Filipus 1:20 - Fanawbuid tagsibaliwas Fakayabian

²⁰ Ay ku fakaylatun ay ku fagsegun kdi ban nangus umkapla nusnga setaw at kumdasug sa angku, abat ngate, gfaksvn au ku amatanganan, laman dewa au gleleg yay ay dewa au nbul wan, gfauseganan ktua gugat tam Fun Isus.

Filipus 1:20 Referans Kwoze

1 Pedru 4:16

Ay at fagfauriun ayu nu siginan tua ay fagafanudun sa tam Fun Isus, lag am kapla, nu bunway segi way tam Dius aroro nafangayan ayu te, Isus at taw.

1 Kurintu 6:20

aroro kanya nabayad wan ayu yud e gtungud fag famayad. Nu katanya, fakamuluni at masine tagfauseganan Dius.

Isayas 54:4

Lag o kalimu aroro wo gafaplan. Ay wo gamatang ya am fakaplaun gina o sik fagbubayun at mabaguina.

1 Tesalunika 5:23

Dius gfon fagmanabayanun, ay kanya nangus gfasine ayu laman diam e malong. Dius wa nangus fia tagbakvd fagdaul ay falad, ay ay amatanganan, ay ay bilug, laman diam e malong gina ban tam Fun Isus andasug.

1 Uan 2:28

Ku ngay sisian, nu katanya, mabanwani tua sis Isus, laman ban kanya nu ndasug, e fagmanabayanun tua tam, ay di ban tam kapla gina ndasug.

Filipus 2:17

Ay fagafanudun ay ay fagfaningun sa tam Fun kata sik fanggalangun sa anya. Ay ku taguk dewa umbusbus gasfuan ay fanggalangun, guseganan au, ay gfasfuan kban ayu guseganan.

Ruma 8:19

Fagayu at awatan maksvn nu gfanya Dius nu gfasure at ngay sisian.

2 Kurintu. 10:8

Kwa kapla dewa au kamatungudun sabaliwa em fagmabalyananun tam Fun at nafon sa emi laman tagfaksvn ayu, bundi tagfamomuy ayu.

2 Kurintu. 4:10

Si tua gugat em bilug Isus at fakabulun, laman Isus at leleg kalag si emi.

1 Kurintu 7:34

Aroro katanya, at amatanganan ankafud. Ay sik mangena at yud e mangama ay anggan sik baguina at fagamatanganun sa tua baliwa tam fun. Ay dewa katanya, sik mangena at ke mangama, at fagamatanganun sa way baliwa at mangama, aroro kaylat gfauseganan at mangama.

Isayas 50:7

Dewa katanya, kdi napla, aroro Yawi tam Fun nagubuk angku. Nu katanya, nafaksvn au ku amatanganan kata sik gang, aroro nasaful au te, kdi ban umkapla.

Alubad. 119:116

Yawi, foni angku fagmabitsugun kata am fatuyanan, laman gleleg ktua gugat. Lag o kaylat ku fagsegun sa emu nu kalyam.

Ruma 5:5

Ay di ban umfangulan tam fagsegun aroro Dius at fakesugun siwa tam basad siginan nu gfon sa antam at Masine fag Falad.

Isayas 45:17

Dewa katanya, Yawi gfalangfe tua ngay taw Israel, ay nu gfalangfe we fakatabuan. Ay kabavn ban di e fakaplaun.

Kulusas 1:24

Katsi guseganan ktua dewa au gidapan aroro sa ayu, laman gfatabu au tam Fun Isus at nainkidapanan at yud yay antabu, laman at ngay taw, tuga at bilug, e tungkul tua.

Ruma 12:1

Nu katanya, ku ngay faduksay, aroro Dius kafanyu antam, maksvn nu get au sa ayu te, foni ay bilug sas Dius sik tagleleg fag fanggalangun, mafalganan ay tagfauseganan anya. Katatuy at matuyan nu gseg am Dius.

