Daniel 1:4 - Fanawbuid tagsibaliwas Fakayabian

⁴ Filii at maseganama, mataglu, maleleg, at masakit kae fagsafulun ay masine laman ku ngay fagsuguan.” Ay fun Nabukudunusur nasugu sas Aspenas te, “Foyungi yangay sa anya fagayu, tam fangaringang ay tam ngay rirukan.”

Daniel 1:4 Referans Kwoze

Daniel 5:11

aroro e sik taw ste sim fagfagtainanan tagsi anya ngay dius at falad. Ebi gina am mama Nabukudunusur gfunan, kanya fag taw nafalag at fagsafulun takata ngay dius at fagsafulun. Am mama nafili anya sik tagfangguna sa sangay tagsaful gfasure at ngay madulo, tagfangufit, tagfangalga siginans galeme ay taginsaful.

Fakamulun 7:22

Ay nafoyung sas Muisis ngay taw Igiptu at fagsafulun, ay kanya ansik mabalyanan sit longan ay sit fakamulun.

Fangatulun 22:29

At ke fagsafulun sas nusnga setaw, at fagnamakamulunan sa tuas fun, bundi sa tibak taw.

2 Samwel 14:25

Sas fagayu mangama sis talun Israel, Absalum wan at masine at kamatan, ay kanya fagayu kadulo. Kanya di e malong siginan at alfuyu ay anggan sat darafa.

Daniel 2:10

Kanya fagayu nabalus sas fun te, “We taw sas fagdaul daga at mafafakamulun takata am fakaylatun. Ay wa yangay e fun, nusnga se aksvn at fagmabalyananun, at masugu takatanya sat ngay tagsaful gfasure at madulo, tagfangufit ay tagfangalga siginans galeme.

Fakamulun 7:20

“Ginanya, Muisis ansalug, ay kanya sik maylat fag munama sas Dius. Ay at fagtainan nalaga anya kaduge tuluk magdanun.

Daniel 5:7

Kanya nauro at ngay tagfangufit, tagfangalga siginans galeme ay taginsaful. Kanya fagayu nu ndasug, fun nalong sa anya fagayu te, “Nusnga sinu tua ro at matap at marirukan sis dingding ay at mafayamag at masuad, gfasulun kro sa anya sik lanbung at masine ay sik dalag at mawatan siginans gintu. Ay gfili kro anya laman at fatuluk tagfangguna si ku fagfagtainanan.”

Daniel 4:7

Ngay tagsaful gfasure at ngay madulo, tagfangufit, tagfangalga siginans galeme ay taginsaful ndasug, ay nafansulit au sa anya fagayu ku taginfan, dewa katanya, wa mafayamag.

Takamoyung 7:19

At ke fagsafulun fag taw at fagmafakamulunun gtungud yay safuluk tagfangguna sis furuan daul.

Tagfangguna 8:18

Gidyun nainto sas Seba ay Salmuna te, “Setain ay nafabul sis talun Tabur fag ngay mangama at kawalungan?” Kanya fag dua nabalus te, “Kanya fag ngay mangama kata sik fun at ngay baguama kata emu.”

Efesu 5:27

Nu katanya tua, kanya mafasalubang at ngay taw sa anya, masine ay di e kalong nusnga setaw ay di e mauri, nu bunway masine tua ay matuyan.

Daniel 3:8

Ginanya fag buknga, e sik ngay tagfangalga siginans galeme at kinkakbang sas fun Nabukudunusur ay nafantabugan ngay taw Udyu.

Daniel 2:2

Kanya nafauro at ngay tagsaful gfasure at ngay madulo, tagfangufit, tagfangabalo ay tagfangalga siginans galeme, laman nanlong sa anya te, nataw at nataginfan.

Isayas 36:11

Ay Elyakim, Sebna ay Ua nalong sas tagfangguna tagfawayan te, “Anin, nu gfakamatoan o emi, sa yakmans taw Aram at fangaringang, aroro kanya way em fagtogdungugun. Lag garingang sas Ebreu fag fangaringang aroro tagsis alad furuan fag ngay taw gdungug way.”

Eremyas 5:15

Yawi glong te, “Ngay taw Israel, namadasug au sa ayu sik gaban taw tagsiginan tangayayu fag talun laman namaurianan ayu. Kanya sik gaban taw taglugo wan nu gbanwan sit talun, ay ay fagyudun togdungug at fangaringang.

Daniel 9:1

Daryu fag taw Medya, Akasuerus at baguama, ebi talun Babilunya at fun. Gina taguna fag banwa nu gfunan, nasaful au siginans Dius at Longan te, at kadugean Erusalem nu marasrasan fituk safuluk banwa, kata Yawi at longan sas Eremyas fag taglong.

Sakaryas 2:4

Ay kanya nalong sa tagfakamatoan angku fag tagbarita te, “Sakiti tua ay nanlong o sanya fag mangama at ke buba famasudsudan te, Erusalem umsik furuan at yud ya e dingding alad aroro ngayu wan ngay taw tagbanwan sanya ay at ngay fagbaugun.

Fakasigadan 41:46

Kanya tuluk safuluk banwa nu gfasigad ggubuk Igiptu at fun. Ay kanya nalao siginans Igiptu at fun at akbang ay anfagdaul talun Igiptu.