Eremyas 2:7 - Fanawbuid tagsibaliwas Fakayabian

⁷ Ay nataban au ayu sat masine fag daga laman umke gutluan am, dewa katanya, fagnabanwan di am sanya, nafauri am ku nafili fag daga ay ansik mauri am.

Eremyas 2:7 Referans Kwoze

Eremyas 16:18

Nu katanya, namasud au anya fagayu duak kaksvn at fagmauriun ay at asalanan, siginan nu gfasuya ku talun ay siginan at ngay fagsegan at mauri ay at yud gleleg.”

Tap 13:27

Ay kanya fagayu nalong sas Muisis te, “Nalao ami sam nasugu emi fag talun, ay nalag ami te, kafag talun masine tua ay maramraman. Ay tuy wan tibak rawvg.

Esekyel 36:17

“Taw at baguama, ebi ngay taw Israel gina gbanwan sit talun, kanya fagayu nafasuya at talun siginan at mauri fag ngay fakamulun. Kafag ngay taw at ugali masuya kata mangena gina gfangigusan.

Eremyas 3:9

Ngay taw Israel nafasuya at furuan siginan nu gseg tibak fagsegan at mawatan siginan gang ay kayu. Kanya wa nasalagan nu gseg tibak fagsegan.

Eremyas 3:1

Sik mangama nu naiyan wan at bubay ay at bubay nu nanangadadwa wan sa tibak mangama, kafag mangama wa masine ya gbul at bubay, aroro takatanya fag mangena gfasuya fagdaul talun. Nu katanya, am fag ngay taw Israel kata yangay am takamatugtug fag mangena. Kesug am ngayuk fagsegan. Ay takaksvn nya ay nafakamulun at mauri, tain nu manangafoli am sa angku? Au, Yawi, taglong tuy.

Mikas 2:10

Nu katanya, loi wan ste ginans talun Israel aroro wa ban am manabayan, aroro ay ngay asalanan nafasuya ay furuan. Tuy ban fag furuan umrasras ay wa ban e tungkul ya.

Esekyel 20:6

Ginanya, nafatuyanan au sa anya fagayu te, namalfas kwan anya fagayu siginans talun Igiptu ay nantaban kban sa ku nafili fag talun, sat masine ay at maramraman fag talun, tagtungud tua sas fagayu talun nu masine.

Nemyas 9:25

Am ngay taw nagbilug ngay furuan ayu daul at ke ngay alad ay anggan at masine fag ngay daga. Ay nagbilug yangay ngay bale at mapnu ngay fagagbilugun, ngay bubun, ngay tanuman ubas, tanum ulibu ay ngayu yak fun kayu tagrawvg. Kanya fagayu nafangon ay napsug ay antaglu. Ay maksvn nu guseganan sam ngay nafakamulun at masine.

Deuterunumyu 21:23

lag gfadasug sbalabag nu marabingan. Ginanya yay fag menit namolii wan anya, aroro Dius wa kaylat sik taw at marabingan sis kayu. Lag gfasik masuya ay talun ay Dius Yawi at fagnamonun ayu laman ay fagnangagbilugun.

Deuterunumyu 6:18

Fakamuluni at matuyan ay at masine sis Yawi at daga salubangan. Laman umsine ay kayaunanan ay magbilug am at masine fag daga at nafatuyanan sa ay ngay mangaguyang.

Eremyas 3:2

Damai fia sis talun at yud e taw fag ngay tagbudbuksulanun. O nunda e ngay buknga yay sanya ay yud nafasuya? Nafasuya am ay talun. Kata am takamatugtug fag mangena tagmalunggung gugat sis day dalan laman gfanya mangama, ay kata am at mauri fag taw tagfanya at fagfauriun fag taw sis talun at yud e taw. Nafasuya wam ay daga aroro sa ay fagmauriun, ay sa nu gseg am tibak fagsegan.

Eremyas 32:23

Ay kanya fagayu nagbilug kanya fag daga, dewa katanya wa nafaning emu ay am ngay suguan, ay wa nafakamulun am suguan sa anya fagayu te, fakamuluni. Nu katanya, nafadasug o faurianan sa anya fagayu.

Eremyas 32:30

“Au, Yawi, glong au te, siginan ebi, ngay taw Uda ay ngay taw Israel at nafakamulun mauri way. Kanya fagayu nafadotama angku siginan at nafakamulun mauri.

Esekyel 20:28

Aroro gina au natabanan kafag ngay taw sa ku nafatuyanan fag daga, kanya fagayu nafon at ngay fanggalangun: ngay famaebebanglu fag lune ay ngay fanginum, si tangabat fag buksul ay sis daga fun kayu at marabung. Nu katanya, andotama au anya fagayu.

Usea 9:3

Gubun ban am Israel, Yawi at talun, ay kafoli ban am sas talun Igiptu, ay tiba malao sas Asirya, ay sanya nu kon at masuya fag fakonun.

Deuterunumyu 32:9

Yawi nafili Akub at kasugfunanan, laman at ngay taw.

Nemyas 9:26

“Dewa katanya, kanya fagayu kamabo yay gugat ay gasalanan sa emu. Ay natalyuyan am ngay suguan, ay nafabul am ngay taglong takaylat kafoli sa emu, ay maksvn nu kauri emu.

Isayas 19:25

Yawi at Mabalyanan mamanyun ban anya fagayu ay glong te, “Gfamanyun au ku ngay taw Igiptu, ay ngay taw Asirya, ku ngay nawat, ay taw Israel ku fagagbilugun.”

Esekyel 20:24

Aroro kafag ngay taw wa nafaning ku ngay faugali, ay wa nafae masuad Famiangalay fag Menit. Nu bunway at fagugatanun gseg way at ngay fagtainan at ngay fagsegan.

Esekyel 23:35

“Ay aroro nalyam o ay naiyan o angku, au, Fun Dius Yawi, glong au te, gidapan ban o aroro am ugali mauri ay nafamatugtug o sa tibak mangama.”