Eremyas 1:12 - Fanawbuid tagsibaliwas Fakayabian

¹² Yawi nalong te, “Matuyan am nalag. Kanya tagfatuyan te, gulit au ku ngay longan laman umfasludan.”

Eremyas 1:12 Referans Kwoze

Esekyel 12:28

Nu katanya, nanlong o sanya fag ngay taw te, ‘Fun Dius Yawi glong te, Anud, ku ngay longan kafasludan wan.’ ”

Esekyel 12:25

Dewa katanya, au, Fun Dius Yawi, nu garingang au, umfasludan tua ku longan. Wa ban glugo ya nu kafasludan ku ngay nalong sabaliwa takamabo fag ngay taw. Ay nu kafasludan ban gina ya ay buknga, si yay ban ay buknga. Au, Yawi, taglong tuy.’ ”

Lukas 10:28

Isus nalong anya te, “Matuyan am famalus. Faningi kata am longan, ay gleleg tua ban o.”

Amus 8:2

Ay nainto angku te, “Amus, nataw am lagan?” Ay nabalus au te, “Sik ngay rawvg malesanan masuadan sad sabi.” Ay Yawi nalong sa angku te, “Andasug wan ku ngay taw Israel at fakatabuan. Kwa kafanyu ya anya fagayu.

Deuterunumyu 5:28

Yawi nadungug ay ngay nalong gina am gfakamatoan angku, ay kanya nalong te, “Nadungug au ngay taw at longan sa emu, ay masine at ngay nalong.

Deuterunumyu 32:35

Yawi glong te, “Au ban at namasud ay at namaurianan anya fagayu, aroro sik buknga ban kanya fagayu umdangsal. Munakbang wan nu gfaurianan au anya fagayu.”

Deuterunumyu 18:17

Nu katanya, Yawi nalong sa angku te, “Masine kanya fagayu at fagetun sa angku.

Lukas 20:39

Tibak tagfoyung Muisis at Faugali nalong te, “Takamoyung, masine am longan.”

Eremyas 31:28

Ebi nafaurianan au, ay nafamin ay narasras ay naiyan anya fagayu, dewa katanya, namadog kyay ban namalindug ay namaksvn.

Eremyas 1:13

Yawi gdog yay ginto angku te, “Nataw katsi am lagan?” Ay nabalus au te, “Sik tikung at ke mamam kudkulukan, mafaulagan sabaliwas wala fag alvngvdan.”

Isayas 55:11

Katanya yangay ku longan, kabavn ban e tungkul tua. Ay ku fagnafadasugun ku longan laman namafasludan ku fakaylatun ay namakamulun ku algan.

Eremyas 24:3

Sanya ginan, Yawi nainto sa angku te, “Eremyas, nataw am lagan?” Ay nabalus au te, “Sik ngay rawvg igus. At tiba masine ay melo. Ay at tiba madanan way ay wa kaon ya.”