Eremyas 15:11 - Fanawbuid tagsibaliwas Fakayabian

¹¹ Yawi nalong sa angku te, “At matuyan, fagayu ban taw kaylat emu. Ay gina ban am ngay fawayan e fagidapun ay e fakabaluun namainfanyuan sa emu te, darangini anya fagayu.

Eremyas 15:11 Referans Kwoze

Fangatulun 16:7

Nu maylat tua tam sas Yawi, mafalukmeanan tua tam ngay fawayan, laman tam fagadgalangan ban.

Alubad. 106:46

Dius nafamatangan ngay fawayan at nafagsuguan ngay taw Israel laman kanya fagayu kafanyu tua.

Eremyas 37:3

Nu katanya, fun Sedekya nasugu Yeukal, Selemya at baguama, ay Sefanyas fag tagfon fanggalangun, Maaseya at baguama te, “Loi sas Eremyas ay nanget am sa anya te, darangini emi sa tam Dius Yawi.”

Takamoyung 8:12

Sik taw at nasalan sadik sandan ginan, ay dewa yay ngaduge nu gleleg, nasaful au te, amasine yap ban sik taw takalimu tua Dius at fakadasugan.

Eremyas 42:2

Ay kanya fagayu glong sas Eremyas te, “Fagayu ami at kinsawad gfainfanyuan ami sa emu te, darangini emi sam Dius. Ebi, ngayu oma mi, dewa katanya katsi, glag wo, wami ngayu ya.

Eremyas 21:2

“Namainfanyuan o sas Yawi te, gubuki emi, aroro Nabukudunusur, Babilunya at fun, namawayan emi. Tiba ginan ro Yawi nafasure sik madulo kata ebi at nafakamulun, laman karagang fun Nabukudunusur nu namawayan emi.”

Fangatulun 21:1

Sik funan at amatanganan kata sik liskung Yawi at fagfafamiluganun nusnga nday at fakaylatun.

Alubad. 138:3

Gina au nadarangin sa emu, nabalus tuo angku, ay nafaksvn tuo angku.

Isayas 41:10

Lag o kalimu aroro au wan am Dius. Namabitsug au ay nanggubuk emu. Ku fagmabalyananun tagfaksvn emu ay tagfalangfe.

Eremyas 37:17

Ay nu glugo wan, fun Sedekya nafauro Eremyas ay nataban sat bale ay ginas ginto anya te, “O e foyungan o siginans Yawi?” Ay Eremyas gbalus anya te, “Sabv, gfagbilug ban emu sas talun Babilunya at fun.”

Eremyas 38:14

Fun Sedekya nadog yay nafauro Eremyas ay nafasas Yawi at bale at fatuluk sakbawan, ay sanya fun Sedekya glong sas Eremyas te, “E fagintoun au sa emu; balusi sa angku at matuyan.”