Filipus 1:16 - Fanawbuid tagsibaliwas Fakayabian

¹⁶ Kafag ngay taw at matuyan at amatanganan kamoyung sabaliwa tam Fun Isus aroro kesug angku, ay kanya fagayu nasaful te, ku fagmaubunganun aroro nafoyung au at Masine fag Barita at kamatuyanan.

Filipus 1:16 Referans Kwoze

2 Kurintu. 2:17

Wami kata tibak taw taget famayad gina kamoyung Dius at longan. Aroro Dius tuami at nasugu, matuyan tua nu kamoyung ami at longan sit daga salubangan, siginan em fagmasadiun sa tam Fun Isus.

Filipus 1:12

Ku ngay faduksay, kaylat au nu sumaful am te, at kindasug sa angku fag ngay maidap gbia at fanggubukun nu gfarapyag at Masine fag Barita.

Filipus 1:10

laman saful tuam gfili fagayu at masine. Nu katanya tua ay amatanganan, diam e malong ay diam e fagmauriun gina ban tam Fun Isus andasug fag menit,

Filipus 1:7

At masine nu gamatangan ktua gugat takatanya sabaliwa ayu fagayu aroro matuyan te, kesug au ayu. Am ku faudgufudan gbul Dius at fagmagalangun, dewa gina au maubungan ay dewa gina au kamoyung at Masine fag Barita at kamatuyanan, ay gina au gfaksvn ngay taw at fagafanudun.

Alubad. 69:26

Aroro kanya fagayu gfaidapan ay gibugan gugat sabaliwa am nafaurianan fag ngay taw.

Ub 6:14

Sik taw takabalu, at ngay fagadgalangan masine nu ggubuk anya, kanya dewa natalyuyan at mabalyanan fag Dius.

Ub 16:4

Anggan am, nu nadalan di am kata ku nadalan fag fagidapun, malong kyangay ro sa ayu kata ay nalong sa angku.

1 Kurintu 9:17

Ay nu guseganan ktua fia kamoyung at Masine fag Barita, e fagnamulun ktua ban. Ay at matuyan, gfakamulun au Dius at nafatigwanan sa angku fag fakamulun.

Filipus 1:5

aroro siginan nu bagu am gafanud dasug katsi, ggubuk tuam kamoyung at Masine fag Barita.

Filipus 2:22

Ay dewa katanya, nasaful wam Timuteu at kamatuyanan. Kanya nagubuk angku kamoyung at Masine fag Barita kata sik sisian nu ggubuk at mama.

Filipus 4:3

Ay get kyangay sa emu, at matuyan ku taggubuk te, gubuki duena. Aroro kafag duena naugatan nagubuk angku nu gfarapyag au at Masine fag Barita, gadgaloan Kliminti ay e tiba yay ku ufud tagfakamulun, at ngay ngayan marirukan sis fagrirukan at ke leleg ban.

Filipus 4:15

Nasaful wam gina am gfasigad gafanud sat Masine fag Barita ay gina au glao sanyaginans Masidunya, am yay lang at kinsadi sa ku fagidapun siginan nu gfon am ay fanggubukun sa angku.