Eremyas 8:1 - Fanawbuid tagsibaliwas Fakayabian

¹ Yawi glong yay fia te, “Ginanya yangay ban fag buknga, namul ban siginans fagfolian ngay fun at ngay bini, ay Uda at ngay tagfangguna at ngay bini, ay ngay tagfon fanggalangun, ay ngay taglong, ay tagbanwan sis furuan Erusalem at ngay bini.

Eremyas 8:1 Referans Kwoze

Esekyel 6:5

Ngay taw Israel, nu nbul ban am namarapyagan kban ay ngay bilug sa ay ngay fagsegan at salubangan, ay namarapyagan kyangay ban ay ngay butul say fagirugan at ligung.

Amus 2:1

Katatuy Yawi at longan sabaliwas Muab: “Ngay taw Muab gfataglayun way gugat nu gasalanan, nu katanya, namaurianan kban anya fagayu. Kanya fagayu nairug Edum at fun at ngay butul yakmay andafug.

Esekyel 37:1

Yawi at fagmabalyananun antayuk sa angku ay at Falad nataban angku sa sik wabilug datag tangayu fag bini.

2 Fun 23:20

Ay kanya nafabul fagayu tagfon fanggalangun tagfakamulun sanya fag ngay bale fagnansegan si tangabat fag ngay buknga, ay nairug at ngay bini. Sanya ginan, kanya noli wan sas Erusalem.

2 Fun 23:16

Kaduge Usyas gdama at furuan, kanya nalag sik fagfolian tagsis tungud buksul. Kanya nasugu laman namul ngay taw at bini siginan kafag fagfolian ay nairug sas fagirugan, laman gfauri kafag fagirugan, ay gfafasludan Yawi at longan ebi at nalong sat fagsuguan.

1 Fun 13:2

Yawi nasugu at fagsuguan laman namauri kafag fagirugan, ay glong te, “Katatuy Yawi at longan: E kasalug ban sik munama at ngayan Usyas, siginans Dabid at kasugfunanan. Ay gina ban an-gurang, kanya nangirug ste fag fagirugan ngay tagfon fanggalangun tagfakamulun si sangay fagnansegan si tangabat fag ngay buknga. Ay at ngay butul ban umkirug sanya.”

2 Fun 9:37

Kafag mangena at bilug anrapyag kata sik masuya sas Esreel at gamasun ay we toglag ya anya.”

Alubad. 53:5

Ay dewa katanya, sik menit ban umdasug say ngay fawayan sik malimu at yud batang nadalan. Dius namarapyag am ngay fawayan at ngay bini. Namapla o anya aroro Dius naiyan anya.

Eremyas 14:16

Ay e nangukas ban sas furuan Erusalem at ngay dalan at ngay kinbul at nafanud sanya fag ngay taglong. Kanya ban fagayu umbul sas awayan ay sas fanlunus. Wa ban e namoli ya at ngay mangena ay at ngay sisian. Ay namadasug kban sa anya fagayu at kasakan fag faurianan.

Esekyel 6:4

Nanrufa kyangay ban ay ngay fagirugan, ay anggan ngay fagirugan at mabebanglu fag lune ay gfabul kban ngay taw si sangay fagsegan at daga salubangan.