Ester 1:19 - Fanawbuid tagsibaliwas Fakayabian

¹⁹ “Mesug fag fun, nu kaylat o, awati sik suguan laman am mangena Basti wa masine ya nangalagan emu, ay tubusi wa anya sik tagtungud tua anya nu matuyan. Ay fariruki kafag faugali ay fagamuti sas Persya ay Medya at faugali laman ban wa kabali.

Ester 1:19 Referans Kwoze

Ester 8:8

Nu katanya, awati sik suguan ay riruki sanya ku ngayan nusnga setaw ay fakaylatun griruk laman sa sangay taw Udyu at fagmabayanun, ay fae fagtoglagani siginan ku fanumyu. Aroro sik rirukan nu marirukan tua ku ngayan, ay nu nafae fagtoglagan tua siginan ku fanumyu wa gbadbalian ya.”

1 Samwel 15:28

Samwel nalong sas Saul te, “Katsi Yawi nabul wan siginan emu am fagmafunanun sa sangay taw Israel ay nafon wan sa sik taw tagtungud tua emu nu matuyan.

Ester 8:5

ay nalong te, “Nu mauseganan ktua sa emu, mesug fag fun, ay nu matuyan ktua ay masine sa emu, get au sa emu te, riruki sik suguan famayud e masuad Aman, Amedata at baguama fag taw Agag, at nafafagdaul fag suguan taglong te, fabuli fagayu taw Udyu sim fagfagtainanan.

Daniel 6:17

Sanya ginan, naukas Daniel sas fagubungan ngay liun ay nasuklub sik tagbia fag gang, ay fun ay at takadungug fag ngay taw nafae fakasafulan sanya fag fanuklub siginan fun at fanumyu laman we mananluab.

Ester 3:9

Mesug fag fun, nu kaylat o, sugui te, fabuli wan kanya fagayu. Ay namasa kbans fun at fagsuadan ramraman tuluk sandan limak safuluk salapi laman famayad sa sangay taw tagfakamulun takatanya.”

1 Fun 3:28

Ay ngay taw nu nadungug fun Sulumun at nafakamulun anke fakalimuun sa anya, aroro kanya fagayu nasaful te, fun Sulumun anke fagsafulun siginans Dius sa nu gfawabilugan.

Ester 1:21

Ay fun Akasuerus ay at ngay tagfangguna naylat Memukan at famalun ay nafaning wa fia katanya.

Ester 1:18

Ay katanya yangay ban ngay tagfangguna at ngay mangena sis Persya ay Medya at fagnamakamulunun nu nadungug sabaliwa fun at mangena at nafakamulun. Ngay mangena ban wa gsuyu ya at ngay mangama ay kauri way anya fagayu.

Ester 2:1

Fun Akasuerus at dotama nu nalyam wan, kanya namatang at bubay Basti ay at nafakamulun ay at nafariruk fag suguan tagalvngvdan sas Basti at nafakamulun.