Eremyas 7:19 - Fanawbuid tagsibaliwas Fakayabian

¹⁹ O au kanya fagayu at nafauri? Duan! At ngay sadili yay at nafauri ay at nafapla.

Eremyas 7:19 Referans Kwoze

1 Kurintu 10:22

O kaylat tam gfauri Dius? O nu gamatangan am amabalyanan yap tam anya?

Eremyas 20:11

Yawi, kafag ngay taw at algan sa angku dewa kata kanya, gufud tuo angku. Kata o sik tagfawayan at maseganama ay at mabalyanan. Nu katanya, kanya ban fagayu wa gbabo angku ay umfaurianan ban ay umke fakaplaun takamatang gugat.

Eremyas 9:19

Dungugani sis Erusalem fag ngay taw nu gwayway. Kanya fagayu glong te, Nababawan watam! Ay anke fakaplaun tam! Ay gubun watam tam talun aroro anggan tam ngay bale ankiklas wan!”

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Isayas 45:16

Ngay takawat fagsegan umke fakaplaun.

Isayas 1:24

Nu katanya, em Fun, Yawi at Mabalyanan, Israel at Dius glong te, “Dungugani! Namadasug kban ku dotama ay namasud ku ngay fawayan siginan sik maksvn fag faurianan.

Isayas 1:20

Dewa katanya, nu gfataglayun way ban am kamabo angku, matuyan kabul ban am. Umfasludan takatatuy, aroro au Yawi taglong tuy.”

Ub 35:6

Dewa o anke asalanan, Dius wa kataip, dewa o kamabo, we masuad sa anya.

Esra 9:7

Gfasigad siginan em ngay mangaguyang dasug katsi, maksvn em ngay asalanan. Ay aroro gasalanan way mi anggan em ngay fun anggan tagfon fanggalangun, nagbilugan ami tibak talun at fun. Kanya fagayu nafabul tiba si emi, ay tiba natabanan, ay tiba nabulan at ramraman ay nafaplan, kata at kinfasludan sa emi katsi.

Deuterunumyu 32:16

Kanya fagayu nafasulup ay nafadotama Yawi, siginan nu gseg tibak fagsegan at maksvn nu mauri.

Eremyas 2:17

Ngay taw Israel, am yay at nafaurianan ayu, aroro natalyuyan am angku, au ay Dius Yawi at naufud ayu gina am glao.

Eremyas 8:19

Dungugani! Ku ngay kaiban gwayway kadungug sas fagdaul talun, ay glong te, “O nunda Yawi naubun wan furuan Erusalem? O nunda Siun at fun wa sanya ya?” Yawi nabalus te, “Wain ay fagnafadotamaun angku, siginan nu gseg am tibak fagsegan?”

Eremyas 15:9

E sik mina at ke baguama fitu. Kanya karanug ay gidapan gengasan. Aroro at ngay baguama kata sik menit at kinfalyu gina mamenit yay. Ay kanya umkapla aroro we baguama ya. Ay namabul kban sas awayan fagayu at sawad. Au, Yawi, taglong tuy.”

Eremyas 22:22

Nu katanya, namarapyagan au ay ngay tagfangguna kata tagmara at nafalayug fag ngay upa, ay ay ngay fagudgubukan fag ngay talun gatabanan. Umke fakaplaun am aroro sa ay fagmauriun.

Eremyas 25:7

“Dewa katanya, wam nadungugan Yawi. Abat ngate, nafaksvn wayam nu gfadotama am anya siginan ay nawat fag ngay fagsegan. Nu katanya, am wan at nafadasug sa ayu tuy fag faurianan.

Eremyas 44:3

aroro sa sangay taw tagbanwan sanya at ngay asalanan. Kanya fagayu nafadotama angku siginan nu girug at ngay famaebebanglu ay nu gseg tibak fagsegan at fagyudun toglag ay anggan at ngay mangaguyang at fagyudun toglag.

Esekyel 16:26

Nafagbilug yangay o am sadili sam fakbangan fag talun Igiptu at maksvn nu mauri. Nafadotama o angku siginan nu gfataglayun o gfagbilug am sadili.

Eremyas 3:25

Yawi em Dius, nanuksuan ami emu, aroro maksvn nu kapla ami emu, aroro ami ay anggan em ngay mangaguyang nafamabo ami emu.”