Ester 7:4 - Fanawbuid tagsibaliwas Fakayabian

⁴ Aroro e nafatuyanan sik famonun sas fagayu taw at namabul emi. Nu e namabayad way emi laman namafagsuguan emi, gragangan kway lang, aroro tuy wa fia mafanud laman gfasalag au emu.”

Ester 7:4 Referans Kwoze

Ester 3:9

Mesug fag fun, nu kaylat o, sugui te, fabuli wan kanya fagayu. Ay namasa kbans fun at fagsuadan ramraman tuluk sandan limak safuluk salapi laman famayad sa sangay taw tagfakamulun takatanya.”

Deuterunumyu 28:68

Ay Dius Yawi namafoli ayu sas talun Igiptu gfasakay ayu sas sakayan lino, dewa nafatuyanan sa ayu te, wa ban gfafoli ya ayu sanya. Gfae bayad ban am ay ngay sadili sa ay ngay fawayan, laman sik ngay fagsuguan, ay wa ban e kaylat gbayad ayu.

Ester 3:13

Ay ngay tagfosuk longan nafarapyag kafag rirukan sas fagayu afud talun. Nariruk sanya fag suguan te, kadasug ban sik menit nu gfabul ngay taw Udyu: ngay sisian, ay at mafagtainan, mangama ay mangena, ay gbul kanya fagayu at ramraman. Umfasludan ban takatanya sis falabi tuluk menit sis falabi duak magdanun, Adar fag magdanun.

Ester 8:11

Ay siginan kafag rirukan, nafasaful sa sangay taw Udyu te, masine nu kaful laman gfalangfe at ngay sadili. Ay masine way gfabul nusnga sinu at namawayan anya fagayu siginan tibak gaban taw nusnga nday, ay laman gbalabag at ngay mangena ay at ngay sisian, ay nu gbul at ngay fawayan at ngay ramraman.

Amus 2:6

Katatuy Yawi at longan sabaliwas Israel: “Ngay taw Israel gfataglayun way gugat nu gasalanan, nu katanya, namaurianan kban anya fagayu. Kanya fagayu nafaebayad ngay taw at yud e asalanan laman sik ngay fagsuguan famayad at ngay bedan. Katanya yangay at fakamulun sa sangay taw at yud e kwa, at bedan dewa sik lapak way.

Uel 3:6

Ay nafae bayad am ngay taw Uda anggan ngay taw Erusalem sa sangay taw Gresya laman sik ngay fagsuguan ay nafayayu am anya fagayu siginan at talun.

Ester 7:6

Ay Ester gbalus te, “Em fawayan, Aman fag taw mauri.” Nu katanya, Aman maksvn nu kalimu sas fun ay Ester at daga salubangan.

Nemyas 5:5

Ami, ay anggan em ngay sisian, dewa ami sik ngay taw Udyu, nafafagsuguan wami em ngay sisian sa em ngay kaiban Udyu, laman e salapi tuami. At matuyan, tiba em ngay baguina, nafalao wami laman sik ngay fagsuguan, wami e tiba yak balyawvtan, aroro tibak taw gagbilug wan em ngay tanum wat ubas.”

1 Samwel 22:23

Aloi wan angku ay lag o kalimu, aroro sadi way takaylat gyafabulun anta. Wa ban o umfaurianan nu galo tuo gugat angku.”

Uswe 9:23

Aroro nafakamulun am takatanya, Dius ban gfauri ayu: siginan ban katsi, sik ngay fagsuguan am laman tagfansarab ay tagfanagub si ku Dius at bale.”

Lukas 12:45

“Ay sik fagsuguan nu mauri way, kanya gamatangan way te, ‘Glugo yay ban ku tagfayafun nu guli,’ ay gfasigad gfalang at iba fag ngay fagsuguan mangama ay mangena, ay kon ay ginum ay glanguan.

Ester 7:5

Ay fun Akasuerus nalong te, “Sinu at namaskud namakamulun takatanya fag mauri, ay dada wan katsi kanya?”

Ester 8:6

Kwa magwanta glag ku ngay kaiban ay ku ngay kalongan nu kamin.”

Ester 9:25

Ay fun nu nasaful kafag algan siginan at mangena Ester, kanya nafariruk sik suguan te, “Fakamuluni sas Aman talamean kata at algan mauri sa sangay taw Udyu.” Ay katanya wa fia at kinfasludan.

Daniel 6:2

Kanya fag ngay fun ayu sirut siways tuluk tagfangguna at daga fagmabalyananun, at sadi si kafag tuluk tagfangguna, Daniel. Fun Daryu nafakamulun takatanya laman di gadayan.