Eremyas 14:3 - Fanawbuid tagsibaliwas Fakayabian

³ At ngay maramraman nasugu at ngay fagsuguan laman nanagub. Ay kafag ngay fagsuguan nalao sa sangay bubun, dewa katanya we mamam. Nu katanya, kanya fagayu anfoli ay we bilug at ngay baringan, ay at kaksvnan nu kapla natabun at ngay alfuyu.

Eremyas 14:3 Referans Kwoze

2 Samwel 15:30

Dabid gwayway gundaud sas buksul Ulibu, ay wa galapakan ya ay natabun at alfuyu laman gfalag te, kabalu. Ay anggan at ngay fadgaloan natabun yangay at ngay alfuyu ay gwayway.

Alubad. 40:14

Ngay taw nangus tagyafabulun ay takauri angku at ngay algan takatanya umragang ay umkalyam wan.

2 Fun 18:31

“Lag am gdungugan Esekyas! Katatuy Asirya at fun at longan: Lag am namawayan angku; luangi sakbawan ay duksuni wan sa angku. Kaylat kwan nu nangon am ay tanuman at rawvg ay nanginum mamam sa ay sadili saguban,

Amus 4:8

Naranranugan am glulian sa sangay furuan laman nanrvbvy ay fanginum, dewa katanya, ya nsak. Dewa kaksvn nya nu gidapan am, yam kafoli sa angku. Au, Yawi, taglong tuy.

Eremyas 2:13

Ku ngay taw nafakamulun duak asalanan: kanya fagayu natalyuyan angku, au oma tagfon leleg fag bulbug, ay naseg tibak fagsegan kata nu naali sik bubun takalanggang way.

Uel 1:20

Anggan ngay mangilafang maksvn nu gengasan gurungan get sa emu, aroro anlanggang wan ngay liskung, ay an-gong wan ngay fagnamafangonan kata afuy nu nafamin.”

Eremyas 20:11

Yawi, kafag ngay taw at algan sa angku dewa kata kanya, gufud tuo angku. Kata o sik tagfawayan at maseganama ay at mabalyanan. Nu katanya, kanya ban fagayu wa gbabo angku ay umfaurianan ban ay umke fakaplaun takamatang gugat.

Eremyas 14:4

Lutuk ankarang aroro we arak ay at kaksvnan ngay tagtanum nu kabalu natabun at ngay alfuyu.

Alubad. 109:29

Ngay taw nangus tagfantabugan sa angku umkapla wan, ay at fakaplaun nangus gsifig anya kata nu at lanbung.

Ub 6:20

Dewa katanya, kanya fagayu anmomuy aroro gamatangan te, sanya e mamam way, ay aroro mangaro we mamam.

Ester 6:12

Sanya ginan, Mardukyu anfoli sas day sakbawan fun at bale. Ay Aman gabanganan guli maumutan at alfuyu aroro maksvn nu kapla.

1 Fun 17:7

Ay abandi, liskung anlanggang aroro wa karak ya.

2 Samwel 19:4

Dabid natabun at mata ay maksvn nu gwayway glong te, “Ku baguama Absalum, ku baguama Absalum!”

Eremyas 2:37

Gina ban am gduksun siginans talun Igiptu, gfasa ban am ay ngay tungud alfuyu ay ngay daluap at kaksvnan nu kapla am ay kabalu, aroro naiyan kwan ay fagadgalangan fag ngay talun, laman wa magubuk ya ayu.

Eremyas 3:3

Kanya wan at fagyudun ya karak dewa abagat. Dewa katanya, kamaogatun yayam ay amatanganan kata sik mangena takamatugtug at yud kapla ya.

Eremyas 15:18

Wain ku fagidapanun yay gugat? Wain ku ngay bangbang way kafia ya? O ay namae fakabaluun way lang o angku kata sik liskung at kinlanggang gina mangune?”

Takabalu 4:4

At ngay ngenge at leplep andafut wan sat ngay bibig. Ngay sisian get fakonun, dewa katanya, we gfon.

Usea 2:3

Kanya nu dway gfaragang, namayud au e lanbung anya, kata gina bagu kasalug. Namakata au anya sik talun at yud e taw, ay gfabayan kwan nu kabul sas fakadanumun.

Sakaryas 14:17

Dewa katanya, tam Fun, Yawi at Mabalyanan, wa gfadasug ya arak sas fagayu at yud nalo sas Erusalem laman nanseg anya.

Amus 4:7

Ay kwa nafarak kaduge tuluk magdanun yakmay andasug fanggutluan. Nafae arak au sa sik furuan ay sa tiba ngap kfuruan, duan. Ay nafae arak au sa sik gamasun ay sa ngap tibak gamasun wa karak.