Filipus 1:14

Siginan yangay nu maubungan au, ngayu tam faduksay at kinkaksvn at fagafanudun sas Dius, ay maseganama yangay nu kamoyung Dius at longan.

2 Kurintu. 7:14

Ay nafamatungudun au sas Titu te, masine am, aroro nu setain em longan sa ayu nu matuyan, matuyan yangay ku nafamatungudunun sas Titu sabaliwa ayu, ay kdi nkapla.

2 Kurintu. 5:15

Kanya anbul laman sas fagayu taw laman fagayu taw tagleleg katsi wa gfaning at sadili, nu bunway gfaning tua tam Fun Isus at kinbul ay at nadog yay naleleg laman sas fagayu taw.

1 Kurintu 15:31

Kayu menit gsalubang au fakabulun. Nafoyung au sa ayu katanya aroro guseganan au ayu sa tam Fun Isus.

Ruma 9:33

Kata at Rirukan te, “Damai, nafoli au sik fakataidan fag gang si sangay taw Udyu, kanya ban tagfalub kafag ngay taw. Dewa katanya, nusnga sinu tagafanud sanya fag gang di ban umkapla.”

Ruma 6:19

Gfoyung au sa ayu at masakit katogdungug fag foyungan, aroro ya maksvn ay amatanganan. Ebi nafon am ay bilug at ngay afud laman gafagsuguanan am fagmasuyaun ay fagmauriun at nafae asalanan ayu. Ay katsi foni yangay ay bilug at ngay afud laman gafagsuguanan am fagmatuyanun laman diam e malong.

Ruma 6:13

Lag am gfon ay bilug at ngay afud sas asalanan laman gfakamulun am at mauri, nu bunway foni ay sadili sas Dius aroro kanya nafadog tua nafaleleg ayu siginans fagmabulanan. Ay foni ay bilug at ngay afud sas Dius, ay ugalii kata sik ngay taw at nadog naleleg siginans fagmabulanan.

Fakamulun 21:13

Ay Pablu nabalus te, “Wain ay fagwaywayun? Lag am gfamomuy ku amatanganan. Aroro mafalganan au nangasiukan ay nangabul sas Erusalem aroro sa tam Fun Isus.”

Fakamulun 20:24

Dewa katanya, wa mafanud sa angku ku leleg, at mafanud nu namatabu au ku fanambagun tam Fun Isus at nafatigwanan sa angku fag fakamulun, siginan nu gfoyung at Masine fag Barita sabaliwa tam Dius at fagmagalangun.

Uan 21:19

Isus nalong takatanya laman gfasaful te, setain ban Pedru nu kabul, ay siginan ban takatanya e gfauseganan Dius. Ay sanya ginan Isus nalong anya te, “Aloi angku.”

Fangatulun 23:18

Nu katanya, mabayan tua ban o, ay umfasludan ban am ngay fakaylatun.

Fangatulun 10:28

At matuyan fag taw at fagsegun, fagmanabayanun tua, ay at mauri fag taw at fagsegun, wa kafasludan.

Alubad. 119:80

Nafafaning ktua nangus am ngay foyungan, laman ban kdi kapla.

Alubad. 62:5

Dius way lang tagfon angku fagsegun, nu katanya maragangan au gfanya anya.

Fakamulun 4:31

Ngay tagafanud nu ntabu gdarangin, at fagmafulan fag bale nauigan. Ay at Masine fag Falad antayuk sa anya fagayu ay maseganama nu kamoyung Dius at longan.

2 Kurintu. 3:12

Ay aroro e fagsegun tuami takatanya, mabitsug tua em amatanganan nu gfakamulun ami.

2 Kurintu. 7:4

Maksvn nu gafanud au ayu, ay kabavn guseganan au aroro sa ayu. Dewa ngayu em fagidapun, maksvn tua ku fagmasunun, ay ngayu ku fagusegananun.