Abakuk 2:1 - Fanawbuid tagsibaliwas Fakayabian

¹ Abakuk nalong te, “Nanmalindug au sas fagulitan fag afud furuan at alad, ay namanya au Yawi at fagyalongun sa angku ay at famalus ku fagetun.”

Abakuk 2:1 Referans Kwoze

Isayas 21:8

Ay kafag tagulit guro te, “Fagtainan, kayu menit ay yabi ste kway gugat gulit sis bale fagulitan.

Isayas 62:6

Erusalem, nafae tagulit au sim alad fag ngay fagulitan. Kayu menit ay yabi kanya fag ngay tagulit di gfaragang nu gdarangin. Am tagdarangin sas Yawi, lag gfaragang nu gdarangin am.

2 Samwel 18:24

Gina Dabid malunggung sis wabilug taguna fag alad at sakbawan, ay sit famalanib fag alad at sakbawan, tagulit nakato sas alad sabaliwa stungud bale. Ay gina kanya gbanawan, e nalag sik taw gtarung.

Alubad. 85:8

Nandungugan au Dius at longan. Kanya namatuyanan fagmanabayanun sa antam at nafili ay at matuyan fag ngay taw. Nu katanya, lag ban tam kafoli ya sa tam fagyudun mamatanganan.

Alubad. 5:3

Kayu balabag sirut, gfadasug au ku ngay fagetun sam daga salubangan, ay gfanya au am famalus. Dungugi angku gina menit kasure.

2 Kurintu. 13:3

Gfakamulun kban takatanya laman tagfatuyan sa ayu te, tam Fun Isus garingang sa ayu siginan angku. Tam Fun Isus di mamomuy nu bunway mabalyanan tua nu gfae fagmatuyanun ayu.

Eremyas 12:1

Yawi, kabavn matuyan tuo dewa au nafamayud sa emu. Ay katsi e fagintoun au sa emu: wain ro at mauri fag ngay taw at fakaramramanun? Ay wain ngay taw takamabo emu fagmanabayanun?

Ub 31:37

Ay gfoyung au sas Dius fagayu ku nafakamulun ay nansalubang au anya kata sik funan at yud kapla.

2 Fun 9:17

Ay tagulit sis Esreel at fagulitan fag bale ngabat nalag Yeu nu kadasug gadgaloan at ngay tagfawayan, ay kanya nauro te, “E kadasug sik ngay tagfawayan!” Ay Uram nabalus te, “Sugui tagsaful gsakay sis kabayu, laman nanginsaful te, o fagmabayanun tua at fagnastaeun?”

Galasya 1:16

Kanya nafasure sa angku at Baguama laman nanfamoyung au at Masine fag Barita sas yud Udyu fag ngay taw. Ay gina Dius nafasure sa angku takatanya, kwa nananginto sas nusnga sinu.

Isayas 21:5

Sis Babilunya at ngay fagtainan gfalganan sik yafun daul, ay nasagmak sanya at ngay faglunggungan, ay kanya fagayu gfangon ay ginum. Ay e nauro te, “Falganani wan! Namawayan wam.”

Ub 31:35

Nu e gfadiuganan di angku, griruk kro ku ngayan sit ba rirukan laman gfatuyanan sas Dius te, kdi e asalanan. Nu e foyungan di te, mauri au, glong kyay ro sa anya te, ‘Riruki yap.’

2 Fun 17:9

Kanya fagayu gsuksuk nu gfakamulun at yud mauseganan sat Dius Yawi. Ay nawat yangay ngay bale sa tangabat fag ngay buknga laman at fagnansegan sa talay ay anggan sa tagbia fag ngay furuan at ke ngay alad.

Eremyas 6:17

Nu katanya, nafili au ngay tagulit ay nalong ayu te, ‘Dungugani budyung nu gawang laman sik famararang sa ayu.’ Dewa katanya, nalong wayam te, ‘Wami kaylat gdungugan.’ ”

Esekyel 3:17

“Taw at baguama, nafili au emu laman tagulit ngay taw tagbanwan sis talun Israel. Nu katanya, nusnga setaw am nadungug siginan angku fag ngay famararang, nanlong o fia sa anya fagayu.

Mikas 7:7

Dewa katanya au, gafanud au sas Yawi ku Dius. Gfanya au anya, ku tagfalangfe ay ku taggubuk.”

Alubad. 85:9

Anud, kanya mafalganan gugat gfalangfe fagayu tagsuyu anya, laman gfalag te, at fagmabalyananun si tua antam ay si tam talun.

Isayas 21:6

Tam Fun nalong sa angku te, “Filii sik tagulit at furuan laman gfoyung nusnga setaw at nalag.

Esekyel 33:7

“Taw at baguama, nafili au emu laman tagulit ngay taw Israel. Nu katanya, dungugani ku fagyalongunun emu, ay namasaful o sa kafag ngay taw.