Eremyas 8:12 - Fanawbuid tagsibaliwas Fakayabian

¹² O kanya fagayu kapla at ngay fakamulun at maksvn nu mauri? Duan! Kanya fagayu we apla ya! Nu katanya, glong au te, kanya fagayu umfaurianan yangay kata at ngay iba. Ay gina kban gfaurianan, kanya fagayu umkamin. Au, Yawi, taglong tuy.

Eremyas 8:12 Referans Kwoze

Eremyas 3:3

Kanya wan at fagyudun ya karak dewa abagat. Dewa katanya, kamaogatun yayam ay amatanganan kata sik mangena takamatugtug at yud kapla ya.

Eremyas 6:15

O kanya fagayu kapla at ngay fakamulun at maksvn nu mauri? Duan! Kanya fagayu we apla ya! Nu katanya, glong au te, kanya fagayu umfaurianan yangay kata at ngay iba. Ay gina kban gfaurianan, kanya fagayu umkamin. Au, Yawi, taglong tuy.”

Isayas 3:9

Ay katoglag sit ngay kamatan te, e ngay asalanan. Ay kanya fagayu wa kapla gfakamulun at mauri kata ngay taw Suduma nu yud gsuksuk at ngay fakamulun at mauri. Ida! Kanya fagayu afanyuan way lang! Kanya yay fag ngay taw at nafadasug faurianan sat sadili.

Alubad. 52:7

“Damai, kafag taw at yud gafanud sas Dius laman at tagbalabag. Abat ngate, kanya gseg way sat ngay ramraman laman kalangfe, ay aroro mangaro gfamut way at fagmabitsugun siginan nu gfamin at iba.”

Sefanias 3:5

Dewa katanya, Yawi at fagmasineun si tua gugat at furuan. Yawi gfakamulun at matuyan, ay gfasure at fagmatuyanun kayu balabag, ay katanya tua gugat. Dewa katanya, tagfakamulun at mauri we apla ya.”

Alubad. 52:1

Sik takadungug o fag taw, ay wain am fakamatungudunun sam fagmauriun? O nunda ebi ginan Dius at fagfangesugun wa gugat si emu?

Deuterunumyu 32:35

Yawi glong te, “Au ban at namasud ay at namaurianan anya fagayu, aroro sik buknga ban kanya fagayu umdangsal. Munakbang wan nu gfaurianan au anya fagayu.”

Filipus 3:19

Kanya ban at fungfung fakaminun way, aroro gseg at bilug at fakaylatun. At fagusegananun at mapla way, ay at fagamatanganun tagste way swa daga.

Usea 5:9

Talun Israel ban karasras gina gafaurianan fag menit. Anud, umfasludan ban ku longan sas Israel at ngay kasugfunanan.

Isayas 24:2

Sadi way ban fagayu taw at fakadasugan, dewa sik tagfon fanggalangun ay sik taw, ay dewa sik fun ay sik fagsuguan, ay dewa sik tagfaebayad ay sik tagbayad, ay dewa sik tagfabedan ay sik tagbedan.

Eremyas 6:21

Nu katanya, namoli au sa sangay taw at dalan sik fakataidan laman umlub. Ngay fagtainan ay at ngay sisian, anggan at ngay fagadgalangan ay at ngay fasabale umbul.”

Eremyas 10:15

ay we tungkul ay maksvn nu mauri. Gina ban gfaurianan fag menit, umkamin yangay ban at ngay awatan.

Eremyas 44:10

Dasug katsi, yam kamababaun ay yam kalimu angku. Ay wam gfaning ku ngay suguan ay ku ngay faugali ku nafon sa ayu ay sa ay ngay mangaguyang.

Esekyel 23:18

“Maksvn nu kauri au Uliba, ay naiyan au anya kata at kaka, aroro kanya gfataglayun nu gfalao at sadili.

Fakasigadan 19:34

Balabag di, at faglon nalong sat arian te, “Sad yabi nanamataladan au ta mama. Ay katsi ro gdog yap ta namainum ta mama sik malangu laman ro galangu, ay o man ro at namataladan anya laman ban umke sisian ta siginan anya.”

Eremyas 14:15

Nu katanya, au, Yawi, glong au te, namaurianan kwan kanya fag ngay taglong. Kanya fagayu gagbilug ku ngayan deyud au nafoyung ay glong te, ‘Wa ban e awayan ay e fanlunus iste fag talun.’ Dewa katanya, kanya ban fagayu umfaurianan sas awayan ay sas fanlunus.

Eremyas 23:12

Nu katanya, kanya fagayu at dalan umdulum ay umdangsal. Ay kanya fagayu umtaid ay umlub, aroro namadasug au sa anya fagayu fagidapun gina kban gfaurianan. Au, Yawi, taglong tuy.