Mateu 5:44 - ciNyungwe Bibliya

⁴⁴ Tsono Ine nin'kuuzani kuti: Funani anyamadulanthaka wanu ndipo pembererani omwe ambakufambirani mbuyo,

Mateu 5:44 Referans Kwoze

aRoma 12:14

Dalisani omwe an'kufambirani m'mbuyo. Adaliseni, lekani kuwatemberera.

1 Pedru 3:9

Lekani kubwezera cakuipa na cakuipa, napo kutukana na kutukana, tsono dalisani, nakuti mudacemeredwa kuti mucitebzimwebzi, mucidzatambira madaliso ninga utaka,

Luka 23:34

Ndipo Jezu adalewa kuti: “Baba, alekerereni nakuti iwo an'dziwa lini bzomwe alikucita”. Pamwepo iwo adagawana bzakubvala bzace mwakucita mayere.

1 Pedru 2:23

Pomwe akhatukwanidwa, akhabwezera lini, pomwe akhabonera, akhambakhumbza lini, tsono akhambabzipereka kwa Ule omwe ambatonga mwakurungama.

Mabasa ya Atumiki 7:60

Pamwepo adagodama acikuwa kuti: “Mbuya, lekani kuwapasa mulandu wa cakuphonyera Mulungu cimweci”. Ndipo pomwe adamala kulewa bzimwebzi adafa.

Juwau 13:34

Ndiri kukupasani Mtemo upsa, wakuti mufunane winango na mwandzace. Ninga momwe ine ndidakufunirani, imwembo mufunane.

1 aTesalonika 5:15

Citani mphole kuti paleke kuwoneka ali-yentse wakubwezera cakuipa na cakuipa, tsono nthawe zentse citiranani bzabwino pakati panu ndipo kwa wentse.

Mabasa ya Atumiki 16:28

Tsono Paulo adakuwa aciti: “Leka kubzicita kuipa! Tentse tiri muno!”