Eremyas 2:6 - Fanawbuid tagsibaliwas Fakayabian

⁶ Kanya fagayu wa grvbvy ya angku dewa au at nafalangfe siginans talun Igiptu, ay at nafangguna sas talun at yud e taw, ay sa tagagangun, ay sat magong fag daga, ay sa sangay buksul, ay sat malimu, ay sat yud e gbanwan, ay sat yud e gdalan ya.

Eremyas 2:6 Referans Kwoze

Deuterunumyu 32:10

Yawi nalag anya fagayu sis talun at yud e taw, sas talun at yud bangan e gtugbung ngay fananum. Ay kanya nalaga kanya fag ngay taw kata sik taw nu gdiri at mata.

Usea 13:4

Au ay Dius Yawi at nafalfas ayu siginans talun Igiptu. Wam e fagtoglagun ya tibak Dius at mafalangfe ayu, nu bunway au way lang.

Mateu 4:16

At ngay malunggung sisad madulum nalag sik fagmayamagun daul. Ay tiba at malunggung sas fakabulun fag talun ay sis fakabulun at lanbung ansure yangay sa anya sik fagmayamagun.”

Usea 12:13

Siginans Muisis fag taglong, nafalfas au ayu siginans talun Igiptu ay naulit.

Eremyas 5:2

Dewa am glong te, ‘Gfatuyanan au sas Yawi, tagleleg fag Dius,’ kamuag wayam.”

Eremyas 2:8

Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Eremyas 2:2

“Loi sas furuan Erusalem ay nanlong o sa sangay taw te, ‘Namatang au ebi ay fagmatuyanun ay nu kesug am angku kata sik baguina at bagu kadadwa. Nafaning tuam angku dewa am sis talun at yud e taw sat yud batang e gtanum fag daga.

Isayas 64:7

Nusdi sadi si emi we nangakbang sa emu ay gugatan nanted emu, aroro anyayu wo emi, ay nafabayan wo nu kabul ami aroro sa em ngay asalanan.

Isayas 63:9

Nusnga setaw kafag ngay taw at nabaluan, kanya anbalu yangay, ay kanya nafalangfe tua anya fagayu siginan at tagbarita tagfasure at fagmasineun. Kanya kesug tua ay kafanyu anya fagayu, ay nafalangfe. Siginan ebi, kanya gulit tua anya fagayu kayu menit.

Alubad. 77:5

Gamatang kway gugat at kinlangfe fag ngay menit ay fag ngay banwa.

Alubad. 23:4

Kwa kalimu dewa au glao sat madulum fag dalan, aroro o wan ku ufud. Am famalang ay am tulag tagdiri ay tagfasun angku.

Ub 35:10

Dewa katanya, kanya fagayu wa get sat nawat anya fag Dius, ay tagfon fagmanabayanun gina e fagidapun.

Ub 3:5

Ginanya nangus madulum way gugat ay mannga linyabu gfarum way gugat menit, ay fagmadulumun nangus nafarum wan menit.

2 Fun 2:14

Kanya nafafalang sas mamam Elyas at lanbung ay nalong te, “Dada wan Yawi, Elyas at Dius?” Nu nafakamulun katanya, mamam ankafud ay kanya nadife wan.

Tagfangguna 6:13

Gidyun gbalus te, “Yawi nangus nu si tua emi, wain fakatatuyun em kayaunanan? Wain kanya at fagyudun gfakamulun at madulo kata ebi at nafakamulun gina gfalangfe em ngay mangaguyang siginans talun Igiptu? Katsi Yawi nafabayan wan emi ay nafon sa sangay taw Midyan.”

Nu Galin 20:2

“Au wan ay Dius Yawi at nafaduksun ayu siginans talun Igiptu nu inda nu gafagsuguanan am.

Deuterunumyu 1:19

Kata Yawi tam Dius at suguan antam, nalao tam siginans Buksul Sinay, ay nalao tam sa ay nalag fag talun tagbia ay at malimu at yud e taw, ay nataglayun tam sa sangay taw Amur at talun at ke ngay buksul. Ay gina tam andasug sas Kades-Barnea,

Eremyas 13:16

Fauseganani ay Dius Yawi kaduge yud nafadasug fagmadulumun, ay gina am yud anlub sat madulum fag ngay buksul. Kanya ban namasik maksvn fag fagmadulumun ay fagsegun fag mayamag.

Eremyas 51:43

Ay sanya fag ngay furuan mabaluanan way lang kata sik talun at yud e gbanwan ya ay at yud e gdalan ya.

Deuterunumyu 8:2

Amatangani nu setain Yawi nu gufud ayu gina am glao sis talun at yud e taw kaduge ufatk safuluk banwa. Kanya nafakamulun sa ayu takatanya laman kamababaun tuam ay namaskud ayu te, o gfaning tua ban am fia at suguan ay duan.

Eremyas 5:12

Kanya fagayu wa gfoyung at matuyan sabaliwa angku. Abat ngate, glong way te, ‘Yawi wa gfaurianan antam! We faurianan, we malimu, ay we fanlunus takadasug sa antam.’

Amus 2:10

Ay nafalfas kwan at ngay mangaguyang siginans talun Igiptu, ay nagubuk au anya fagayu sis talun at yud e taw kaduge ufatk safuluk banwa, laman manangagbilug ngay taw Amur at daga.