Eremyas 4:13 - Fanawbuid tagsibaliwas Fakayabian

¹³ Damai! Tam ngay fawayan kadasug kata sik ngay linyabu. At ngay faguyudan fangawayan kata sik tagbaribungan fag tagmara, ay at ngay kabayu asakit yap bio. Afanyuan tam aroro katsi wan tam fakatabuan!

Eremyas 4:13 Referans Kwoze

Isayas 19:1

Katatuy at foyungan sabaliwas talun Igiptu: Damai! Yawi gsakay sis linyabu ay masakit nu kadasug sas talun Igiptu.

Isayas 66:15

Dungugani! Yawi kadasug wan, gbuba afuy. Kanya gsakay sit ngay famawayan fag ngay faguyudan ay kata sik fulug tagbaribungan. Kanya namalag at dotama sat ngay fawayan, ay namaurianan anya fagayu siginan sik igang.

Abakuk 1:8

At ngay kabayu amatarung yap ngay leupardu, ay amadot yap ngay idu talun tagfanloan sad yabi. Ay at ngay kabayu gtarung yangay siginan tangayayu fag talun, kata sik bio at masakit nanyukfu at fagnangonun.

Takabalu 4:19

Tagfafalo emi fag ngay fawayan asakit yap sik bio. Ay kanya fagayu gfafalo emi sa sangay buksul ay nanbalabag emi sat yud e taw fag talun, laman namawayan.

Isayas 5:28

At ngay fiso maglat, ay at ngay godun mafalganan wan. Ay fagayu at ngay kabayu at u katugas sik gang, ay at ngay faguyudan at ke balingkitan masakit kata sik tagbaribungan fag tagmara.

Naum 1:3

Yawi di vtv gfangadotama, dewa katanya, mabalyanan tua, ay gfaurianan fagayu tagfakamulun mauri. Ay nu nadalan, kata sik tagridribudan fag tagmara ay at maksvn fag fulug. Ay linyabu kata lukbu nu kanus sit darafa.

Isayas 13:5

Kanya fagayu siginan tangayayu fag ngay talun. Yawi ay at ngay tagfawayan rumasras fagdaul talun.

Deuterunumyu 28:49

Yawi ban namafawayan ayu sa sik gaban taw tagsaman ayu at fangaringang, tagsiginan sik fungfung daga. Kanya ban fagayu namawayan ayu kata sik bio nu gyukfu at ngay fagnanggamatun.

Eremyas 4:31

Nadungug au sik maksvn fag wayway ay fag fandeng kata sik mangena nu gfandeng gina gfasalug at ngenge taguna. Katanya ngay taw Erusalem nu gfandeng. Kanya fagayu gfalugde at ngay take ay gfainfanyuan get gubuk ay glong te, “Karanug au. Ku ngay fawayan namabul wan angku.”

At Nafasure 1:7

Amatangani, kanya ban kadasug siginan sad linyabu. Fagayu ban taw lumag anya, anggan ban fagayu at naurus at tigyangan. Ay fagayu ban taw ste swa daga gwayway aroro kalimu te, gafaurianan way ban manga. Anud, umfasludan wa nangus fia takatanya.

Mateu 24:30

Ay sanya ginan umsure Taw at Baguama at fakatoglagan sis banwa. Ay ginanya, fagayu taw sas fagdaul daga kabalu. Ay kanya ban fagayu lumag angku Taw at Baguama nu kadasug au sis linyabu sis banwa, ay e fagmabalyananun au ay e fagmasineun au daul.

Usea 8:1

Uyupi ay ngay budyung laman sik famararang sa ku ngay taw, aroro at ngay fawayan namawayan anya fagayu kasakit sik bio, aroro ku ngay taw wa nafae masuad em nasadian ay wa nafaning ku ngay foyungan.

Daniel 7:4

“Taguna fag mangilafang kata sik liun, ay e fakfak kata sik manuk tungud. Nalag au at fakfak nu kagatvng. Ay kanya namalindug kata sik taw ay anke amatanganan kata sik taw.

Eremyas 10:19

Ngay taw Erusalem glong te, “Maksvn wan nu gafaurianan tam! Tam ngay bangbang wa kafia ya. Dewa katanya, ginkidapan watam.

2 Samwel 1:23

Ngay taw Israel maksvn nu kesug Saul ay Yunatan. Dewa sas fagmanabayanun ay sas fakabulun gadgaloan tua gugat. Ay kanya fagayu gina gfawayan, amasakit yap tua bio ay amabitsug yap tua sik liun.

Isayas 3:8

Matuyan, Uda ay furuan Erusalem umrasras wan, aroro ngay taw tagbanwan sanya nafamabo Yawi, siginan nu gfakamulun ay nu glong at mauri. Ay kanya fagayu dewa sis Yawi daga salubangan glong at mauri sa anya.

Eremyas 4:12

Kanya at maksvn fag tagmara siginan tua angku. Katsi nanlong au sa anya fagayu ku faurianan.”

Eremyas 9:19

Dungugani sis Erusalem fag ngay taw nu gwayway. Kanya fagayu glong te, Nababawan watam! Ay anke fakaplaun tam! Ay gubun watam tam talun aroro anggan tam ngay bale ankiklas wan!”

Eremyas 49:22

Damai! Ngay fawayan kata sik bio masakit nu glayug laman nanggamat ngay taw Busra. Ay ginanya ban fag ngay buknga, Edum at ngay tagfawayan gtadtaruyan kalimu kata sik mangena tagafasalugun wan.”

Esekyel 26:10

At kayuan ban at famawayan fag ngay kabayu umsuklub ban am lukbu. Ay anggan ban ay ngay alad guigan at kaksvnan at ngay kabayu ay at ngay faguyudan ke balingkitan nu gtalas gina ban gsakbo sa ay furuan at maiklasan.

Esekyel 38:9

Nu katanya, tabani am ngay tagfawayan ay am fadgaloan fag ngay talun at ngay tagfawayan ay namawayan am sas Israel kata sik fulug, ay nanligung am anya kata sik linyabu.’ ”

Daniel 11:40

“Sa bans fakatabuan, tagsis fasiunan fag fun namawayan tagsis fawalan fag fun. Dewa katanya, tagsis fawalan fag fun e ngay sakayan famawayan, ay e ngay tagfawayan tagakabayuan ay ngayuk tagfawayan tagsi sangay sakayan lino laman namawayan anya. Kanya fagayu namawayan ngayuk talun kata lugwak nu giklas.

Mikas 2:4

Ginanya ban, ngay taw gfalingun ayu siginan nu galubad at mabalu te, ‘Katsi afanyuan wami! Yawi nagbilug wan em ngay daga ay nafon sa sangay tagfandaya.’ ”

Eremyas 6:23

Kanya fagayu e ngay godun ay e ngay bangko, ay madot ay we afanyu. Ay kaduge gsakay sit ngay kabayu, at aringang kata sik lugwak nu gfawas. Kanya fagayu kadasug laman namawayan ayu, ngay taw Erusalem.”

Eremyas 46:18

Au Yawi at Mabalyanan ay Fun, gfatuyanan au te, kafanud nu gleleg au, e namabo ban talun Igiptu amabitsug yap tua tibak fawayan, kata Buksul Tabur tagsis wabilug ngay buksul, ay buksul Karmel tagsis tigyangan dagat.

Eremyas 48:40

Yawi glong yay fia te, “Damai! Muab at ngay fawayan kata sik bio at masakit nu glayug laman nanggamat at fagnangonun.

Sakaryas 6:1

E nalag kyangay ufatk faguyudan naduksun siginans wabilug duak buksul tansu.