Eremyas 24:9 - Fanawbuid tagsibaliwas Fakayabian

⁹ Nama sik masuya au anya fagayu sa sangay fagfunanun sas fagdaul daga. Ay tiba bank talun gfalingun ay gfauri anya fagayu nusnga nday nu gbanwan.

Eremyas 24:9 Referans Kwoze

Eremyas 29:18

Anud, awayan ban ay fanlunus ay fakasaitun gfafalo anya fagayu, ay tiba bank fagfagtainanan gfalingun anya fagayu. Ay gaiyan kban anya fagayu sas nusnga nday fag talun, ay ngay taw ban gfauri, gfalingun, ay kadotama maksvn anya fagayu.

Eremyas 15:4

Fagayu ban talun at ngay taw sas fagdaul daga kasuya anya fagayu, aroro sas Manase, Esekyas at baguama, at nafakamulun sas furuan Erusalem ebi gina kanya gfunan sis Uda.

Deuterunumyu 28:37

Nusnga nday ban fag talun nu gatabanan am, ngay taw ban tagbanwan sanya kauri ay gfalingun ay gfapla ayu.

Eremyas 34:17

“Nu katanya, au, Yawi, glong au te, aroro wam nafaning angku ay wam nafalfas ay ngay fagsuguan ay ngay kaiban fag ngay taw Udyu, namalfas au ayu laman kabul am sas awayan, sas fanlunus ay sas fakasaitun. Ay namasik masuya au ayu sas fagayu fagfagtainanan at daga salubangan sas fagdaul daga.

1 Fun 9:7

gaiyan kban ngay taw Israel siginan ku nafon anya fag talun, ay gfayud kban e masuad tuy fag bale ku nafasaman laman ay fagnamauseganan angku. Ay fagayu ban taw kase gfalingun ayu fag ngay taw Israel.

Eremyas 29:22

Aroro sat kinfasludan, ngay taw Uda at natabanan sas talun Babilunya gfatuyanan sat ngay iba te, ‘Yawi nangus gfabul wan emu kata talun Babilunya at fun nu girug Sedekya ay Akab.’

Eremyas 26:6

grasras kban tuy fag bale kata ku nafakamulun sis Silu. Ay fagayu ban talun sas fagdaul daga gfauri kanya fag furuan!’ ”

Eremyas 25:18

Nafainum kwan sas Erusalem ay sa sangay furuan tagsis Uda anggan sat ngay fun ay sat ngay tagfangguna laman umfaurianan wan. Ay tiba bank taw umdulo at kindasug sa anya fagayu, ay gfalingun ay gfauri, kata takafasludan katsi.

Isayas 65:15

Ay ku ngay fagsuguan ban gfauri ay ngayan, ay au Fun Yawi, at namabul ayu. Dewa katanya, namon kban sa ku ngay fagsuguan at bagu fag ngay ngayan.

2 Krunika 7:20

gaiyan kban ayu siginan ku nafon ayu fag talun ay gfayud kban e masuad tuy fag bale ku nafasaman laman gfauseganan am angku. Ay fagayu ban taw kase gfalingun tuy fag bale.

Deuterunumyu 28:25

Yawi ban gfababawan ayu sa ay ngay fawayan. Masadi ban am namawayan anya fagayu, dewa katanya, gsaruayan way ban am ay glagyu anya fagayu. Ay umsik mauri ban am sas fagayu fagfagtainanan sas fagdaul daga.

Esekyel 26:2

“Taw at baguama, ngay taw Tiru maksvn nu guseganan gina furuan Erusalem karasras. Kafag ngay taw glong te, ‘Ngay tagfalao at fagnamalaoan gugat fag furuan anrasras wan, nu katanya, kanya ban fagayu stae wan sa antam ay itam man ban takaramraman.’

Esekyel 25:3

Nanlong o sa sangay tagbanwan sanya te, dungugani angku. Au, Fun Dius Yawi, glong au te, gina e grasras talun Israel ay gina e gtaban ngay taw Uda, guseganan wayam.

Eremyas 44:22

Yawi wa nkagwanta ay ngay nafakamulun at mauri ay at masuya, nu katanya, kanya narasras ay talun ay ansik mabaluanan aroro we gbanwan ya.

Eremyas 44:12

Am at kinsawad tagleleg sis talun Uda at nafabulunan glao sties talun Igiptu, umbul ban am, fagayu am at yud e kwa ay anggan takadungug. Kabul ban am sis awayan ay sis fanlunus. Ay e gfauri ban ay e gfalingun ayu.

Eremyas 42:18

Yawi at Mabalyanan, Israel at Dius, glong yay fia te, ‘Nu setain nu gfalag au sa sangay taw Erusalem nu kadotama au maksvn, gfalag kyangay ban sa ayu ku fandotaman nu glao way ban am sas talun Igiptu. Ngay taw ban maksvn nu gfauri ayu. Kanya ban fagayu gfalingun ay gngayan ban ayu te, mauri, ay wa ban am makafoli ya stae fag talun.’

Eremyas 19:8

Nangiklas kban at furuan daul ay umsik fagfalingunun ban. Ay fagayu ban tagdalan sanya fag furuan garinun ay gfalingun sat kinfasludan.

Alubad. 69:11

Nu nasulun au saku laman gfalag te, kabalu au, kanya fagayu kase way.

Isayas 43:28

Nu katanya, nafae fakaplaun au am ngay tagfon fanggalangun, ay o, Israel, nafabayan au emu gafaurianan ay gafaplan.

Esekyel 5:8

Nu katanya, Au, Yawi ay Fun, kadotama au ayu. Namaurianan kban ayu sa sangay talun at daga salubangan.

Esekyel 23:46

“Au, Fun Dius Yawi at nasugu ngay taw sas duksay laman namawayan ay namalimu, ay nangago at ngay ramraman.

Eremyas 44:13

Gfaurianan au ayu siginans fanlunus ay fakasaitun ay awayan, kaduge am gbanwan sis Igiptu, kata nu nafaurianan au Erusalem.