Ester 6:1 - Fanawbuid tagsibaliwas Fakayabian

¹ Ginanya fag yabi, fun Akasuerus wa katiug, nu katanya, nasugu te, “Buli fansulitan sabaliwas fagfunanun.” Ay kanya nafatap at rirukan kaduge gdungugan.

Ester 6:1 Referans Kwoze

Daniel 6:18

Sanya ginan, fun Daryu noli wan sat bale. Ay ginanya fag yabi kanya wa gfangon ay wa yangay get famasun ay wa katiug.

Daniel 2:1

Gina sis faduak banwa fun Nabukudunusur nu gfunan, kanya malayun nu gtaginfan. Ay at ngay taginfan gfasalag gugat anya, nu katanya, kanya wa gatiugun.

Ester 2:23

Ay fun nanamainsaful ay nu natuyan te, matuyan, narabing wan Bigtana ay Teres. Ay fun nafariruk takatanya sas fafil sabaliwa nu gfunan.

Ruma 11:33

Maksvn tua Dius at fagmagalangun ay at fagmamatanganun ay at fagsafulun. We taw nasaful Dius nu gfili, ay we taw matogdungug at ngay balyawvtan.

Isayas 41:17

Ku ngay taw at yud e kwa grvbvy mamam, ay we nalag, ay at kaksvnan nu kadanum ankatat wan at ngay lislis; au Yawi, taggubuk anya. Au Israel at Dius kwa gfabayan anya.

Ester 10:2

Fun Akasuerus at fagmabalyananun ay at ngay nafakamulun, anggan yangay at fanambagun laman sas Mardukyu anriruk sis fafil fagrirukan sabaliwas Medya ay Persya at ngay fun.

Fakasigadan 22:14

Abrayam nafangayan kafag talun te, Yawi Takamon. Ginanya wan nu gfasigad nu glong te, “Sas Yawi at filian fag buksul e famonun tua gugat at mafalganan.”

Malakyas 3:16

Ay sanya ginan, ngay tagsuyu Yawi gkamatoan, ay Yawi nadungug. Kafag ngay taw at ngay ngayan anriruk sa sik fafil tagsis Yawi at daga salubangan, laman Yawi gamatang tua gugat fagayu tagsuyu ay tagtoglag anya.

Ester 5:8

nu maylat ktua sa emu, ay nu kaylat o gfon angku ku fagetun, gdog kyay ban fia gfastae ayu fagdua balabag, sa ku nafalganan fag yafun laman sa ayu. Ay ginanya ya ban nu glong au ku fagetun sa emu.”

Ester 2:22

Ay Mardukyu nasaful kanya fag algan, nu katanya, kanya nalong at nasaful sas Ester, fun at mangena. Ay Ester nafasaful yangay kafag algan sat fun ay nalong te, “Mardukyu nafasaful tuy fag algan laman namabul emu.”

Ester 2:21

Mardukyu gina sik tagulit sis fun at bale at sakbawan, fun at fagsuguan at dua, at ngayan Bigtana ay Teres, gulit fun at sakbawan suluk. Kanya fag dua kadotama fun Akasuerus, ay namatangan namabul anya.