Eremyas 2:2 - Fanawbuid tagsibaliwas Fakayabian

² “Loi sas furuan Erusalem ay nanlong o sa sangay taw te, ‘Namatang au ebi ay fagmatuyanun ay nu kesug am angku kata sik baguina at bagu kadadwa. Nafaning tuam angku dewa am sis talun at yud e taw sat yud batang e gtanum fag daga.

Eremyas 2:2 Referans Kwoze

Esekyel 16:60

Dewa katanya, namafasludan kyay ban ku nasadian sa emu ebi gina o mabaguina, ay nangawat au ta nasadian at yud ban e fakatabuan.

Esekyel 16:8

“ ‘Ay gina au nadog nadalan emu, nalag au te, baguina wo. Nu katanya, nafae lanbung au emu, ay nafatuyanan au te, kesug au emu. Ay nawat au sik nasadian sa emu te, au wan tagagbilug emu. Au, Fun Dius Yawi, taglong tuy.

Eremyas 11:6

Sanya ginan, Yawi gdog yay nalong sa angku te, “Loi sa sangay furuan tagsis Uda ay sas furuan Erusalem fag ngay fagaweanan ay nanlong o sanya fag ngay taw te, ‘Amatangi ay nasadian ay faningi at marirukan sanya.

Eremyas 7:2

“Loi wan sa ku bale ay nanmalindug o sas sakbawan ay fadungugi sa ku ngay taw ku longan emu te, ‘Am fag ngay taw Uda tagseg Yawi at nangaful gugat stae fag bale, dungugani.

Deuterunumyu 2:7

Amatangi nu setain nu ggubuk au ayu sas fagayu ay nafakamulun. Au Yawi at nalaga ayu gina am glao si tangayayu fag talun at yud e gbanwan kaduge ufatk safuluk banwa, ay kadugenya diam nayudan nusnge wain.’ ”

Usea 2:15

Nu nfoli ban mi, gdog au namafoli sa anya at ngay tanuman, ay datag Akur, nangawat au sik sakbawan tagfon fagsegun. Ay kanya ban gbalus angku kata at nafakamulun ebi, gina au gfalfas anya siginans talun Igiptu.”

Eremyas 2:6

Kanya fagayu wa grvbvy ya angku dewa au at nafalangfe siginans talun Igiptu, ay at nafangguna sas talun at yud e taw, ay sa tagagangun, ay sat magong fag daga, ay sa sangay buksul, ay sat malimu, ay sat yud e gbanwan, ay sat yud e gdalan ya.

Deuterunumyu 8:2

Amatangani nu setain Yawi nu gufud ayu gina am glao sis talun at yud e taw kaduge ufatk safuluk banwa. Kanya nafakamulun sa ayu takatanya laman kamababaun tuam ay namaskud ayu te, o gfaning tua ban am fia at suguan ay duan.

Nu Galin 14:31

Ay ngay taw Israel nu nalag Yawi at nafakamulun sa sangay taw Igiptu, kanya fagayu anlimu ay nafanud sas Yawi ay anggan sat fagsuguan Muisis.

Mateu 11:15

Fagayu am tagdungugan, amatangani tua fia.

Lukas 12:13

Ay sanya fag ngay taw at sadi nalong sas Isus te, “Takamoyung, longi sa ku faduksay te, afudi wan em mama at ramraman ay foni angku ku ekwan.”

Unas 1:2

“Loi wan sas furuan daul Ninibe, ay namararang o sanya, aroro at ngay taw at fagmauriun andasug wan sa angku.”

Usea 8:1

Uyupi ay ngay budyung laman sik famararang sa ku ngay taw, aroro at ngay fawayan namawayan anya fagayu kasakit sik bio, aroro ku ngay taw wa nafae masuad em nasadian ay wa nafaning ku ngay foyungan.

Esekyel 23:19

Dewa katanya, kanya gfataglayun way gugat nu kamatugtug kata at nafakamulun sis talun Igiptu ebi gina yay sik baguina.

Esekyel 23:8

Kanya wa gfaragang nu kamatugtug at nafasigad gina nasas talun Igiptu. Siginan nu sik baguina, kanya kamatugtug wan, ay ngay mangama nagbilug anya.

