Ester 2:2 - Fanawbuid tagsibaliwas Fakayabian

² At ngay fagsuguan tagfakamulun sanya nalong te, “Mesug fag fun, rvbvyi at masine fag ngay baguina.

Ester 2:2 Referans Kwoze

1 Fun 1:2

Nu katanya, at ngay fagsuguan nalong te, “Mesug fag fun, aylati nu nanrvbvy ami sik baguina tagalaga emu laman di o karios.”

Ester 6:14

Kanya fagayu kaduge kamatoan, fun at fagsuguan masakit nu gtaban Aman sas Ester at nafalganan fag yafun.

Ester 1:14

At fagnangetan gugat fangatulun sas Karsena, Setar, Admata, Tarsis, Meres, Marsena, ay Memukan. Kanya wa fag fitu tagfangguna sis Persya ay sis Medya, ay kanya fagayu magamut gugat at fun.

Ester 1:10

Ay gina sis fafituk menit nu maful, fun guseganan aroro ngayuk fanlangu at nainum. Kanya nafauro at nafili fag fituk fagsuguan tagalaga anya. Kafag ngay fagsuguan: Meuman, Bista, Karbuna, Bigta, Abagta, Setar, ay Karkas.

Fakasigadan 12:14

Ay kanya fagayu nu ndasug sas talun Igiptu, ngay taw Igiptu nalag te, Saray masine.

Ester 2:3

Filii sas galay afud talun am fagfagtainanan sik ngay fagsuguan laman nanrvbvy at masine fag ngay baguina ay gtaban stie sfuruan Susa, sa sangay mangena at bale. Ay fatigwanani sas Egay aroro kanya am fagsuguan at sadi tagalaga ngay mangena at bale. Kanya wan tagfon sa sangay baguina at ngay fagayudanun ay at ngay famasine.