Ester 4:3 - Fanawbuid tagsibaliwas Fakayabian

³ Ay ngay taw Udyu sa sangay afud talun nu nadungug fun at suguan, kanya fagayu wa gfangon laman gdarangin, ay gwayway ay maksvn nu kabalu. Tangayu nasulun saku ay gtaygilidan sisad dafug.

Ester 4:3 Referans Kwoze

Isayas 22:12

Ay tam Fun, Yawi at Mabalyanan, nafaidapan ayu laman umke fakabaluun am, ay gwayway am, ay gfalanu ay ngay alfuyu, ay nangalanbungan am saku laman sik fagtoglagan te, kabalu am.

Daniel 9:3

Nu katanya, ankakbang au sas Fun Dius ay kwa nafangon laman gdarangin, ay nasulun au saku ay nafasa ku alfuyu dafug laman gfalag te, kabalu.

Isayas 58:5

Gina am yud gfangon laman gdarangin, maksvn nu kamababaun am. Garungan am kata sik ugun at ngay don. Gsulun am lanbung tagfatoglag te, kabalu am, ay gtaygilidan am sis dafug. O nunda kata kanya at matuyan nu yud gfangon laman gdarangin? O nu glong ro am guseganan au takatanya?

Isayas 22:4

Fabayani wan nu gwayway au, aroro kabalu au ku ngay kaiban at kinbul. Lag am gfasun ya angku.

Mateu 25:30

Ay ukasi wan sat dayu sasad madulum aro fag fagsuguan at yud masine. Sanya gwayway ban gugat ay gfaringgit at bagang.’

Mateu 22:13

“Ay kafag fun nalong sat ngay fagsuguan te, ‘Salodi kafag mangama at take ay at bitis ay ukasi sat madulum. Ay kanya ban gwayway gugat sanya ay gfaringgit at bagang.’ ”

Mateu 13:42

Ay ngay tagbarita ban mukas kafag ngay taw sa tagigang fag afuy, ay sanya ban gwayway gugat ay gfaringgit at ngay bagang.

Ester 4:16

“Namaful o fagayu taw Udyu tagbanwan ste sfuruan Susa ay darangini yud gfangon laman sa angku. Lag am gfangon ay ginum kaduge tuluk menit. Au ay ku ngay fagsuguan fag mangena nandarangin yangay mi yud gfangon. Sanya ginan, sa kro sfun dewa gsalan way sis faugali. Ay nu nafabul wa ro angku, mafalganan kwa kabul.”

Ester 3:12

Nu katanya, ebi gina taguna fag magdanun sis falabi tuluk menit, Aman nafauro tagriruk. Ay kanya nafawat sik rirukan laman sas fagayu tagfagtainan sit fagfagtainanan, sa sangay afud talun at ngay fun, ay sa sangay tagfangguna sa sangay furuan, sat sadili fangaringang. Kanya fag rirukan nafawat sas fun Akasuerus at ngayan, ay nafae fagtoglagan siginans fun at fanumyu.

Ester 1:1

Sis talun Persya e sik fun at ngayan Akasuerus. Kanya gbanwan sit bale sis furuan Susa. Kanya at fagagbilugun sadik sandan duak safulu e fituk afud talun siginans Indya sitsigons Etiupya.

1 Samwel 11:4

Ay sik ngay tagfosuk longan andasug sas furuan Gibya, Saul at fagbanwanan. Ay kafag ngay tagfosuk longan nafadungug sas fagayu taw Gibya Nakas at fagetun, ay fagayu taw gwayway.

Ester 4:2

Dewa katanya, si way tsigon day sakbawan fun at bale, aroro wa masine gfasakbo sas fun at bale at ke sulun saku.

Ester 4:4

Ester nu nasaful sabaliwas Mardukyu siginan at ngay fagsuguan fag mangena ay at ngay tagalaga anya, kanya anbalu. Kanya nafabuba sik lanbung sas Mardukyu laman at fantubus at lanbung fag saku, dewa katanya, Mardukyu wa naylat.

Ester 9:31

laman gfafasludan gugat Purim fag fagmafulun kata Mardukyu ay Ester at suguan, kata kanya fagayu ay at ngay kasugfunanan nu gfaning ngay faugali sabaliwa nu yud gfangon laman gdarangin.

Uswe 7:6

Aroro siginans fakabaluun Uswe ay anggan at ngay fagtainan sis Israel nagirat at ngay lanbung, ay nafae lukbu at mesa alfuyu, ay anlub sis salubangan Fagsuadan Nasadian anggan andulum.

Ub 2:8

Ay Ub nabul sik nagrufan tikung at fanggarit at ngay bangbang kaduge malunggung sisad dafug.

Esekyel 27:30

Kanya ban fag ngay taw gwayway maksvn, ay gfasat tungud alfuyu lukbu ay gdagingan sis wa dafug laman gfalag te, kabalu.

Unas 3:6

Ninibe at fun nu nadungug Unas at foyungan, kanya anlindug siginan at fagmalunggungan ay nabul at lanbung tagfatoglag te, sik fun, ay nasulun yangay saku ay nananmalunggung sas tagalukbuun fag daga laman gfalag te, gubun at asalanan.