Eremyas 12:6 - Fanawbuid tagsibaliwas Fakayabian

⁶ Dewa am ngay faduksay ay am kalongan at nafamabo emu. Ay kanya fagayu anke algan mauri sa emu. Nu katanya, lag o gafanud kanya fagayu dewa mafalukmeanan fia nu garingang.”

Eremyas 12:6 Referans Kwoze

Fangatulun 26:25

Ay at ngay aringang nu kadungug dewa maylat, lag o gafanud, aroro sit amatanganan kauri way.

Eremyas 9:4

Lag am gfasudsunan ya ay ngay iba, ay lag gfadiuganan ya ay ngay kalongan, aroro kamuag ay gfauri at ngay iba.

Alubad. 12:2

Kanya fagayu kamuagan way sat ngay faduksay, ay gfantabugan way laman gdaya at iba.

Mateu 10:21

“Ay sik taw ban nantaban at faduksay sa tibak taw laman namabul. Ay katanya yangay ban sik mama at fakamulun sat sisian. Ay sik sisian ban kamabo at fagtainan laman namabul.

Eremyas 11:21

Ngay taw Anatut e algan gfabul angku, kway gfaragang nu kamoyung au Yawi at longan. Nu katanya, Yawi at Mabalyanan nalong te, “Namaurianan au kanya fag ngay taw: at ngay baguama umbul sas awayan, ay at ngay sisian umbul sas lunus.

Eremyas 11:19

Kanya fagayu nu gamatangan angku kata kway sik fagfabulun fag tupa ay kwa saful te, mauri at algan. Kanya fagayu glong te, “Gfabul watam anya, kata nu gfuan sik fun kayu tangayu at rawvg, ay laman ban umkalyam wan ay we gamatang ya anya sas fagdaul daga.”

Fakamulun 18:12

Ay gina Galyu gfunan talun Akaya, ngay taw Udyu ansadi laman nanggamat Pablu ay namuba sa tagwabilug at bale.

Eremyas 20:10

Nadungug au kafag ngay taw nu ginasan gfalingun angku. Ay kanya fagayu glong kata ku longan te, “Malimu takadasug sa antam!” Ay glong yangay fia te, “Gewan, katsi wan at buknga nu namasud tam Eremyas.” Anggan ku ngay fagadgalangan gfanya nu kafaurianan au. Kanya fagayu glong te, “Bangaran ro manandaya tua tam anya. Nu nfasludan tua ban takatanya, nababo tam ay mafasud anya.”

Alubad. 69:8

Anggan ku ngay faduksay nu gdama angku, bunwa au at faduksay ya, ay kata kway lang sik betaw si em bale.

Ub 6:15

Ku ngay faduksay wa matuyan sa angku, kata way sik liskung tagfanlugwak ay takalanggang vtv.

Uan 7:5

At fagnalongun katanya, dewa Isus fia at ngay faduksay wa gafanud sa anya.

Markus 12:12

Ngay fun tagfon fanggalangun ay ngay tagfoyung Muisis at Faugali ay anggan ngay fagtainan kaylat nanggamat Isus, aroro nasaful te, Isus at faydayuanan at fagfatungulan sa anya fagayu. Ay kanya fagayu kalimu ngay taw, nu katanya, nalao wan ay naubun Isus.

Isayas 31:4

Katatuy Yawi at nalong sa angku te, “We mafasalag sik liun nu gngarngar gina e nagamat, dewa ngay tagulit ngay fagbaugun guro. Katanya yangay, we mafasalag angku nu gbalabag au Buksul Siun.

Fakamulun 16:22

Ay fagayu taw masadi nu gfauri Pablu ay Silas, ay kafag ngay tagwabilug nasugu sa sangay taggamat te, “Buli at lanbung ay falangi.”

Eremyas 9:2

Nu e fagbanwanan kdi sat yud e taw fag talun, namanwan au laman kayayu ku ngay iba, aroro kanya fagayu nafamabo kata sik mangena takamatugtug.

Eremyas 9:5

Galay at sadi kamuag way sat ngay iba, ay nusdi sadik taw we glong ya at matuyan. At ngay leplep annanad wan nu garingang sas fakamuagun, ay gfalufuy at sadili siginan nu gfakamulun at mauri.

Alubad. 12:3

Yawi, faragangi wan ngay tagfandaya ay takamatungudun.

Fangatulun 23:8

Nu katanya, gfangkok way ro wo fagayu am naon, ay am nafauseganan anya umyud e tungkul.

Eremyas 9:3

Yawi nalong te, “Kanya fagayu mafalganan kamuag kata at matonan fag godun. Fakamuagun way lang ste fag furuan takadungug ay we fagmatuyanun ya. Maksvn wan kanya fagayu nu gfakamulun at mauri ay wa gtoglag ya angku.