Eremyas 15:9 - Fanawbuid tagsibaliwas Fakayabian

⁹ E sik mina at ke baguama fitu. Kanya karanug ay gidapan gengasan. Aroro at ngay baguama kata sik menit at kinfalyu gina mamenit yay. Ay kanya umkapla aroro we baguama ya. Ay namabul kban sas awayan fagayu at sawad. Au, Yawi, taglong tuy.”

Eremyas 15:9 Referans Kwoze

1 Samwel 2:5

At maramraman ebi, katsi grvbvy at fakonun. Ay at yud e kwa ebi, katsi di e fagayudanun ya. Ay fagayu tagaranas anke ngay sisian tua. Dewa katanya, tangayu at sisian katsi we sisian ya.

Isayas 47:9

Dewa katanya, kaduge way sik menit umsik fagbubayun o ay am ngay sisian umbul. Umfasludan takatanya, dewa o saful gfangabalo ay gfangufit.

Takabalu 1:1

Furuan Erusalem mabaluanan way lang, ebi dewa ngayu at taw. Ebi kanya oma takadungug fag furuan sas fagdaul daga, ay katsi kata way lang sik fagbubayun. Ebi kanya dewa kata sik fun at mangena, katsi kata way lang sik fagsuguan.

Esekyel 5:12

Nangafud kban ayu tuluk afud. Taguna ban fag afud kabul sis furuan daul siginans lunus ay fakasaitun. Ay at fadua bank afud, nangabul sas day furuan daul siginans fiso tagsumbalian at uyup. Ay at fatulu bank afud, namasaruayan au sas fagdaul daga ay gfataglayun kyay ban fia gfaurianan.

Takabalu 4:10

Ay sat kindasug fag faurianan sa ku ngay iba, dewa at mafangesug fag ngay mina nafatama wan at ngay mesa sisian ay naon, aroro maksvn nu kalunus.

Eremyas 44:27

Abat ngate kban gdiri ayu laman e fagmasineun am, gfaurianan kway ban ayu. Ay fagayu am tagbanwan stes talun Igiptu, kabul ban am sas awayan, sas fanlunus yakmay ban am ankamin.

Eremyas 21:7

Ay o Sedekya, Uda at fun, ay am ngay tagfangguna, ay anggan ban fagayu at kinsawad at yud anbul sas faurianan, sas awayan, ay sas lunus, namon au ayu sa ay fawayan Nabukudunusur, Babilunya at fun. Ay kanya ban we afanyu ya gfabul ayu. Au, Yawi, taglong tuy.’

Eremyas 6:4

Ay at ngay tagfangguna glong te, ‘Falganani! Gina ro swabilug menit, namawayan tam anya.’ Dewa katanya, nu sawa sfafun baliwa, at ngay tagfangguna glong te, ‘Gakafalyuun wan menit ay gakadulumun wan.

Eremyas 7:19

O au kanya fagayu at nafauri? Duan! At ngay sadili yay at nafauri ay at nafapla.

Eremyas 19:7

“ ‘Nansalag au Uda ay Erusalem at algan. Ay nangagbilug kban at ngay fawayan laman gfabul anya fagayu, ay namaon kban at ngay bilug sa sangay manuk tungud ay sa sangay mangilafang tagsisad araw.

Eremyas 50:12

Nu katanya, gfae fakaplaun kban ay talun. Ay umsik afanyuan ban sas fagayu talun, ay mabaluanan, ay umkata sik talun at yud e taw.

Esekyel 5:13

“Nu nfasludan waban takatanya, kwa ban kadotama ya ayu, nu katanya, nafasud kwan ay ngay nafakamulun mauri. Ay gina kban nafadasug sa ayu takatanya, sumaful ban am te, au Yawi tagfakamatoan ayu aroro maksvn nu kadotama au ayu.