Eremyas 2:22 - Fanawbuid tagsibaliwas Fakayabian

²² Dewa am gigus gugat ay grarus sa ay ngay bilug balugu, e lagan kyay gugat ay ngay asalanan. Au Yawi, ay Fun, taglong tuy.

Eremyas 2:22 Referans Kwoze

Eremyas 17:1

Yawi nalong te, “Ngay taw Uda, ay ngay asalanan marirukan si ay ngay amatanganan takamaogatun kata sik ngay longan at marirukan sis gang ay sis sunge tagsis fagirugan at ngay fugungan.

Ub 14:17

Ay gfalyam ban o ku fagmauriun kata nu masuadan si sik fagsuadan, ay natabun laman wo glag ya.

Usea 13:12

Kwa kalyam ay ngay asalanan. Kata am sik rirukan at masifigan ay nasuksuk.

Eremyas 16:17

Nalag au kanya fagayu at ugali ay we masuksuk sa angku. Ay nalag kyangay kanya fagayu at ngay asalanan.

Alubad. 130:3

Yawi ku Fun, nu nariruk ro wo em ngay asalanan, sinu ya ro at kumsawad si emi, sim daga salubangan?

Amus 8:7

Nu katanya, Yawi, Akub at ngay kasugfunanan at fakamatungudunun fag Dius, nafaksvn glong te, “Kwa ban kalyam ya ay ngay nafakamulun mauri.

Alubad. 90:8

Saful way o em ngay asalanan, ay anggan em fagsuksukun fag ngay fakamulun ansaful sim fagmayamagun.

Deuterunumyu 32:34

Yawi saful way kafag ngay taw at nafakamulun, ay nafaful yay at ngay fakamulun takatanya ay gfanya sik buknga laman gfaurianan anya fagayu.

Eremyas 4:14

“Ngay taw Erusalem, talyuyani wan ay asalanan laman umlangfe tuam. Seduge ya ban nu gamatangan am sat mauri?

2 Samwel 11:12

Ay Dabid nalong te, “Katsi fag yabi ste yap o, ay balabag ban gfafoli kwa emu sas fagawayanan.” Ay ginanya fag menit Uryas ya nalao siginans Erusalem. Ay balabag di,

Esekyel 24:6

Aroro au, Fun Dius Yawi, glong au te, takamabul fag ngay taw Erusalem afanyuan wan. Kafag furuan wa kafasine ya kata sik bisu taganenay wan. Nu katanya, fasadsadiani buli am sineud fag yamas. Ay lag o gfili ya.