Daniel 7:1 - Fanawbuid tagsibaliwas Fakayabian

¹ Ebi taguna fag banwa gina fun Belsasar gfunan sis Babilunya, Daniel anke taginfan. Kanya nariruk at taginfan katatuy:

Daniel 7:1 Referans Kwoze

Amus 3:7

At matuyan, Fun Dius Yawi di gfakamulun nusnge wain yakmay nafasaful sat ngay fagsuguan fag ngay taglong.

Uel 2:28

Sanya ginan, namon kban ku Falad sas nusnga sinu fag taw. Ay ay ngay sisian ban namoyung ku ngay longan. Ay ay ngay fagtainan ban umke ngay taginfan. Ay ay ngay baguama ban lumag ngay taginfan.

Daniel 5:1

Gina Belsasar at fun sis Babilunya, kanya nafalganan sik tagbia fag fagmafulun laman sat nafili fag sadik libuk takadungug fag ngay taw. Kaduge kanya fagayu ginum fanlangu, Belsasar nasugu sat ngay fagsuguan laman namul ngay taya at mawatan siginans gintu ay sanbung salapi, at mama Nabukudunusur at nabul siginans Dius at bale sis Erusalem, laman Belsasar ay takadungug fag ngay taw, ay at ngay mangena, ay tiba yak fagsuguan fag mangena at faginuman. Nu nabuba wan kanya fag ngay taya, kanya fagayu nainum sanya ginan.

Daniel 4:5

Dewa katanya, nataginfan au at malimu wa malimu ay gfafanawa angku.

Daniel 1:17

Dius nafon sanya fag ufatk baguama fagtogdungugun ay fagsafulun sangay rirukan. Saman ya kanya, Daniel anke fagsafulun sa nu gfayamag ngay taginfan at masuad.

Eremyas 23:28

Fabayani wan ngay taglong tagfoyung sabaliwa at sadili taginfan, dewa katanya, fagayu taglong at nadungug ku ngay longan gfoyung tua nangus at matuyan. Aroro takamuag fag ngay taglong at ngay taginfan saman way ku ngay longan, kata trigu ay nagruyusan nu saman.

At Nafasure 1:19

Nu katanya, riruki am nalag katsi, at kinfasludan wan ay takadasug yay ban.

Abakuk 2:2

Katatuy Yawi at famalus: “Riruki sas gang ku fagnanlongun emu fag foyungan laman mayamag ay masakit nu katap.

Daniel 7:15

“Nafanawa au ku ngay nalag.

Daniel 7:13

“Sanya ginan, nalag au takata sik taw sis wa linyabu. Kanya ankakbang sa tagleleg kabavn fag Dius.

Daniel 2:1

Gina sis faduak banwa fun Nabukudunusur nu gfunan, kanya malayun nu gtaginfan. Ay at ngay taginfan gfasalag gugat anya, nu katanya, kanya wa gatiugun.

Tap 12:6

Yawi nalong te, “Dungugani angku! Nu e taglong kdi si ayu, garingang kro sa anya siginans taginfan.

Fakasigadan 46:2

Ay ginanya fag yabi, Dius nafakamatoan anya siginan sik taginfan te, “Akub, Akub.” Ay Akub nabalus te, “Wain?”

At Nafasure 10:4

Ay gina au nanriruk kafag fituk lingsi at longan, e nadungug au sik aringang siginans banwa te, “Suksuki way kafag fituk lingsi at longan. Lag o griruk ya.”

2 Kurintu. 12:1

Katsi nanfamatungudun au, dewa au nasaful te, takatanya we tungkul. Nanlong au sa ayu sabaliwa sik ngay taginfan ay sik ngay foyungan siginan tam Fun.

Ruma 15:4

Aroro fagayu at kinriruk sis Dius at Longan ebi taguna, anriruk laman gfoyung antam, laman maksvn tua tam ay gfon antam fagsegun.

Daniel 8:1

Gina sis fatuluk banwa fun Belsasar nu gfunan, nadog au e nalag.

Daniel 7:7

“Ginanya yangay fag yabi, nalag au at faufatk mangilafang. Kanya malimu ay magaras. Kanya nayukfu ay naramyuk at ngay nagamat siginan at bagang fag sanbung, ay kanya gsiad wan at nagsawadan. Kafag mangilafang saman way at tuluk mangilafang aroro kanya e safuluk sunge.

Daniel 5:30

Ay ginanya fag yabi, e nafabul Belsasar, Babilunya at fun,

Daniel 5:22

“Fun Belsasar, Nabukudunusur at baguama, nasaful oma o takatanya fagayu, ay wo kamababaun,

Esekyel 1:1

Au Esekyel fag tagfon fanggalangun, Busi at baguama. Ay sik natabanan kyangay sas talun Babilunya. Gina au gbanwan sis tigyangan Liskung Kebar gfaudgufudan at natabanan fag ngay taw, banwa anluang masakit. Ay Yawi at fagmabalyananun antayuk sa angku ay nafalag sa angku sik ngay taginfan. Anfasludan takatanya gina sis falimak menit sis faufatk magdanun sis fatuluk safuluk banwa. Ginanya, falimak banwa fun Yuyakin nu gatabanan.

Eremyas 36:4

Nu katanya, Eremyas nauro Baruk, Nerya at baguama, ay nafoyung sa anya Yawi at ngay longan, ay Baruk nariruk fagayu sa sik fagrirukan.

Eremyas 27:7

Fagayu ban talun namakamulun laman sas fun Nabukudunusur, ay sat baguama, ay sat fufu, yakmay ban andasug talun Babilunya nu kafaurianan. Sanya ginan ban, talun Babilunya man at namakamulun laman sa tibak talun ay sat mabalyanan fag ngay fun.

Isayas 30:8

Yawi nalong sa angku te, “Gewan, riruki sa sik fafil ku nafayudan sa sangay taw Israel, laman ban gfamatang ay gfatuyan at ngay asalanan kabavn.

Isayas 8:1

Yawi nalong sa angku te, “Buli sik fagrirukan daul, ay riruki tuy fag ngay longan: ‘Maer-Salal-Kas-Bas.’

Ub 4:13

siginan sik taginfan, gina ngay taw gtiug.

Fakasigadan 15:1

Nu nlangfe ngayuk buknga, Yawi naringang sas Abram siginan sik taginfan. Nalong te, “Abram, lag o kalimu aroro au tagdiri emu. Ngayu ban ku fon sa emu.”

Eremyas 36:32

Nu katanya, Eremyas nadog yay nabul sadi yak fagrirukan ay nafon sas Baruk, ay Baruk nariruk Eremyas at nalong fagayu, kata at nariruk si taguna fag fagrirukan fun Yuyakim at nairug. Ay Eremyas e nafamut yay at rirukan, arvs kata yay taguna fag rirukan.

Daniel 2:26

Fun Nabukudunusur nainto Daniel te, “O anud mafafoyung ro wo sa angku ku nataginfan, ay mafafayamag at masuad?”

Daniel 4:13

Ay nalag kyangay sik tagbarita naduksun siginans banwa.