Mateu 9:23 - ciNyungwe Bibliya

²³ Pomwe Jezu adafika panyumba pa m'kulu wa nyumba ya mapembo adawona wakuimba bzitoliro na m'thithi womwe ukhali piringu-piringu,

Mateu 9:23 Referans Kwoze

Mabasa ya Atumiki 9:39

Pedru adayenda nawo ndipo pomwe adafika, adatengedwa aciyenda mucipinda ca padzulu. Amasiwa wentse adam'zungulira acimbalira ndipo acimbamuwonesa mavixtidu na bzakubvala bzinango bzomwe Dolika akhadakondza pomwe akhanawo.

Luka 7:32

Ali ninga wana omwe ambakhala pathambwe acimbakuwa kuna wina na andzawo kuti: “ ‘Ife takulizirani mulumbwi, tsono imwe mulibe kubzina. Taimba mwakutsukwalisa, tsono imwepo mulibe kulira’.

Mateu 11:17

“ ‘Ife takuimbirani citoliro, tsono imwe mulibe kubzina. Takuimbirani nyimbo yakudandaula, tsono imwepo mulibe kutsukwala’.

Mabasa ya Atumiki 20:10

Tsono Paulo adabuluka acikotama kwa mulumbwana ule ndipo adam'kumbatira, aciti: “Lekani kuneseka! Iye ana moyo!”

Cidziwiso 18:22

Un'dzabveka lini pomwe mum'zindayo muwira wa wakuliza santsi, wakuimba nyimbo, wakuliza bzitoliro na wakuliza bzimbututu cipo. An'dzawoneka lini pomwe mukati mwa mzinda ule azimisiri na m'bodziyo, ngakhale wakudziwa basa liri-lentse cipo. Mumzindawo mun'dzabveka lini pomwe muwira wa mpheyo cipo.