Biblia Todo Logo
Bib sou entènèt

- Piblisite -




Eremyas 4:6 - Fanawbuid tagsibaliwas Fakayabian

6 Fadasugi sik famararang sa sangay taw Erusalem laman kanya fagayu masakit glagyu, aroro namadasug au tagrasras siginans fawalan fag alvngvdan.”

Gade chapit la Kopi




Eremyas 4:6
19 Referans Kwoze  

“Fadungugi sa sangay talun foyungan at yud e masuksukan ay fabati sik ramit, famasaful te, talun Babilunya anrasras wan. Ay at ngay fagsegan at mapla anrufa wan anggan at fagsegan Bel ay Marduk anrufa yangay.


Fabati sik ramit famasaful te, gawayan wan! Uyupi ngay budyung sa sangay furuan! Falganani laman namawayan talun Babilunya. Sugui ngay talun Ararat, Mini ay Askenas at ngay tagfawayan laman namawayan. Filii yap sik tagfangguna laman namangguna namawayan talun Babilunya. Fadasugi ngay kabayu kayu ngay liung.


Fabati sik ramit famasaful te, namawayan talun Babilunya. Famuti yap ay ngay tagulit, ay agbilugi at furuan. Buknga wan Yawi nu namakamulun at algan laman sas talun Babilunya.”


namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.


Yawi nalong yay fia te, “Damai! E ngay tagfawayan kadasug siginans fawalan fag alvngvdan. Kanya fagayu siginan tangayayu ay at mabalyanan fag gaban taw at mafalganan laman namawayan.


“Benamin at ngay kasugfunanan, lagyui ay nanuksuani! Loi wan siginans furuan Erusalem! Ay uyupi ay budyung sas furuan Tekwa ay fadungugi anggan sas Bet-Akerem fag furuan, aroro faurianan kadasug wan siginans fawalan fag alvngvdan.


Seduge ya ban manga nu glag au famasaful fag ramit sabaliwa nu gawayan, ay nu gdungug au budyung at awang?”


Ngay taw Erusalem, duksuni siginan ay furuan at ngay sakbawan, ay falganani ay fasinei ay ngay kaiban at dalan. Buli wan ngay gang, ay fabati sik famasaful sa sangay taw te, Yawi gfauli wan at ngay taw.


Au, Yawi, glong au te, ginanya yangay ban fag menit, dumungug ban am tagwaywayan sis Erusalem at sakbawan at ngayan te, Sakbawan Albon. Ay dumungug yangay ban am tagbia fag uro siginan at bagu fag afud furuan, ay tagsi sangay buksul fag ngay bale nu kafugfug.


Umdungug ban sas fagdaul talun Babilunya ngay taw nu gwayway aroro kanya fag talun anrasras wan.


Fadungugi nu gudguroan am gfawayan, ay nu grasras am.


Ay o Sedekya, Uda at fun, ay am ngay tagfangguna, ay anggan ban fagayu at kinsawad at yud anbul sas faurianan, sas awayan, ay sas lunus, namon au ayu sa ay fawayan Nabukudunusur, Babilunya at fun. Ay kanya ban we afanyu ya gfabul ayu. Au, Yawi, taglong tuy.’


“Nu katanya, nanlong o sa sangay taw Uda ay sa sangay taw Erusalem te, ‘Dungugani! E algan au namaurianan ayu. Nu katanya, faragangi wan nu gugali am at mauri. Ay galay am at sadi ubuni wan ay fakamulun ay anggan ay ugali at mauri.’


Namadasug au at nangiklas emu ay kanya ban fagayu mesa gbuba at fanrasras ay gfuan am ngay turuk sidru ay gukas sasad afuy.


At malayung fag ngay kabayu at faguyudanun fag faguyudan glao sa sik talun sabaliwas wala fag alvngvdan, ay at malaksi fag ngay kabayu at faguyudanun fag faguyudan glao sa sik talun sabaliwa fakayabian, ay at mariruk fag ngay kabayu at faguyudanun fag faguyudan glao sa sik talun sabaliwas siun fag alvngvdan.”


Dungugani ngay tagfawayan takadasug siginans fawalan fag alvngvdan nu gtadtalasan! Kanya fagayu nanrasras Uda at ngay furuan ay at namanwan ban sanya ngay idu talun way lang.


Sanya ginan, nadungug au Dius nu garingang daul te, “Ngay taw ke algan namaurianan furuan Erusalem, gewan, bubai ay ngay famabul.”


Sanya ginan, e unumk taw at nasakbo sas sakbawan tagsabaliwas fawalan. Kanya fagayu e buba famabul. Ay e fadgaloan sik taw galanbungan at masine fag ramit ay e ba fanriruk sit fagwan. Kanya fagayu malindug sis day fagirugan mawatan tansu.


Swiv nou:

Piblisite


Piblisite