Eremyas 15:5 - Fanawbuid tagsibaliwas Fakayabian

⁵ Ngay taw Erusalem, sinu yaro takafanyu ayu? Sinu yaro at nanwayway laman sa ayu? Ay sinu yaro at nanginto sabaliwa ay kayaunanan?

Eremyas 15:5 Referans Kwoze

Isayas 51:19

Duak faurianan at kindasug sa emu: am ngay fawayan narasras wan emu, ay am ngay taw nadalan at maksvn fag fanlunus. Nu katanya, we sawad ya am ngay taw laman tagfasun emu.

Naum 3:7

Ay kanya fagayu glong te, ‘Anrasras wan furuan Ninibe. We kabalu ya ay gfasun anya.’ ”

Eremyas 21:7

Ay o Sedekya, Uda at fun, ay am ngay tagfangguna, ay anggan ban fagayu at kinsawad at yud anbul sas faurianan, sas awayan, ay sas lunus, namon au ayu sa ay fawayan Nabukudunusur, Babilunya at fun. Ay kanya ban we afanyu ya gfabul ayu. Au, Yawi, taglong tuy.’

Alubad. 69:20

Anmomuy au ay ankuri kanya fag ngay taw at nafakamulun sa angku. Nafamanyan koma te, o wa ro gayvd e nfanyu ya angku, ay nusdi sadi we nfanyu angku. Gfanya au at namasun angku, dewa katanya, we nanamasun ya angku.

Eremyas 16:5

Yawi nalong yay fia te, “Lag o gsakbo sa sik bale at ke mabulan. Lag o kabalu gasfuan ngay takabalu, ay lag o gfalag am fakafanyun sas nusnga sinu. Aroro kwa kesug ya ay kafanyu kanya fag ngay taw.

Eremyas 13:14

Namaadkatukan au ngay fagtainan ay at ngay sisian. Kwa ban kafanyu ya gfabul anya fagayu.’ Au, Yawi, taglong tuy.”

Ub 19:21

Ku ngay fagadgalangan, afanyui yap angku, aroro Dius gfaidapan angku.

1 Samwel 25:5

kanya nasugu at safuluk fagsuguan ay nalong te, “Loi sas Karmel ay nanlong am sas Nabal te, ‘Ngaduge tua ban nangus nu gleleg o. Ay fagmanabayanun tua ban nangus sa emu ay anggan sam kalongan. Ay ngayu tua ban nangus gugat am ngay ramraman.

1 Samwel 17:22

Ay Dabid nafamato at ngay famubaun si tagfalganan ngay tagfawayan at fagayudanun, ay natarung sas fagawayanan laman nanginsaful at ngay kaka at kayaunanan.

1 Samwel 10:4

Ay kafag tuluk mangama gfakamatoan ro ayu, ay gfon ro ayu duak tinapay. Ay dewa gina ro buli wan.

Tagfangguna 18:15

Ay kafag lima nalao sas Mikas at bale, ay nainsaful tagbanwan sanya fag baguama te, o mabayan tua.

Nu Galin 18:7

Nu katanya, Muisis nanamablang at nugangama ay narungan ay nayuk laman gfalag te, gsuyu. Ay talmanugang gkamatoan guseganan, ay sanya ginan nasakbo wan sas bale ramit.

Takabalu 1:17

Furuan Erusalem naet gubuk, dewa katanya, we nagubuk anya. Aroro Yawi naylat Akub at ngay kasugfunanan nu gfawayan ngay talun tagsit ligung. Tibak talun natuyan te, Erusalem maksvn nu mauri.