Ester 3:1 - Fanawbuid tagsibaliwas Fakayabian

¹ Sanya ginan, fun Akasuerus nafabat Aman at fanambagun. Aman, Amedata at baguama, fag taw Agag. Nafili anya laman gtungud tua fagayu tagfangguna.

Ester 3:1 Referans Kwoze

Tap 24:7

Gsawe wan ngay mamam sat ngay fagsuadan, ay kanya fagayu gtanum ngay bvtang sa sangay tanuman at kinrugme. Ay at fun amabalyanan yap tua Agag, Amalek at fun, ay at fagfagtainanan umsik takadungug.

Daniel 6:2

Kanya fag ngay fun ayu sirut siways tuluk tagfangguna at daga fagmabalyananun, at sadi si kafag tuluk tagfangguna, Daniel. Fun Daryu nafakamulun takatanya laman di gadayan.

Ester 5:11

Kanya kamatungudun sa anya fagayu at ngay ramraman ay at ngay sisian, ay fagayu fun at famauseganan sa anya ay sat nafon anya fag fanambagun gtungud tua fagayu tagfangguna ay anggan ngay fagsuguan.

Ester 3:10

Sanya ginan, fun nabul at fanumyu at fagtoglagan, ay nafon sas Aman, Amedata at baguama, fag taw Agag, taw Udyu at fawayan.

1 Samwel 15:33

Ay Samwel nalong te, “Nu setain ngayuk mina nu yud e sisian ya aroro nafabul am, katsi ro am mina man at yud e sisian ya.” Ay Samwel nabasing Agag sis Yawi at daga salubangan.

Fakasigadan 41:40

Ay katsi, gfili au emu tagfunan ban ku ngay taw sas fagdaul talun Igiptu, ay kanya ban fagayu gfaning am suguan. Ay dewa katanya, au, gtungud ktua emu.”

Fangatulun 29:2

Tagfangguna nu matuyan tua, ngay taw guseganan, dewa katanya, tagfangguna nu mauri way, ngay taw gwayway.

Alubad. 12:8

aroro dewa nday e ngay taw mauri. Ay kanya fagayu guseganan sat mauri fag ngay fakamulun.

Ester 8:3

Ester nadog yay fia nanangakbang sas fun Akasuerus gtudan gwayway sit salubangan. Get te, “Faragangi wan Aman fag taw Agag at algan mauri sa sangay taw Udyu.”

Ester 7:6

Ay Ester gbalus te, “Em fawayan, Aman fag taw mauri.” Nu katanya, Aman maksvn nu kalimu sas fun ay Ester at daga salubangan.

Ester 1:14

At fagnangetan gugat fangatulun sas Karsena, Setar, Admata, Tarsis, Meres, Marsena, ay Memukan. Kanya wa fag fitu tagfangguna sis Persya ay sis Medya, ay kanya fagayu magamut gugat at fun.

Esra 7:14

Au ay ku tagfalu longan fag fitu, gsugu ami sa emu te, nanginsaful o sas Uda ay sas Erusalem te, o kanya fagayu gfaning tua fia Dius at suguan, kata am nasaful.

1 Samwel 15:8

Ay Saul nafabul wan fagayu taw Amalek, ay nagamat yangay at fun Agag ay wa nafabul.

Fakasigadan 41:55

Ay nu ndasug tibak buknga anggan yangay tagbanwan sis talun Igiptu kalunus wan. Nu katanya, sanya fag ngay taw nanget fakonun sas Igiptu at fun. Ay Igiptu at fun glong sanya fag ngay taw te, “Loi sas Use, ay kanya wa ro taglong ayu nusnga setaw ay fagnamakamulunun.”

Takamoyung 10:6

Kanya fagayu gfon sat yud e fagsafulun at maksvn fag fanambagun, dewa katanya, gfon sat maramraman fag ngay taw at yud way maksvn fag ngay fanambagun.