Ester 8:16 - Fanawbuid tagsibaliwas Fakayabian

¹⁶ Ay fagayu taw Udyu guseganan ay gfanagsag.

Ester 8:16 Referans Kwoze

Alubad. 97:11

Dius at fagmayamagun gyamag sat matuyan fag ngay taw, kata menit nu gdamlag, ay gfon fagusegananun.

Fangatulun 11:10

Sik taw at matuyan nu nke fagmanabayanun, ngay taw guseganan. Ay sik taw mauri gina gafaurianan, ngay taw gfanagsag.

Alubad. 18:28

Yawi, ku Dius, o wan ku salung, ay gyamag o angku gina au sisad dulum.

Isayas 35:10

Kanya ban fagayu kafoli sas Siun galubadan. Ay nalyam wan at fakabaluun ay at fagwaywayun, ay natubus at yud e gfasud fag fagusegananun ay fagfanagsagun.

Alubad. 112:4

Sik taw tagugali at matuyan, dewa sis fagmadulumun, si tua gugat anya fagmayamagun. Ay kanya kamon, ay mafangafanyu ay matuyan.

Ester 9:17

Ay balabag di, sis falabi ufatk menit ginanya yangay fag magdanun, kanya fagayu gtungkud ay guseganan sit nafalganan fag fagmafulun.

Ester 4:16

“Namaful o fagayu taw Udyu tagbanwan ste sfuruan Susa ay darangini yud gfangon laman sa angku. Lag am gfangon ay ginum kaduge tuluk menit. Au ay ku ngay fagsuguan fag mangena nandarangin yangay mi yud gfangon. Sanya ginan, sa kro sfun dewa gsalan way sis faugali. Ay nu nafabul wa ro angku, mafalganan kwa kabul.”

Alubad. 118:27

Yawi at matuyan fag Dius, ay kanya gyamag antam. Bubai fanggalangun, ay siuki sas tungud fagirugan.

Alubad. 30:12

Nu katanya, kabavn galubad au ay gfauseganan emu. Yawi, ku Dius, kabavn gfauseganan au emu.

Fangatulun 28:12

Sik fun nu masine tua nu gfunan, ngay taw guseganan tua, dewa katanya, at fantubus nu mauri way, ngay taw gsuksuan way.