masidunya ay talun Akaya, maksvn nu guseganan gfaful at fanggubukun sa tam ngay faduksay at yud e kwa sis Erusalem.

1 Uan 1:7

Nu glao tua tam sasad mayamag, kata Dius nu sisad mayamag, e fagmasadiun tua tam sas galay at sadi, ay at Baguama Isus at taguk gfasine tam ngay asalanan.

2 Pedru 1:1

Au, Simun Pedru, tam Fun Isus at nasugu ay at fagsuguan. Griruk au sa ayu at ngay nabul at mafanud fag fagafanudun kata emi, aroro sa tam Dius ay Tagfalangfe, Isus tam Fun, at fagmatuyanun.

Filipus 2:12

Nu katanya, ku fakesugun ku ngay faduksay, kata ebi nu gfaning am gugat ku ngay foyungan ayu, faugati yap nu gfaning am deyud au sanya. Alimui tadtaruyani nu gugatan am gfakamulun at masine yakmay am antuyan te, masadi wam,

1 Kurintu 1:9

Matuyan tam Dius at nauro ayu laman masadi am sat Baguama, Isus tam Fun.

Ruma 11:17

Am at yud Udyu fag ngay taw kata wayam sik malyaman fag fun kayu at ngay sanga at kinsugfun sat matuyan fia fag fun kayu. Ay nafaungbus ayu sat kin-gatvng fag sanga at fakagatvngan. Nu katanya, ankaksvn am siginan kafag fun kayu at lalid.

Fakamulun 2:42

Ay kanya fagayu gfataglayun tua nu gdungugan Isus at ngay nasugu at foyungan, ay gfataglayun yangay nu nangaful, ay nu kon tam Fun at Yafun, ay anggan nu gdarangin.

Ruma 12:13

Gubuki tua Dius at ngay taw at ke fagayudanun. Kabavn mafalganani nu gfasakbo am ay betaw at yud e fagtaglayunan.

Filipus 1:12

Ku ngay faduksay, kaylat au nu sumaful am te, at kindasug sa angku fag ngay maidap gbia at fanggubukun nu gfarapyag at Masine fag Barita.

Filipus 1:16

Kafag ngay taw at matuyan at amatanganan kamoyung sabaliwa tam Fun Isus aroro kesug angku, ay kanya fagayu nasaful te, ku fagmaubunganun aroro nafoyung au at Masine fag Barita at kamatuyanan.

Filipus 1:27

Nu katanya, ugatani nu gfaning am tam Fun Isus at Masine fag Barita. Aroro, nu katanya tua ay fakamulun, umdasug kman sanya ay duan, antuyan kwa fia te, takadungug si ayu maksvn nu masadi am ay nu ggudgubukan am gfabadbaboan laman ban tibak taw gafanud sat Masine fag Barita,

Filipus 2:22

Ay dewa katanya, nasaful wam Timuteu at kamatuyanan. Kanya nagubuk angku kamoyung at Masine fag Barita kata sik sisian nu ggubuk at mama.

Filipus 4:3

Ay get kyangay sa emu, at matuyan ku taggubuk te, gubuki duena. Aroro kafag duena naugatan nagubuk angku nu gfarapyag au at Masine fag Barita, gadgaloan Kliminti ay e tiba yay ku ufud tagfakamulun, at ngay ngayan marirukan sis fagrirukan at ke leleg ban.