Eremyas 1:6 - Fanawbuid tagsibaliwas Fakayabian

⁶ Ay nabalus au te, “Ku Fun Yawi, kya makatu namoyung am longan, aroro baguama kyay.”

Eremyas 1:6 Referans Kwoze

Nu Galin 6:12

Dewa katanya, Muisis nalong sas Yawi te, “Ngay taw Israel wa kaylat ya gdungugan angku, kaugat wa ro Igiptu at fun nu yud gdungugan. Ay sarokta wa masnug nu garingang au!”

Eremyas 32:17

“Yawi, em Fun, nawat o banwa ay daga siginan am fagmabalyananun. Mafakamulun o fagayu nusnge wain.

Nu Galin 6:30

Dewa katanya, Muisis nalong sas Yawi te, “Wa fia masnug nu garingang au, nu katanya, Igiptu ro at fun wa gdungugan angku.”

Eremyas 14:13

Dewa katanya, nalong au te, “Yawi em Fun, saful wo ngay taglong glong gugat sa anya fagayu te, ‘Wa ban e awayan ay e fanlunus takadasug aroro Yawi glong te, gfon kban gugat fagmanabayanun ste fag talun.’ ”

Nu Galin 4:1

Sanya ginan, Muisis nainto sas Yawi te, “Setain ro ngay taw Israel way gdungugan angku ay way gafanud ku longan? Kanya ro manga fag ngay taw glong way te, ‘Yawi wa nsure sa emu.’ ”

Eremyas 4:10

Sanya ginan, nalong au te, “Yawi, ku Fun, nafamuag o sam ngay taw, aroro ebi nafatuyanan o sa anya fagayu te, manabayan tua ban gugat Erusalem. Ay dewa katanya, katsi fiso tagsumbalian at uyup mafalganan wan laman namabul emi.”

Isayas 6:5

Nu katanya, nalong au te, “Afanyuan au! Matuyan wan umfaurianan au, aroro glong au gugat at mauri, ay gbanwan au magamut si sangay taw taglong gugat at mauri. Ay katsi, nalag au tam Fun, Yawi at Mabalyanan!”

Esekyel 4:14

Sanya ginan, nalong au te, “Yawi, ku Fun, lag o gsugu angku te, fakamuluni takatanya. Nasaful wo, kwa batang gfasuya ku sadili, siginan nu masisian au dasug katsi. Kwa batang kon nusnga setaw fag fagbaugun at kinbul, ay tibak mangilafang at nafabul, ay kwa yangay batang kon nusnga setaw fag fagbaugun at yud masine ay am nafatuyan te, masuya.”

Sakaryas 2:4

Ay kanya nalong sa tagfakamatoan angku fag tagbarita te, “Sakiti tua ay nanlong o sanya fag mangama at ke buba famasudsudan te, Erusalem umsik furuan at yud ya e dingding alad aroro ngayu wan ngay taw tagbanwan sanya ay at ngay fagbaugun.

Eremyas 34:6

Sanya ginan, Eremyas nasas Erusalem ay nananlong sas fun Sedekya takatanya fagayu.