Eremyas 10:6 - Fanawbuid tagsibaliwas Fakayabian

⁶ Yawi, we mafasud emu; mabalyanan tuo ay am ngayan kadungug.

Eremyas 10:6 Referans Kwoze

Nu Galin 15:11

Yawi, sinu ya fag dius tagtungud emu? We gtungud ya emu sam fagmatuyanun ay sa am fagmabalyananun. Ay fagayu am nafakamulun madulo.

Alubad. 96:4

Yawi mabalyanan, nu katanya, at masine fauseganani anya, ay suyui gtungud yap tua sa tibak fagsegan,

Alubad. 48:1

Yawi mabalyanan; masine nu gfauseganan tam anya sit furuan, sat yud e malong fag buksul.

Deuterunumyu 33:26

We gfasud taw Israel at Dius. Siginan at fagmabalyananun, kanya gsakay sis tungud linyabu laman ggubuk ayu.

Isayas 12:6

Ngay taw Siun, uroi alubadi nu guseganan am. Aroro mabalyanan si ayu taw Israel at Dius at yud e Malong.”

Alubad. 145:3

Yawi, o wan at mabalyanan, ay takafauseganan, ay we mafatuyan te, kamabalyanan tuo nya.

Daniel 4:3

Maksvn nu madulo ay mabalyanan at nafakamulun. Kanya nu gfunan we fakatabuan.

Alubad. 147:5

Tam Dius mabalyanan, ay at fagsafulun di e fakatabuan.

2 Samwel 7:22

“Yawi ku Fun, o wan at mabalyanan. We gfasud emu, ay we tibak dius sas day emu ay wa yangay mi e fagsafulun tibak dius takata emu.

Eremyas 32:18

Nafalag o am fakafanyun sas ngayuk libuk taw, dewa katanya, gfaurianan o at ngay sisian aroro sat ngay fagtainan at ngay asalanan. Dius mabalyanan o, am ngayan Yawi at Mabalyanan.

Isayas 40:25

At yud e malong fag Dius glong te, “Dada ya nu namaladlabian am angku? O nunda e kata angku nu mabalyanan?”

Nu Galin 8:10

Ay Igiptu at fun gbalus te, “Balabag ban.” Ay Muisis gbalus te, “Kin! Umfasludan ban kata am nalong laman ban sumaful am te, we gfasud Yawi em Dius.

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Daniel 4:34

Nu nlangfe fituk banwa, au, Nabukudunusur, ankakbang au sas Dius, ay kanya nafafoli sa angku ku amatanganan at masine. Nu katanya, naseg au ay nafauseganan anya, Tiba Tungud ay tagleleg kabavn fag Dius. Ay nalong au te, Kanya gfagtainan kabavn ban, ay at fagfagtainanan gfataglayun ban sas fagayu kasugfunanan.

Isayas 46:9

Amatangi tua gugat te, au wan Dius, ay we tiba ya.

Isayas 46:5

Dada nu gfaladlabian am angku? O nunda e kata angku?

Isayas 40:18

Nu katanya, dada nu mafaladlabian am Dius? Ay dada nu mafafaningan am anya?

Alubad. 35:10

Sas fagdaul ku amatanganan guro au te, “Yawi, o wan tagtungud sas fagayu. O wan ngay taw at yud e kwa ay tagafalingunan at tagfalangfe siginan takamalingun fag ngay taw.”

Nemyas 9:32

“O wan em Dius at mabalyanan, at matuyan ay at madulo. Gfafasludan tuo am nasadian ay gfasure am fagmafangesugun. Falangfei emi siginan em fagidapun. Ay katsi gagwantan ami at maksvn fag fagidapun, anggan em ngay fun, ngay tagfangguna, ngay tagfon fanggalangun, ngay taglong, ay anggan em ngay mangaguyang, siginan yay Asirya at ngay fun gfaidapan emi dasug katsi.

Nemyas 4:14

Kaduge au gamatangan em kayaunanan, nafaful au ngay tagfangguna, ngay fun ayu sirut, ay anggan ngay tagbanwan sanya, ay nalong au sa anya fagayu te, “Lag am kalimu tam ngay fawayan. Amatangani te, tam Fun mabalyanan ay madulo sas fagayu. Namawayan tam anya fagayu laman tam ngay kalongan, tam ngay sisian, ay tam ngay bubay, ay anggan tam ngay bale, umlangfe.”

Deuterunumyu 32:31

Aroro tam ngay fawayan at fagsarigan fag gang, wa kata tam fagsarigan fag gang, ay kanya fagayu nasaful yangay.

Nu Galin 9:14

Aroro nu dway ro wo nafalao anya fagayu, namadasug au sa emu sik maksvn fag faurianan at namaurianan emu ay am ngay tagfakamulun ay anggan am ngay taw. Ay sumaful ro wo te, we gfasud angku sas fagdaul daga.

1 Kurintu 8:6

nu sa antam sadi way tam Dius tam Mama at nawat fagayu nusnge wain, ay gleleg tam laman gfaning tam anya. Ay sadi way tam Fun, Isus, ay siginan anya ankawat fagayu nusnge wain, ay siginan yangay anya tam fagelelegun.

Eremyas 10:16

Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.

1 Krunika 16:25

Yawi mabalyanan, nu katanya, fauseganani anya, ay suyui gtungud yap tua sa tibak fagsegan.