Ester 9:2 - Fanawbuid tagsibaliwas Fakayabian

² Ginanya fag menit, ngay taw Udyu anful sat ngay furuan ayu daul ay sa sangay afud talun sis fun Akasuerus at fagfagtainanan laman namabul nusnga sinu at ke algan namawayan anya fagayu. Dewa katanya, we nafaskud aroro kanya fagayu kalimu ngay taw Udyu.

Ester 9:2 Referans Kwoze

Ester 8:17

Ngay taw Udyu tagsis fagayu furuan ayu daul ay sa sangay afud talun at nadungug fun at suguan, maksvn nu guseganan. Ay sanya fag talun ngayu at kintaip te, taw Udyu aroro anlimu ngay taw Udyu.

Ester 8:11

Ay siginan kafag rirukan, nafasaful sa sangay taw Udyu te, masine nu kaful laman gfalangfe at ngay sadili. Ay masine way gfabul nusnga sinu at namawayan anya fagayu siginan tibak gaban taw nusnga nday, ay laman gbalabag at ngay mangena ay at ngay sisian, ay nu gbul at ngay fawayan at ngay ramraman.

Alubad. 71:24

Fagngabak menit, gfoyung au te, matuyan o, aroro ngay taw takaylat nu gafaurianan au ankapla way.

Alubad. 71:13

Takamuagan sa angku nangus umkapla ay umkamin. Ay fagayu nangus takaylat namauri angku, kanyai way at nangafaplan.

Isayas 8:9

Am fag ngay taw tagsiginan tibak talun, dewa ban am ansadi, gababawan way ban am. Ay am fag ngay taw tagbanwan sa tangayayu fag ngay talun, dungugani! Dewa am nafalganan namawayan emi, gababawan way ban am.

Ester 9:10

Dewa katanya, ngay taw Udyu wa nabul at ngay fawayan at ramraman.

Uswe 11:20

Aroro Yawi nafaogat kanya fag ngay talun at taw at ngay amatanganan laman namawayan ngay taw Israel. Nu katanya, kata Yawi at suguan sas Muisis, ngay taw Israel nafabul wan yud e afanyu kanya fag ngay talun at taw.

Uswe 2:9

ay nalong te, “Nasaful au te, Yawi gfon wan sa ayu tuy fag talun. Fagayu taw tagbanwan ste maksvn nu kalimu ayu.

Deuterunumyu 2:30

Dewa katanya, Sikun, Kesbun at fun wa naylat nu gdalan tam sat talun, aroro Yawi nafaogat at amatanganan, laman gfababawan sa antam, kata at nafakamulun katsi.

Nu Galin 23:27

“Ay ngay fawayan tagsi ay salubangan umlimu ay galakayan, ay kanya fagayu lumagyu.

Fakasigadan 35:5

Gina Akub ay anggan at ngay ufud glao, Dius nafadasug sik fanlimu daul sa sangay taw tagbanwan sit ligung fag ngay furuan, nu katanya, di e nasalag nu glao.