Filipus 1:17 - Fanawbuid tagsibaliwas Fakayabian

¹⁷ Ay tibak taw nu kamoyung bunwa siginan at matuyan fag amatanganan nu bunway siginan at mauri way fag algan. At fakaylatun gfaugat ku fagidapun kaduge au maubungan.

Filipus 1:17 Referans Kwoze

Filipus 2:3

Fagayu ay fakamulun lag gfaning ay sadili fakaylatun ay lag kamatungudun. Nu bunway famababauni tua, ay amatangani te, em iba amasine yap tua emi.

Filipus 1:7

At masine nu gamatangan ktua gugat takatanya sabaliwa ayu fagayu aroro matuyan te, kesug au ayu. Am ku faudgufudan gbul Dius at fagmagalangun, dewa gina au maubungan ay dewa gina au kamoyung at Masine fag Barita at kamatuyanan, ay gina au gfaksvn ngay taw at fagafanudun.

2 Timuteu 4:16

Ebi gina fasadi ginan nu nasalubang au sas tagwabilug at daga salubangan, we nagubuk ya angku. Fagayu taw naubun wan angku. Dius waban tagfalyam kafag ngay taw at asalanan.

1 Timuteu 2:7

Siginan takatanya, Dius nafili angku laman sik takamoyung ay sik nasugu sas yud Udyu fag ngay taw, laman gfoyung au sabaliwas fagafanudun ay fagmatuyanun. Ku ngay longan matuyan, ay kwa kamuag.

Fakamulun 26:24

Ay kaduge Pablu gfoyung, Festu nauro te, “Pablu, gfansaful wo! Am fagyudun e amatanganan ya, aroro am fagsafulun gsawe wan.”

Fakamulun 26:1

Ay fun Agripa nalong sas Pablu te, “Kaylat au nu gfoyung o sabaliwa am sadili.” Ay Pablu gyafe at daluap ay gfasigad gfoyung sabaliwa at sadili.

Fakamulun 22:1

Sanya ginan, Pablu nalong te, “Ku ngay faduksay ay ku ngay fagtainan, dungugani ku famayamag sabaliwa ku sadili!”

Lukas 21:14

Faksvni ay amatanganan, laman diam gafanawa te, tain ban ay famalus.

Ruma 2:8

Dewa katanya, Dius ban gfadasug at dotama sa sangay taw takamasadiliun ay at yud gfaning at matuyan, nu bunway gfakamulun way at mauri.

Filipus 1:18

Dewa katanya, kwa gasalagan anya fagayu. Abat ngate, guseganan kway aroro e kamoyung tua sabaliwa tam Fun Isus, kanya fagayu at algan dewa matuyan ay mauri. Ay guseganan au gugat,

2 Timuteu 2:9

Aroro siginan takatanya, anke fagidapan au ay masiukan au salambitan kata sik tagasalanan. Ay dewa katanya, Dius at Longan we masiuk.