Daniel 1:5 - Fanawbuid tagsibaliwas Fakayabian

⁵ Fun Nabukudunusur nasugu yangay te, “Kayu menit, am famafangon kanya fag ngay baguama fasiginani wan ku ngay fakonun ay ku fanginum. Ay nu nlangfe ban tuluk banwa nu gfoyung o, kanya ban fag ngay baguama namakamulun laman sa angku.”

Daniel 1:5 Referans Kwoze

Daniel 1:19

Ay fun Nabukudunusur nafakamatoan anya fagayu, ay nalag te, we gfasud ya Daniel, Ananya, Misael ay Asarya at fagsafulun. Nu katanya, kanya nafili kafag ufatk baguama laman at tagfakamulun.

Daniel 1:8

Dewa katanya, Daniel anke algan te, wa ban kon fun Nabukudunusur at ngay fakonun ay at fanginum laman ban di gfasuya at sadili. Nu katanya, Daniel nafainfanyuan sas Aspenas te, “Lag gfon ya sa emi fun at ngay fakonun.”

1 Fun 10:8

Mauseganan tua am ngay fagsuguan taggubuk gugat emu, ay gdungugan am ngay longan at mamatanganan.

Lukas 21:36

Nu katanya, kabavn mafalganani ay mafandarangini laman mababo tuam takadasug ban fag fagidapun, ay laman ban manangalindug tua ban am sas Taw at Baguama at daga salubangan.”

Lukas 11:3

Foni emi em fakonun kayu menit,

Mateu 6:11

Ay foni emi em fakonun katsi fag menit.

Eremyas 15:19

Nu katanya, Yawi nalong sa angku te, “Nu gubun tuo am asalanan, namafoli au emu sa ku day tigyangan laman namataglayun o namakamulun sa angku. Nu matuyan tua ban fia fagayu am longan, ay nu gsaruy tua ban o fagayu at mauri, namadog kban nanfili emu laman ku taglong. At matuyan, kanya way ban fagayu at nangakbang sa emu.

2 Krunika 9:7

Mauseganan tua am ngay fagsuguan taggubuk gugat emu, ay gdungugan am ngay longan at mamatanganan.

2 Fun 25:30

Ay kayu menit ay kaduge kanya gleleg, fun gfon sa anya at ngay fagayudanun.

1 Samwel 16:22

Ay Saul gdog yay nafadasug sik longan sas Ese te, “Get au sa emu te, aylati nu gfabanwan au Dabid ste laman ggubuk angku, aroro maksvn nu guseganan au anya.”

Fakasigadan 41:46

Kanya tuluk safuluk banwa nu gfasigad ggubuk Igiptu at fun. Ay kanya nalao siginans Igiptu at fun at akbang ay anfagdaul talun Igiptu.

Lukas 1:19

Ay tagbarita nabalus Sakaryas te, “Au wan Gabriel, kabavn gfakamulun au sis Dius at daga salubangan. Kanya nasugu angku laman namadungug au sa emu tuy fag barita at masine.

Fangatulun 23:3

Lag yap vtv kaylat at nafalganan fag fakonun, aroro sik famaylatan way manga emu.