Eremyas 16:4 - Fanawbuid tagsibaliwas Fakayabian

⁴ Kanya ban fagayu umbul siginan at maksvn fag fakasaitun. Wa ban e gamatang ya ay we namoli ya anya fagayu. At ngay bilug ban grapyagan sanya fag talun kata sik fagbaugun at ngay kek. Ay e kabul yangay ban sas awayan ay sas fanlunus. Sanya ginan ban ngay manuk tungud ay at madot fag ngay mela nangon kanya fag ngay taw at ngay bilug.”

Eremyas 16:4 Referans Kwoze

Eremyas 25:33

Ginanya ban fag menit, Yawi gfabul ngayuk taw ay at ngay bilug ban grapyagan sas nusnga nday sas fagdaul daga. Wa ban e kabalu ya ay we kaful ya ay we namoli ya anya fagayu. Gfabayan way lang ban anya fagayu kata sik fagbaugun at ngay kek sis tungud daga.

Alubad. 83:10

Kanya fagayu anbul sis furuan Endur, ay at ngay bilug andan ay ansik ngay famataglu fananumun.

Eremyas 9:22

Ay Yawi nalong te, “At ngay mabulan kata sik fagbaugun at kek nangarapyag sa sangay gamasun, ay kata yangay taggutlu at nafamato fag ngay rawvg at yud e namul ya.

Sefanias 1:17

Yawi nalong te, “Namae fagidapun au ngay taw, ay kanya ban fagayu glao kata sik yud glag, aroro anke asalanan sa angku. Ay at taguk gtaribisan kata mamam, ay at ngay bilug kadan kata ngay nakaurian.

Eremyas 34:20

Ay gfon kban anya fagayu sa sangay taw takaylat gfabul anya fagayu. Ay at ngay bilug ban umsik fakonun sa sangay manuk tungud ay sa sangay mangilafang tagsis talun.

Eremyas 7:33

Ngay manuk tungud ay at madot fag ngay mela nangon ku ngay taw at bilug at mabulan, ay nusnga sinu we manansabug ya.

Isayas 18:6

Dius ban namamin wan ngay taw Etiupya, ay namaon sa tagsis talun fag ngay mangilafang. Kanya ban ngay manuk tungud at fakonun gina mangune, ay tagsis talun fag ngay mangilafang at fakonun gina abagat.

Esekyel 5:12

Nangafud kban ayu tuluk afud. Taguna ban fag afud kabul sis furuan daul siginans lunus ay fakasaitun. Ay at fadua bank afud, nangabul sas day furuan daul siginans fiso tagsumbalian at uyup. Ay at fatulu bank afud, namasaruayan au sas fagdaul daga ay gfataglayun kyay ban fia gfaurianan.

Eremyas 44:27

Abat ngate kban gdiri ayu laman e fagmasineun am, gfaurianan kway ban ayu. Ay fagayu am tagbanwan stes talun Igiptu, kabul ban am sas awayan, sas fanlunus yakmay ban am ankamin.

Eremyas 36:30

Nu katanya, katatuy ku longan sabaliwa emu, Yuyakim, Uda at fun: Wa ban o e sugfun ya at nanfunan sas Dabid at fagfagtainanan. E gfabul ban emu ay gukas am bilug ay katimrang sat masugba fag baksak ay gadamugun nu nyabi.

Eremyas 34:17

“Nu katanya, au, Yawi, glong au te, aroro wam nafaning angku ay wam nafalfas ay ngay fagsuguan ay ngay kaiban fag ngay taw Udyu, namalfas au ayu laman kabul am sas awayan, sas fanlunus ay sas fakasaitun. Ay namasik masuya au ayu sas fagayu fagfagtainanan at daga salubangan sas fagdaul daga.

Isayas 5:25

Nu katanya, Yawi maksvn nu kadotama at ngay taw, ay kanya mafalganan wan namaurianan anya fagayu. Ngay buksul ban guigan, ay ngay taw ban at mabulan rumapyagan sa sangaba dalan kata ngay nakaurian. Dewa katanya, Yawi at dotama ya nalyam, ay mafalganan yay namaurianan anya fagayu.

Alubad. 78:64

Ay at ngay tagfon fanggalangun anbul sis awayan, ay at ngay mangena we buknga ya kabalu at mesa mangama.

2 Fun 9:10

Ngay idu ban kon Esebel sis talun Esreel ay we namoli ya anya.” Ay kafag taglong at mabaguama nu nalong wan takatanya, naluang sakbawan ay natarung wan.

Eremyas 44:12

Am at kinsawad tagleleg sis talun Uda at nafabulunan glao sties talun Igiptu, umbul ban am, fagayu am at yud e kwa ay anggan takadungug. Kabul ban am sis awayan ay sis fanlunus. Ay e gfauri ban ay e gfalingun ayu.

Deuterunumyu 28:26

Ngay manuk tungud ay at madot fag ngay mangilafang kon ban ay ngay bilug at mabulan, ay wa ban e nansabug ya.

Eremyas 19:7

“ ‘Nansalag au Uda ay Erusalem at algan. Ay nangagbilug kban at ngay fawayan laman gfabul anya fagayu, ay namaon kban at ngay bilug sa sangay manuk tungud ay sa sangay mangilafang tagsisad araw.

Takabalu 4:9

Amasine yap sik taw at kinbul sis fagawayanan, nu gamut at kinbul sis fanlunus tagarimanan way nu kabul aroro we fakonun.

Deuterunumyu 28:22

Yawi gfaurianan ayu siginan takamabul fag fakasaitun, ay ragnat ay yapvs, ay at masugba fag tagmara, ay tangaduge fag mangune, ay gfadasug yangay ban faurianan sa ay ngay tanum yakmay ban am anbul.

Eremyas 21:6

Namabul au fagayu tagbanwan ste fag furuan; ngay taw ay ngay fagbaugun. Ay kanya fagayu umbul sat maksvn fag faurianan.