Esekyel 23:3

Kafag duksay gina masisian, nafamatugtug sas talun Igiptu. Ay duksay gfabayan way lang ngay mangama nu gfakamulun at fakaylatun sa anya.

Esekyel 16:22

Sas fagayu am nafakamulun at mauri ay nu gfagbilug o am sadili, wo namatangan ya nu setain nu galaga au emu, gina o mabaguina, ay gina o malulasan ay gina o glelegan ayu sirut sim sadili taguk.

Eremyas 19:2

ay loi sas datag Ben-Inum munakbang sis Fagukasan ngay Tikung at Marufan fag sakbawan. Ay nu ndasug ro am sanya, longi ro sa anya fagayu ku ngay nalong emu.

Isayas 58:1

Yawi nalong te, “Faksvni nu guro am ay lag gfaragang, kata budyung nu gawang! Longi sa ku ngay taw, Akub at ngay kasugfunanan at ngay asalanan ay at fakamaboun.

Sulumun at Alubad 3:11

Erusalem at ngay baguina, duksuni! Damai fun Sulumun nu gasangboan. At mina at nafasangboan anya laman at fon, gina kanya kadadwa ay guseganan maksvn.

Fangatulun 1:20

Fagsafulun kata sik takamoyung gfoyung sa sangay dalan, ay sas fagaweanan, ay sas furuan daul ngay taw at fagnamalaoan ay fagnamulan nusnge wain, ay sa sangay furuan daul at sakbawan, ay kanya glong te,

Nu Galin 16:8

Ay Muisis nalong yay fia te, “Yawi namon ayu sik ngay yamas ay fakonun sad yabi, ay balabag ban sbalabag, namapsug ayu tinapay aroro nadungug nu kamayud am sa anya. Wain ay fagfayudun emi? Wa sa emi nu kamayud am, nu bunway sa tuas Yawi.”

Santiagu 4:4

Wam mangaro matuyan sas Dius. O nunda wam nasaful te, nu gfagadgalangan wayam ste swa daga, gfawayan wayam Dius? Nusnga sinu tagfagadgalangan fagdaul daga, kanya gfawayan Dius.

At Nafasure 2:4

Dewa katanya, e fakauriun kway ayu: nu kesug am angku wa kaksvn ya ebi taguna.

Alubad. 129:1

Ngay taw Israel, longi te, “Siginan nu mabaguama ami, em ngay fawayan gfaidapan emi.

Eremyas 2:1

Yawi nalong sa angku te,

Eremyas 3:4

Ay katsi glong am sa angku te, ‘Em Mama, o wan em fagadgalangan siginan nu masisian ami.

Usea 2:7

Ay kanya ban dewa namafalo kafag ngay mangama, wa masud. Ay dewa yay nanrvbvy anya fagayu, wa glag. Sanya ginan, kanya glong te, ‘Kafoli kway sa ku mangama aroro gina au magamut si anya, amanabayan yap tua ku kayaunanan.’

Deuterunumyu 33:3

Anud, Yawi kesug at ngay taw. Kanya galaga at nafili fag ngay taw. Nu katanya, kanya fagayu gfaning ay gfafasludan at ngay suguan.

Sulumun at Alubad 3:6

Sinu manga kanya fag ngay taw ngayu takadasug siginan at yud e taw fag talun kata sik anus daul? Ay kanya fagayu e buba ngayuk dalan famaebebanglu at mabyat nu kabayad.

Usea 2:17

Kwa kaylat ya nu glong am Baal at ngayan.

Usea 9:10

Dius nabalus te, “Ngay taw Israel, ebi gina au gfili ay ngay mangaguyang laman ku ngay taw, maksvn nu guseganan au. Kata au sik taw taguseganan nu nalag sik tanum wat ubas nu natugbung si sik talun at yud e taw, ay mannga nu nalag taguna fag rawvg si sik tanuman fun igus. Dewa katanya, nalao wam sas Baal-Peur, ay nafalganan ay ngay sadili sa kafag fagsegan at mauri, ay nu katanya, ansik mauri am kata kafag fagsegan ay fakesugun.

Usea 11:1

Dius nalong te, “Kesug au Israel ebi gina kanya sik masisian yay. Nafangayan au anya te, ku sisian ay nafaduksun kwan anya siginans talun Igiptu.