Eremyas 1:5 - Fanawbuid tagsibaliwas Fakayabian

⁵ “Eremyas, gina au nangawat emu sim mina at ungdan, nafili kwa emu. Ay gina o yud ansalug, nafili kwan emu laman ban sik taglong o sas fagayu talun at taw.”

Eremyas 1:5 Referans Kwoze

Alubad. 139:16

Gina kyay yud ansalug, nalag wo angku. Ay nafalganan wo ngay menit at kadugean ban nu gleleg au, ay marirukan wan sim fafil.

Isayas 49:1

Dungugani angku, am tagbanwan sa tangayayu fag ngay talun sis wabilug dagat: Gina au yud ansalug, Yawi nafili angku laman at fagsuguan.

Ruma 8:29

Dius nasaful wan at nafili fag ngay taw siginans fakasigadan, ay kanya yangay at nafalganan laman at namaning at Baguama, laman at Baguama wan ngayuk duksayan at kaka.

Isayas 49:5

Yawi nafili angku laman at fagsuguan, laman namafoli ay namaful ngay taw Israel sa anya. Yawi ku Dius nafausegan ay nafon angku fagmabitsugun.

Isayas 44:2

Au, Yawi at nawat ay at nagubuk emu. Lag kalimu, o wan ku fagsuguan ay ku nafili.

Lukas 1:41

Ay Elisabet nu nadungug Maria at aringang, at fafionan maksvn nu gfanleleg, ay at Masine fag Falad antayuk sas Elisabet.

Lukas 1:76

Ay o, ku munama, gfangayan ban emu te, Tiba Tungud fag Dius at Taglong. Aroro gumuna ban o tam Fun, laman ban namasine o at dalan,

Nu Galin 33:17

Yawi nabalus Muisis te, “Gfakamulun au am fagetun sa angku. Aroro guseganan au emu ay toglag kwa emu.”

Eremyas 1:10

Ay katsi gfili au emu laman namoyung o sa sangay talun at ngay taw ay sa sangay fagfagtainanan te, tiba ban si ayu umfaurianan ay umkamin ay umrasras ay e nangaiyan, ay tiba ban umlindug tua ay umkaksvn.”

Nu Galin 33:12

Muisis nalong sas Yawi te, “Glong o gugat sa angku te, namangguna au am ngay taw sa am nafatuyanan fag talun, dewa katanya, yo e nalong sa angku te, kanya am fagnansuguun fag taw tagalo angku. Nalong yangay o te, toglag tuo angku ay guseganan.

Lukas 1:15

Aroro am baguama ban sik mabalyanan sa tam Fun at daga salubangan, ay kanya ban wa ginum fanlangu, ay siginan yay nu yud ansalug, at Masine fag Falad siwa anya.

Ruma 1:1

Au, Pablu, tam Fun Isus at fagsuguan, ay at nafili laman sik nasugu ay at nafasaman laman nanfamoyung Dius at Masine fag Barita.

Eremyas 50:34

Au wan Yawi at Mabalyanan kanya fagayu at tagfalangfe. Ggubuk au anya ay gfae fagmanabayanun, dewa katanya, namaurianan kban tagbanwan sis talun Babilunya.

Efesu 1:22

Dius nafasas daga tam Fun Isus at fagmabalyananun fagayu nusnge wain, ay kanya nafili anya tagfunan sas fagayu laman gfae fagmasineun at ngay taw,

Uan 10:36

Ay wain katsi ay faglongun te, nalong au mauri sabaliwas Dius siginan ku nalong te, Au wan Dius at Baguama? Dius nafili ay nasugu angku ste swa daga.

1 Kurintu 8:3

Ay dewa katanya, Dius gtoglag fagayu takesug anya.

Alubad. 139:15

Kaduge o kawat angku si ku mina at ungdan, kata nu masuksukan au si sik madulum, ay nalag wo ku ngay bini.

Eremyas 1:4

Yawi nalong sa angku te,

Eremyas 25:13

Namadasug kban sat talun fagayu ku nalong takadasug ban sa anya fagayu kata Eremyas at longan at marirukan ste fag fafil.

Eremyas 36:2

“Buli sik fagrirukan ay riruki sanya fagayu ku nalong emu sabaliwas Israel, sas taw Uda, ay sas fagayu talun. Riruki fagayu ku nalong emu, siginan ebi taguna ku nalong gina fun Usyas gfunan, dasug katsi.

Eremyas 20:15

Kauri kyangay at nabarita sa ku mama te, “Munama am sisian!” ay at nafae fagusegananun ku mama.